1 Abhakorinto 11:34 - Eriiraghano Eriihë

³⁴ Aribha omooto anyi na anchëra, araaghërë awaache, kubha ghwikomana koonyu ghotabhaköra moteneru ekiina. Amangʼana aghande ghano ghasaaghiri, neraacha neghoghatoora bhoheene.

1 Abhakorinto 11:34 ပူးပေါင်းရင်းမြစ်များ

1 Abhakorinto 11:33

Gho ghayo, abhahiiri bhaane, hano moghwikomana kurë ekiinyakurë ke Mutëmi, mughanyane singa.

1 Abhakorinto 16:1

Ibheere neghosiikëra ighoro e musörörö o kobhatoori abhakumi bha mo‑moghya o Yerusareemu. Inyu wiiki mukörë kinya bhuno nebhabhooriire abhaato bha makanisa gha mo‑mukööwa o Gharatiya.

1 Abhakorinto 16:2

Chaasiko choose che Chumabhiiri, omooto woose ghate yaanyu abhe aratoora amamba kurëngʼaana na kebhuno akubhöna, kubha eriibhagha rino nekuucha bhowaanyu, mubhe mumariri ghokoma emisörörö.

1 Abhakorinto 16:5

Nekuucha iyo bhowaanyu, hano neekoru mo‑mukööwa o Maketoniya, gho kubha nekwënda singa nehetere Maketoniya.

1 Abhakorinto 4:17

Gho ghayo nemotomiri Timotewo, omoona waane omosiighani mo‑bhokumi, uno anyi omuhëënë mo‑meremo ghe Mutëmi. Iwe nakobhahiiti ghano eni neghutambana mo‑bhughöötani bhoone na Kirisito, ghano nekweghi abhaato ahaghiro hoose mo‑makanisa ghoose.

1 Abhakorinto 4:19

Amare Omutëmi arasiigha, nekuucha bhowaanyu ghano matiko. Hayo niho nekwirigheri eni mwene, amangʼana ghano bhakobhugha bhayo bhakwihacha, na taanyi ghwisuncha amangʼana ghayo agheene, amare wiiki kumënya koru changuru cheebho che bhokumi.

1 Abhakorinto 7:17

Omooto woose amanye kurëngʼaana na kinya Omutëmi amurëngiire, wiiki mumanye kinya bhuno mobherekiiru ne Eryobha. Hangʼu nibhu nekuraghereri mo‑makanisa ghoose.

Tiito 1:5

Hano neruure mo‑gheghinga ke nyancha iyo Kireete, ꞉neeghotighiri iye kubha otoore bhoheene amangʼana ghano ghasaaghiri, haghirohamu na kwahura abhagharuka bha riikanisa mo‑meghya ghyose, kinya neere nekwërëkëriiri.