1 Abhakorinto 1:30 - Eriiraghano Eriihë

³⁰ Eryobha niryo rekobhaghöötani inyu na Kirisito Yesu. Iryo ndiköriri Kirisito abhe amangʼiini ghiito. Niko kobhugha kubha gho nchëra e Yesu ntobheere bha hëënë ambërë e Ryobha, na ntobheere abhatööbhiyu, wiiki ntoghotingoribhu.

1 Abhakorinto 1:30 ပူးပေါင်းရင်းမြစ်များ

Mataayo 1:21

Nakwibhora omoona o ghesiite, niiye omoroke eriina reeche Yesu, gho kubha niwe akobhatoori abhaato bhaache koru mo‑masari ghaabho.”

Ruuka 11:49

“Nikyo ꞉ghiighëriri Eryobha rekabhugha hangʼu kwo mangʼiini ghaache, ‘Nekobhatomera abharööti na abhatomu. Amare, abhamu mokobhiita, na abhande mokobhanyaaki.’

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Yohana 17:26

Eni nebheeghiri kebhuno iye onyi, wiiki nekwëndërëra ghuköra hangʼu, kubha bhasiighane kinya bhuno onsiighiri eni, wiiki nibhe moose yaabho.”

Yohana 17:8

gho kubha nebhabhooriire ghoose ghano ombooriire, nabho mbaghasongʼaaniri. Mbeeche hëënë kubha neruure ghokoocho, wiiki mbakumiri kubha n‑iye ontomiri.

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abharuumi 1:17

Angʼana Anchömu iyo nekwërëki haheero kinya bhuno Eryobha rekubharera abhaato kubha abhahëënë ambërë yaache. Abhaato mbakubhareru kubha abhahëënë ambërë e Ryobha gho nchëra e ghokumi okwene. N‑kinya bhuno Amandëkö Amatööbhiyu ghakobhugha kubha, “Uno anyi omuhëënë, nakumanya kwo bhokumi.”

Abharuumi 11:36

Eryobha niryo ꞉riitëëmiri ebheghiro bhyose. N‑kohetera ghokooche ebheghiro bhyose mbekwëndërëra kubha‑ho, ne ebheghiro bhyose mbeenyi‑ho gho ghiri e bhokumi bhooche obhokoro. Eryobha reghongibhu emiishe ghyose! Hawubhaabha.

Abharuumi 12:5

Hangʼu nibhu na niitu toonyi. Itu ntoonyi bhaaru, amare ntubheere omobhere umu gho ghughöötana kwito na Kirisito. Mo‑mobhere waache, omooto woose n‑ekyemo ke mughëndi waache.

Abharuumi 16:11

Momukëëri Herotiwoni, Omuyahuuti omughëndi waane. Mobhakëëri abhaato bha mo‑nyumba e Narikiso bhano bhakomokumi Omutëmi Yesu Kirisito.

Abharuumi 16:7

Momukëëri Andironiko na Yuuniya. Bhayo n‑Abhayahuuti abhaghëndi bhaane bhano ꞉bhaabhöhuru haghirohamu na neeni mwighërëcha. ꞉Mbaankangatiri komokumi Kirisito, wiiki m‑bha sooko chwee ghate e bhatomu.

Abharuumi 4:25

Eryobha ꞉ndeemoruusiri Yesu, kubha aku gho ghiri e masari ghiito, na komoryoki koru mo‑bhaku, kubha itu tubhareru kubha bhano toonyi no obhuhëënë ambërë yaache.

Abharuumi 4:6

N‑kinya omutëmi Tawuti ꞉abhughiri ighoro e rubhango ro mooto uno Eryobha rekomubharera kubha omuhëënë ino atamööhëriiri amaköri ghaache. ꞉Naabhughiri kubha,

Abharuumi 5:19

Omooto umu akaanga koresooka Eryobha, aghaghëri abhaato bhoose bhabhe abhaköri amasari. Hangʼu hangʼu, omooto umu uno asookiri Eryobha, naghughëri abhaato bhabhe abhahëënë ambërë e Ryobha.

Abharuumi 5:21

Mbe, eriisari ndeere na changuru che ghukangata abhaato na kobharëëtëra oroko. Hangʼu hangʼu, aghareeya e Ryobha nehaakangata abhaato, gho kobhabharera kubha mbaanyi no obhuhëënë, na kobhaha obhuhöru bho miishe ghyose, kohetera kwo Mutëmi wiito Yesu Kirisito.

