1 Abhakorinto 1:7 - Eriiraghano Eriihë

⁷ Ibheere motaaghotora ghosuuheru koru hasuuhu ekihaano ghe Körö Ahörëëru, hano mookubha moraghanya kwo miigha ghugharuka kwo Mutëmi wiito Yesu Kirisito.

1 Abhakorinto 1:7 ပူးပေါင်းရင်းမြစ်များ

Mataayo 25:1

Niho Yesu akabhabhoorera abhaanabheegha bhaache akabhugha, “Kwo riibhagha riyo, obhutëmi bho Mwishaaro mboghotuubhaana na abhaakë ikomi bhano ꞉bhiimokiri chaatara cheebho na ghuye komoturungʼanera omokwiri.

Ruuka 12:36

Mubhe kinya abhasësë bhano bhaghughanya omutëmi waabho agharuke koru mwikwirëra, kubha araacha na ghuköngʼööta eghisëku, bhabhe bhiisëëmiri hayo hayo komwighorera.

Ruuka 17:30

“Hangʼu hangʼu ekubha orosiko runo eni Omoona o Mooto nekuucha.

Abharuumi 8:19

Ebheghiro bhyose bhino ꞉bhiitëëmuru, mbeghughanya kwo miigha chwee eriibhagha rino Eryobha rekuucha kwërëkani abhaana bhaache.

Abharuumi 8:23

Wiiki, taanyi kubha n‑ebheghiro hangʼu hangʼu bhino bhekubhabhara, amare koru na niitu bhano tuhaabhuru Akörö Ahörëëru kubha tusame amachömu aghamu ghano tokuhaabhu, koru itu ntokubhabhara mo‑metema ghiito. Ntokubhabhara, gho kubha ntoghughanya chwee eriibhagha rino Eryobha reghotohikeerani kubha abhaana bhaache. Hayo niho Eryobha reghototingori gho ghotuha emebhere emihë.

1 Abhakorinto 4:5

Ibheere, motighe ghotenera ekiina abhaato eriibhagha reeche rekeere kohika, mughanye mbagha orosiko runo Omutëmi Yesu akuucha. Iwe niwe akobhetoora haheero ebheghiro bhyose bhino bhebhisuru mo‑kengʼuuri na kwërëki bhino bheenyi mo‑metema ghe bhaato. Niho omooto woose akubhöna aghongo ino emurëngʼaaniire, koru kwo Waryobha.

2 Abhakorinto 12:13

Ghetaanyi‑ho ghyokyose kino ꞉niiköriri kwo makanisa aghande, kino ntaköriri ghokoonyu. Hamwabhe ꞉neebhatasiiri hano ntëëndiri kubha omorigho ghokoonyu. Aribha bhuyo nibho obhobhe bhoone, monyaabhërë!

Abhagharatiya 5:5

Amare itu, kino toghwitëngʼëra kwo bhotoro bho Körö Ahörëëru n‑kubha, Eryobha ndeghotubhara kubha abhaato abhahëënë, gho kubha ntokomokumi Yesu.

Abhabhiribhi 3:20

Amare, itu n‑abhiikari bha Mwishaaro toonyi na ntoghwitëngʼëra kwo miigha chwee Omotoori, Omutëmi wiito Yesu Kirisito, ache koru iyo.

Abhakorosaayi 3:4

Obhuhöru bhoonyu mbokurëëtu na Kirisito. Eriibhagha rino akorighibhu, niho na niinyu moghusanga haghirohamu nawe mo‑bhokumi bhooche obhokoro.

1 Abhatesaronike 1:10

na komughanya omoona waache Yesu koru Mwishaaro. Iwe niwe Eryobha ꞉reemoryokiri, wiiki niwe aghototoori mo‑rosiko runo toghoteneru ekiina ne Eryobha.

2 Abhatesaronike 1:7

na ndekobhaweeri inyu bhano mokunyaakibhu, haghirohamu na niitu. Ndeghuköra ghayo hano Omutëmi Yesu akuucha koru Mwishaaro ne emirëngaari ghe mororo, haghirohamu na bhamarayika bhaache bhano bhaanyi na changuru.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

Tiito 2:13

Tughöötë amangʼana ghano, toraghanya na ghwitëngʼëra orosiko ruure oruchömu ro ghugharuka kwo Kirisito Yesu. Orosiko ruyo nakorighibhu mo‑bhokumi bhooche obhokoro. Iwe niwe Eryobha riito Eriikoro no Omotoori wiito.

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

1 Bheetero 1:13

Gho ghayo, mubhe miisho na mutëngë, na mubhe ne ekirëngërë. Motoore amiitëngʼërö ghoose mo‑ghareeya ino mokuucha kubhöna, hano Yesu Kirisito akorighibhu haheero.

1 Bheetero 4:13

Amare muchömëru kubha mokunyaaka kinya bhuure Kirisito ꞉anyaakiri. Muchömëru ibheere, kubha mokuucha ghuchömëru chwee, hano akuucha, no obhokumi bhooche obhokoro kwërëkibhu haheero.

1 Bheetero 5:4

Hano Omoriishi Omokoro o riikanisa akuucha korighibhu haheero, nakobhatuha chaatuho che bhokumi obhokoro. Chaatuho chiyo chetaakobhusha naabha.

2 Bheetero 3:12

Mubhe moraghanya orosiko ruure ro Ryobha na koruköra ruuche bhwango. Gho ghiri e rosiko ruyo, eriighoro ndeghweku kwo mororo na ghosireekerera, ne ebheghiro bhino bheenyi‑mu mbekuyaaya kwo bhotuuku bhuhaari chwee.

1 Yohana 3:2

Abhasiighani bhaane, ibheere itu n‑abhaana bha Ryobha, amare timënyuru haheero bhuno tookubha. Koru hangʼu ntweche kubha eriibhagha rino Kirisito aghugharuka wiiki, ntoghotuubhaana nawe, gho kubha ntokomorighi kinya anyi.

Yuuta 1:21

Mwichonge mo‑bhosiighi bho Ryobha, ino mörëëndërëra ghughanya ebheghongi bhe Mutëmi wiito Yesu Kirisito uno akobhaha obhuhöru bho miishe ghyose.