1 Abhakorinto 1:9 - Eriiraghano Eriihë

⁹ Eryobha ndeghuköra ghayo gho kubha n‑ihëënë. Iryo niryo rebhabherekiire inyu, mubhe no obhumu no Omoona waache Yesu Kirisito, Omutëmi wiito.

1 Abhakorinto 1:9 ပူးပေါင်းရင်းမြစ်များ

Mataayo 24:35

Erishaaro na ase mbekoheta, amare amangʼana ghaane ghataakoheta naabha.

Yohana 17:21

Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

Abharuumi 11:17

Ibheere, ebhisaghe ebhimu mbenunguru, na niinyu bhano moonyi kinya ebhisaghe bhe miseyituuni ghi ibhara moghaghöötanibhu moghasanga haghirohamu ne ebhisaghe bhe museyituuni uno otaanyi wi ibhara. Ebhisaghe bhyose mbekubhöna ebhiinyakurë koru mo‑merya ghe museyituuni o kare.

Abharuumi 8:28

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

Abharuumi 8:30

Mbe, bhayo reere ryahwire, nibho bhano ꞉reebherekiire, na bhano ꞉reebherekiire, nibho bhano ꞉riibhariire kubha mbaanyi no obhuhëënë, na bhano ꞉riibhariire kubha mbaanyi no obhuhëënë, nibho bhano ꞉riiraghiire kubha ndekobhaha obhokumi obhokoro.

Abharuumi 9:24

Mo‑bhaato bhayo nibho itu bhano rebherekiire. Retabherekiire Abhayahuuti abheene, amare koru abhaato bha matöngö.

1 Abhakorinto 1:30

Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

1 Abhakorinto 10:13

Amasaki ghano ꞉ghaabhabhwine inyu, n‑kinya ghano abhaato abhande bhakubhöna chaasiko choose. Eryobha n‑ihëënë, iryo retaakobhatigha musakibhu ghokera changuru cheenyu. Eriibhagha inyu moghusakibhu, Eryobha ndekobhaha changuru che ghoghumereri na anchëra e kohorokera muyo kwo murëmbë.

1 Abhakorinto 10:16

Ibheere, eriibhagha re kiinyakurë ke Mutëmi, hano tokonywera eghisënchö gho ghiri e koriitabheri Eryobha, totahaabha torasanga haghirohamu mo‑masaahë gha Kirisito? Wiiki, eriibhagha toghosuura omughaate na kurë, totahaabha torasanga haghirohamu omobhere o Kirisito?

2 Abhakorinto 1:18

Amare ibheere, kinya bhuno Eryobha reenyi ihëënë, ghano tobhabhoriire inyu, ghataare gha mooto kobhugha, eriibhagha erimu “Hee,” ne eriibhagha erende, “Tiyaanyi.”

Abhagharatiya 1:15

Amare Eryobha, ꞉ndeenyahwire eriibhagha nekeere kwibhoru, rekamberekera gho ghareeya yaache, reghiishereri

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abhaebheeso 3:6

Ekebhisere ekyene nikyo kino, gho nchëra e ghokumi Angʼana Anchömu abhaato bha matöngö mbakubhöna aghabho haghirohamu na Abhayahuuti. Wiiki abhaato bhayo n‑kinya omobhere umu na Abhayahuuti, na mbaghusanga haghirohamu eriiraghano riire riire rino Eryobha ꞉riiköriri gho nchëra e Kirisito Yesu.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

1 Abhatesaronike 2:12

kubha mubhe moratambana ghano Eryobha resiighiri. Eryobha niryo rekobhabherekera kubha, mubhe haase e bhukangati no obhokumi bhooche obhokoro.

2 Abhatesaronike 2:14

Eryobha ndebhabherekiire inyu, kubha mubhönë obhotoori bhuyo gho nchëra e Ngʼana Anchömu ino ꞉tuuraghiini bhowaanyu. Ndebhabherekiire kubha mubhönë obhokumi obhokoro bho Mutëmi wiito Yesu Kirisito.

