1 Abhakorinto 11:20 - Eriiraghano Eriihë

²⁰ Ibheere, hano moghwikomana haghirohamu motaakurë ekiinyakurë ke Mutëmi kebhuno ekwëndëru,

1 Abhakorinto 11:20 ပူးပေါင်းရင်းမြစ်များ

Amaköri gha Bhatomu 2:42

Abhaghëndi bha Yesu ꞉mbaaköngʼiiri mo‑bhughöötani bhuyo, bhareegha ameeghi gha bhatomu bha Yesu, na ghosuura omughaate haghirohamu, na korisabha Eryobha.

Amaköri gha Bhatomu 2:46

Chaasiko choose mbaare bharatëmëërana haghirohamu Mwisëngërö. Mbaare bharasuura omughaate mo‑chanyumba cheebho, na kurë haghirohamu gho ghuchömëru na gho ghusambaaruka.

1 Abhakorinto 11:17

Ighoro e ghano nekwënda kobharaghereri ibheere, nteekobhaghongi, gho kubha hano mookubha mwikomiine haghirohamu motaaghuköra ghano ghaanyi no obhwëra, amare moghuköra ghano ghataanyi no obhwëra.

1 Abhakorinto 11:19

Koheteerana ghate yaanyu ngokwëndëru kubhe‑ho, kubha bhano bhaanyi abhahëënë ghate yaanyu bhamënyu.

1 Abhakorinto 11:21

gho kubha, omooto woose naakurë ekiinyakurë keeche motaaghughanyana. Gho ghayo, abhamu ghate yaanyu mbaghusaagha na anchëra, na abhande mbarëëwuru.

Abheebhuraaniya 10:25

Totatigha chaasughara chiito che ghutëmëërana haghirohamu kwo masabhi kinya bhuno abhaato abhande bhaghuköra. Amare twëndërërë ghotoorana omukörö itu bheene kwo bheene ghokera bhuno toore toraköra, gho kubha ntweche kubha orosiko ro ghugharuka kwo Mutëmi ˆroghatingʼi.

2 Bheetero 2:13

Wiiki mbakorehu anyaako kinya ino bhabhaköriire abhaato abhande. Mbahaachömëru ghwighomba ghuköra amangʼana ghaabho amabhe haheero. Koru hano bhakuraaghëra haghirohamu na niinyu, mbahaachömëru kobhangʼiina.

Yuuta 1:12

Abhaato bhayo, hano mookubha haghirohamu nabho mo‑ndaaghëra yaanyu e bhosiighi, mbakuraaghëra gho kwimënya abheene kwo bheene, koru bhataakorighi chaasoni chochoose. Bhayo mbaanyi kinya amatare gha mo‑nyancha ghano ghataakorighibhu, n‑obhobhe ghokoonyu. Ibho bhataanyi ne ekebhune ghyokyose, mbaanyi kinya amashaaro ghano ghataanyi na ambura na ngahaahiru no obhukama hohoose haare. Mbaanyi kinya emete ghino ghetaanyi na amakorobhese eriibhagha re mughësö, ngyomiri inkongʼorimu, na ngeghwire.