1 Abhakorinto 12:27 - Eriiraghano Eriihë

²⁷ Mbe, inyu bhoose n‑omobhere o Kirisito moonyi, no omooto woose ghate yaanyu n‑ekyemo ke mobhere uyo.

1 Abhakorinto 12:27 ပူးပေါင်းရင်းမြစ်များ

Abharuumi 12:5

Hangʼu nibhu na niitu toonyi. Itu ntoonyi bhaaru, amare ntubheere omobhere umu gho ghughöötana kwito na Kirisito. Mo‑mobhere waache, omooto woose n‑ekyemo ke mughëndi waache.

1 Abhakorinto 1:2

ntokobhakëëri inyu abhaato bha riikanisa re Ryobha bhano moonyi mo‑moghya o Korinto. Eryobha ndebhahwire gho nchëra e Kirisito Yesu na kobhabherekera mubhe abhaato bhaache. Ntokobhakëëri inyu haghirohamu na abhaato bhoose bha chambaara choose bhano bhakomusabha Yesu Kirisito, uno niwe Omutëmi waabho no Omutëmi wiito itu bhoose.

1 Abhakorinto 10:17

Omughaate uyo toghusanga itu bhoose n‑umu. Gho ghayo, itu bhoose n‑omobhere umu, nangabha toonyi bhaaru.

1 Abhakorinto 12:12

Mbe, omobhere o mooto noonyi ne ebhyemo bhyaru, amare ebhyemo bhyose bhiyo, n‑omobhere umu. Hangʼu keenyi kwo mobhere o Kirisito, niryo eriikanisa.

1 Abhakorinto 12:26

Aribha ekyemo kimu ke mobhere kinyahaarekiri, ebhyemo bhyose mbehanyahaareka haghirohamu nakyo. Wiiki ekyemo kimu keraghongibhu, bhyose mbaghuchömëru haghirohamu nakyo.

1 Abhakorinto 6:15

Moteeche kubha emebhere gheenyu, n‑ebhyemo bhe mobhere o Kirisito? Kana, moghwituuri moghotora kwimoki ebhyemo bhe mobhere o Kirisito, na kobhighöötani no omobhere o musöngörëëri? Naabha, koru hasuuhu!

Abhaebheeso 1:23

Eriikanisa n‑omobhere o Kirisito, iryo n‑obhohikeerani bho Kirisito uno akohikeerani ebheghiro bhyose.

Abhaebheeso 4:12

꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

Abhaebheeso 5:23

Mokwëndëru ghuköra hangʼu, gho kubha omosubhe naanyi no obhotoro ighoro e mukari waache. N‑kinya bhuno Kirisito anyi no obhotoro ighoro e riikanisa. Iwe omwene niwe Omotoori o riikanisa, rino reenyi omobhere waache.

Abhaebheeso 5:30

gho kubha itu abhakumi ne ebhyemo bhe mobhere waache toonyi.

Abhakorosaayi 1:18

Iwe niwe omutu o mobhere, niryo eriikanisa. Iwe n‑simoka e mangʼana ghoose, gho kubha niwe o mumbërë koryoka koru mo‑bhaku, kubha abhe no omweya o mumbërë, mo‑bheghiro bhyose.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

Abhakorosaayi 2:19

Uyo niyahwire na Kirisito uno aghukangata eriikanisa, niryo omobhere waache. Koru ghokooche omobhere woose noghuchaama na ghughöötanibhu haghirohamu kwo ebhyemo ne emeghiha. Omobhere woose noghokora bhoheene kinya Eryobha rekwënda.