1 Abhakorinto 11:16 - Eriiraghano Eriihë

¹⁶ Amare aribha omooto akwënda ghoshangʼaana ighoro e mangʼana ghayo, na amënyë kubha itu totaanyi na asughara ayende ghokera iyo, koru mo‑makanisa gha Ryobha teenyi‑ho asughara ayende.

1 Abhakorinto 11:16 ပူးပေါင်းရင်းမြစ်များ

Amaköri gha Bhatomu 21:21

Amare mbabhooriiru kubha, nokobheeghi Abhayahuuti bhoose bhano bhaghwikara mo‑chaase echende kubha, bhatabha bharatereera emeghiro ghiyo. Wiiki nobharëkiri kubha bhatabha bharasaara abhaana bhaabho, koru ghutambana chaasughara cheebho che Kiyahuuti.

Amaköri gha Bhatomu 21:24

Mbe, mughöötane nabho moghi momusu haghirohamu. Ghyokyose kino bhakwënda bharehe, ubhe niiye okobharehera, bharamara bhangʼööbhë emitu gheebho. Gho ghayo, abhaato bhoose mbakumënya hëënë kubha, ghoose ghano ꞉ghaasiikiiru ighoro yaacho, taanyi gha hëënë, na mbakumënya kubha, iye woose nokwëndërëra ghosooka emeghiro.

1 Abhakorinto 11:15

Amare kwo mukari kubha na chanchweri indë ngokomuköra asooku, gho kubha nahaabhuru chanchweri indë kubha chibhe kinya angibho e ghokundekeri omutu waache.

1 Abhakorinto 16:1

Ibheere neghosiikëra ighoro e musörörö o kobhatoori abhakumi bha mo‑moghya o Yerusareemu. Inyu wiiki mukörë kinya bhuno nebhabhooriire abhaato bha makanisa gha mo‑mukööwa o Gharatiya.

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

1 Abhakorinto 7:17

Omooto woose amanye kurëngʼaana na kinya Omutëmi amurëngiire, wiiki mumanye kinya bhuno mobherekiiru ne Eryobha. Hangʼu nibhu nekuraghereri mo‑makanisa ghoose.

1 Abhakorinto 9:1

Ibheere, eni nteenyi huuru? Eni taanyi omotomu? Eni ntemorooche Omutëmi wiito Yesu? Wiiki emeremo ghino eni ꞉niiköriri taanyi nighyo ghebhaköriri inyu momokumi Omutëmi?

1 Abhakorinto 9:6

Hamu n‑eni na Bharinaabha abheene, bhano tokwëndëru ghuköra emeremo kubha tubhönë ebheghiro gho ghiri e eriimanya riito?

1 Abhatesaronike 2:14

Bhahiiri bhiito, ghaare ꞉ghaabhabhwine abhaato bhano bhamokumiri Kirisito Yesu mo‑makanisa gha Ryobha mo‑mukööwa o Yuteya, nigho ghayo ghayo ˆghakabhabhöna na niinyu. Abhaato bhaanyu mbabhanyaakiri, bhuure bhuure kinya ibho Abhayahuuti bhaghëndi bhaabho ꞉bhaabhanyaakiri.