1 Abhakorinto 10:13 - Eriiraghano Eriihë

¹³ Amasaki ghano ꞉ghaabhabhwine inyu, n‑kinya ghano abhaato abhande bhakubhöna chaasiko choose. Eryobha n‑ihëënë, iryo retaakobhatigha musakibhu ghokera changuru cheenyu. Eriibhagha inyu moghusakibhu, Eryobha ndekobhaha changuru che ghoghumereri na anchëra e kohorokera muyo kwo murëmbë.

1 Abhakorinto 10:13 ပူးပေါင်းရင်းမြစ်များ

Mataayo 6:13

Wiiki otatusöhi mo‑masaki, amare ototoori no Omobhisa wuure, [gho kubha obhutëmi m‑bho bhoocho, na changuru, no obhokumi obhokoro, koru emiishe ghyose. Hawubhaabha.]’”

Ruuka 11:4

Otwabhërë amasari ghiito, kinya tokwabhëra bhano bhaghotutaaseri. Wiiki otatusöhi mo‑masaki, [amare ototoori no Omobhisa wuure].’”

Ruuka 16:26

Ghokera ghayo, ghate yiito na niinyu, hatooruru rirooma ikoro chwee. Ndetooruru kubha, bhaare bhakwënda koru ino kuucha ghokoonyu, bhatatora korekera, na bhaare bhakwënda koru iyo kuucha ino, bhatatora.’

Ruuka 22:46

Akabhabhoori, “Ngwake momisiri? Mobhooke! Musabhe Eryobha, motaacha ghusöha mo‑masaki.”

Amaköri gha Bhatomu 27:44

Bhano bhaghusaagha bhiimoki chambaawe, hamu ebheteneka bhe meeri iyo, bhatëënyërë. Mbe, niho itu bhoose toghatëënya tokahika mo‑se ayoomu toonyi abhahöru.

1 Abhakorinto 1:9

Eryobha ndeghuköra ghayo gho kubha n‑ihëënë. Iryo niryo rebhabherekiire inyu, mubhe no obhumu no Omoona waache Yesu Kirisito, Omutëmi wiito.

2 Abhakorinto 1:10

Eryobha niryo ꞉reetotooriri eriibhagha toore mo‑tabhaaribhaari e roko, wiiki ndekwëndërëra ghototoori. Itu ntokoriitëngʼëra iryo kubha ndeekubha reraköra hangʼu eriibhagha ryose,

1 Abhatesaronike 5:24

Eryobha eryene rino rebhabherekiire, ndekobhakörëra ghayo ghoose, gho kubha n‑ihëënë.

2 Abhatesaronike 3:3

Amare Omutëmi m‑muhëënë, iwe nakobhaköngʼëërëri inyu na kobhachonga no Omobhisa wuure.

2 Timotewo 4:18

Nyeeche kubha nakwëndërëra ghontoori mo‑mabhe ghoose na ghonchonga, mbagha ahiki mo‑bhutëmi bhooche bho Mwishaaro. Omutëmi Yesu aghongibhu emiishe ne emiishe. Hawubhaabha.

Abheebhuraaniya 10:23

Twiköngʼi chwee ghoghaghööta ghano toghoghakumi na ghoghitëngʼëra totighe kohombahoomba, gho kubha Eryobha n‑ihëënë mo‑ghano riraghiri.

Abheebhuraaniya 11:11

Obhokumi ꞉mbuuköriri Saara, nangabha are akunguhiri, akabhöna obhotoro bho ghughëgha anda, gho kubha naare arakumi kubha Eryobha ndekohikeerani eriiraghano reeche.

Abheebhuraaniya 12:4

Nangabha moghwiköngʼi ghoghakinda amasari, koru hangʼu mokeere kurööna eriihë mbagha kohikera ghwita amasaahë ghaanyu.

Abheebhuraaniya 6:18

Erabha Eryobha ndirahiiri na komuraghera, retaaghugharura naabha gho kubha iryo retaanyi ibhiihi. Iryo ꞉ndiiköriri ebheghiro bhibhere hangʼu, kuraheri na kuragha, kubha retuhë omukörö itu bhano tungʼösiire ghokooche, tubhe na amiitëngʼërö gho ghaare ghakuucha ambërë yiito.

1 Bheetero 4:19

Gho ghayo, bhano bhakunyaaka gho ghuköra ghano Eryobha rekwënda, bhamënyë kubha Eryobha n‑Itëëmi na n‑ihëënë. Gho ghayo, bhiitoore mo‑mabhökö ghaache, bhëëndërërë ghuköra amachömu.

2 Bheetero 2:9

Gho ghayo, Omutëmi Waryobha neeche kinya akobhatoori mo‑masaki abhaato bhano bhakomosooka. Wiiki neeche kebhuno akobharööna abhaköri bha masari mo‑rosiko ruure ro kobhatenera ekiina,

1 Yohana 1:9

Torabhugha kubha ntuköriri amasari, Eryobha ndeghotwabhëra na ghotweri amabhe ghoose, gho kubha iryo n‑de hëënë wiiki n‑de bhuhëënë.

Obhohunyurëru 19:11

Hano ghayo ghahetiri, nekarighi eriirighi erende. Nekarighi erishaaro riighokiri. Nekarighi abharaasi ayeero no omooto ikeere ighoro yaache. Omooto uyo nabherekiiru, “O Muhëënë” no “O Mahëënë.” Iwe nahaatena ekiina na kurööna eriihë kwo bhuhëënë.

Obhohunyurëru 2:10

Motatiina anyaako ino ekuucha ghokoonyu. Mumööhi! Erishambu ndekobhasaki gho kobhatoora abhamu ghate yaanyu mwighërëcha. Inyu mokunyaaka gho chaasiko ikomi. Amare mubhe abhahëënë ghokoone, mbagha ghoku, na neeni nekobhaha atuho e bhuhöru bho miishe ghyose.

Obhohunyurëru 3:10

Ndekuucha eriibhagha re nyaako mo‑se ingima, na abhaato bhoose mbakurëngighu. Amare eriibhagha riyo, nekobhachonga inyu, gho kubha ꞉mooghumeriiri anyaako kinya ꞉neebharagheriiri.