2 Abhatesaronike 3:3

Amare Omutëmi m‑muhëënë, iwe nakobhaköngʼëërëri inyu na kobhachonga no Omobhisa wuure.

2 Timotewo 1:9

Iryo ꞉ndeetotooriri, reghatobherekera tubhe abhaana bhaache abhatööbhiyu. Retaaköriri hangʼu gho ghiri e maköri ghiito, amare ꞉ndiiköriri gho ghiri e miigha ghaache na aghareeya yaache. ꞉Ndeetoheere aghareeya iyo gho nchëra e Kirisito Yesu, koru ase ino ekeere ghutëëmu.

2 Timotewo 2:13

Nangabha itu totaanyi abhahëënë ghokooche, iwe naghusaagha kubha omuhëënë, gho kubha iwe taaghotora kwiyanga omwene.”

Tiito 1:2

na mbokobhaha amiitëngʼërö gha bhuhöru bho miishe ghyose. Eryobha ꞉ndiiraghiri obhuhöru bhuyo, koru rekeere ghutëëma ase, na retaaghosiikëra obhuröngö.

Abheebhuraaniya 10:23

Twiköngʼi chwee ghoghaghööta ghano toghoghakumi na ghoghitëngʼëra totighe kohombahoomba, gho kubha Eryobha n‑ihëënë mo‑ghano riraghiri.

Abheebhuraaniya 11:11

Obhokumi ꞉mbuuköriri Saara, nangabha are akunguhiri, akabhöna obhotoro bho ghughëgha anda, gho kubha naare arakumi kubha Eryobha ndekohikeerani eriiraghano reeche.

Abheebhuraaniya 2:17

Gho ghiri iyo, ꞉niichiri anyi kinya bhuno abhahiiri bhaache toonyi mo‑ghoose, kubha abhe Omuchaama Omokoro uno anyi o bheghongi no omuhëënë mo‑meremo gheeche ambërë e Ryobha. Gho nchëra iyo ꞉niiruusiri amaruusi gha ghutëmëërani abhaato ne Eryobha, kubha Eryobha rebhaabhërë abhaato amasari ghaabho.

Abheebhuraaniya 3:1

Gho ghayo, inyu abhakumi abhaghëndi bhaane, bhano Eryobha rebherekiire kubha abhaato bhaache, mwituuri ighoro e Yesu, uno anyi Omotomu o Ryobha wiiki n‑Omuchaama Omokoro uno tokomokumi.

Abheebhuraaniya 3:14

Gho ghayo ntoghughöötana na Kirisito, erabha tokwëndërëra komwitëngʼëra mbagha antenero e bhuhöru bhwito, kinya bhuno ꞉tuusëëmiri ghokumi.

Abheebhuraaniya 6:18

Erabha Eryobha ndirahiiri na komuraghera, retaaghugharura naabha gho kubha iryo retaanyi ibhiihi. Iryo ꞉ndiiköriri ebheghiro bhibhere hangʼu, kuraheri na kuragha, kubha retuhë omukörö itu bhano tungʼösiire ghokooche, tubhe na amiitëngʼërö gho ghaare ghakuucha ambërë yiito.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

1 Yohana 4:13

Itu ntoonyi no obhumu ne Eryobha, ne Eryobha ryose ndeenyi no obhumu na niitu. Ntweche hangʼu gho kubha ndetoheere Akörö yaache.

Obhohunyurëru 19:11

Hano ghayo ghahetiri, nekarighi eriirighi erende. Nekarighi erishaaro riighokiri. Nekarighi abharaasi ayeero no omooto ikeere ighoro yaache. Omooto uyo nabherekiiru, “O Muhëënë” no “O Mahëënë.” Iwe nahaatena ekiina na kurööna eriihë kwo bhuhëënë.