1 Abhakorinto 10:17 - Eriiraghano Eriihë

¹⁷ Omughaate uyo toghusanga itu bhoose n‑umu. Gho ghayo, itu bhoose n‑omobhere umu, nangabha toonyi bhaaru.

1 Abhakorinto 10:17 ပူးပေါင်းရင်းမြစ်များ

Abharuumi 12:5

Hangʼu nibhu na niitu toonyi. Itu ntoonyi bhaaru, amare ntubheere omobhere umu gho ghughöötana kwito na Kirisito. Mo‑mobhere waache, omooto woose n‑ekyemo ke mughëndi waache.

1 Abhakorinto 10:21

Motaaghotora konywera eghisënchö ke Mutëmi na ke misambu. Motaaghotora kurë ekiinyakurë ke Mutëmi na ke misambu.

1 Abhakorinto 12:12

Mbe, omobhere o mooto noonyi ne ebhyemo bhyaru, amare ebhyemo bhyose bhiyo, n‑omobhere umu. Hangʼu keenyi kwo mobhere o Kirisito, niryo eriikanisa.

1 Abhakorinto 12:27

Mbe, inyu bhoose n‑omobhere o Kirisito moonyi, no omooto woose ghate yaanyu n‑ekyemo ke mobhere uyo.

Abhaebheeso 3:6

Ekebhisere ekyene nikyo kino, gho nchëra e ghokumi Angʼana Anchömu abhaato bha matöngö mbakubhöna aghabho haghirohamu na Abhayahuuti. Wiiki abhaato bhayo n‑kinya omobhere umu na Abhayahuuti, na mbaghusanga haghirohamu eriiraghano riire riire rino Eryobha ꞉riiköriri gho nchëra e Kirisito Yesu.

Abhaebheeso 4:16

Kirisito naghughöötani abhaato bhaache bhoose kubha bhamu, kinya bhuno ebhyemo bhe mobhere bhehaghöötana haghirohamu, na kubha omobhere umu. Mbe, kira kyemo keraköra omoremo waache kinya ghekwëndëru, omobhere woose nokwiyëngëra na ghuköngʼëri mo‑bhosiighi.

Abhaebheeso 4:25

Gho ghayo, motighe obhuröngö. Omooto woose nakwëndëru kobhoorera mughëndi waache obhuhëënë, gho kubha itu bhoose n‑ebhyemo bhe mobhere o Kirisito toonyi.

Abhaebheeso 4:4

Itu bhoose ntoonyi kinya omobhere umu na ꞉ntoobhwine Akörö Ahörëëru imu, kinya bhuno eriitëngʼërö rino mobherekiiru ne Eryobha reenyi rimu.

Abhakorosaayi 2:19

Uyo niyahwire na Kirisito uno aghukangata eriikanisa, niryo omobhere waache. Koru ghokooche omobhere woose noghuchaama na ghughöötanibhu haghirohamu kwo ebhyemo ne emeghiha. Omobhere woose noghokora bhoheene kinya Eryobha rekwënda.

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.

Abhakorosaayi 3:15

Omurëmbë o Kirisito ukangate mo‑metema gheenyu. Inyu mubheere omobhere umu, gho ghayo, mumanye kwo murëmbë. Wiiki mubhe morariitabheri Eryobha.