Abharuumi 8:1

Mbe, ibheere Eryobha retaakobharööna abhaato bhano bhaghöötiine na Kirisito Yesu.

Abharuumi 8:23

Wiiki, taanyi kubha n‑ebheghiro hangʼu hangʼu bhino bhekubhabhara, amare koru na niitu bhano tuhaabhuru Akörö Ahörëëru kubha tusame amachömu aghamu ghano tokuhaabhu, koru itu ntokubhabhara mo‑metema ghiito. Ntokubhabhara, gho kubha ntoghughanya chwee eriibhagha rino Eryobha reghotohikeerani kubha abhaana bhaache. Hayo niho Eryobha reghototingori gho ghotuha emebhere emihë.

Abharuumi 8:9

Amare ibheere, inyu motaaghukangatu na simoka yaanyu e masari, amare moghukangatu na Akörö e Ryobha, gho kubha neghwikara moose yaanyu. Omooto wowoose uno ataanyi na Akörö e Kirisito, uyo taanyi omooto o Kirisito.

1 Abhakorinto 1:2

ntokobhakëëri inyu abhaato bha riikanisa re Ryobha bhano moonyi mo‑moghya o Korinto. Eryobha ndebhahwire gho nchëra e Kirisito Yesu na kobhabherekera mubhe abhaato bhaache. Ntokobhakëëri inyu haghirohamu na abhaato bhoose bha chambaara choose bhano bhakomusabha Yesu Kirisito, uno niwe Omutëmi waabho no Omutëmi wiito itu bhoose.

1 Abhakorinto 1:24

Amare ghokoobho bhano Eryobha rebhabherekiire kubha abhaato bhaache, bhabhe Abhayahuuti hamu Abhayunaani, Kirisito niwe changuru na amangʼiini gha Ryobha.

1 Abhakorinto 12:18

Amare ibheere, Eryobha ndebhetooriri ebhyemo bhyose mo‑mobhere kinya bhuno resiighiri eryene.

1 Abhakorinto 12:27

Mbe, inyu bhoose n‑omobhere o Kirisito moonyi, no omooto woose ghate yaanyu n‑ekyemo ke mobhere uyo.

1 Abhakorinto 12:8

Akörö nekomuha omooto umu angʼana e mangʼiini, no owonde nekomuha angʼana e bhumënyi. Akörö iyo iyo nekoruusi ebhihaano kinya ekwënda.

1 Abhakorinto 4:15

Koru nangabha moonyi na abhaato bhaaru bhano bhakobharëra mo‑riimanya reenyu re Ghekirisito, iso n‑umu. Eni neeni iso gho Kirisito Yesu, gho kubha n‑eni ꞉neebharaghaniiri Angʼana Anchömu.

1 Abhakorinto 6:11

Abhande ghate yaanyu hangʼu moore. Amare ibheere, gho kohetera kwo Mutëmi wiito Yesu Kirisito, na gho changuru che Körö e Ryobha, obhobhe bhoonyu mbweghuru, mbomusuru, na kubhareru obhuhëënë ambërë e Ryobha.

2 Abhakorinto 12:2

Nemweche omooto umu Omokirisito, uno mo‑meeka ikomi ne ene ghino ghehetiri, ꞉niimokiibhu mbagha Mwishaaro ri ighoro chwee. Ntyeche aribha are mo‑mobhere uno, hamu aribha taare mo‑mobhere uno. Eryobha niryo ryeche.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhagharatiya 3:13

Kirisito natotingwiri koru mo‑riihiimo re meghiro gho kwimoki eriihiimo riyo gho ghiri yiito. Amandëkö Amatööbhiyu ngakobhugha, “Wowoose uno amamburu mo‑musarabha, niihiimuru.”

Abhaebheeso 1:10

Amangʼana ghano ndeghoghahikeerani kwo riibhagha reeche, ndekobhetoora ebheghiro bhyose bhe Mwishaaro na bhe mo‑se mo‑bhukangati bho Kirisito.

Abhaebheeso 1:14

Akörö iyo niyo ekimanyenkereri kiito ghe kubhöna ghoose ghaare Eryobha ꞉reeturaghiire itu abhaato bhaache. Akörö iyo nekuhëënëhi kubha, Eryobha ndeghototingori inkongʼorimu, bhoose bhano toonyi abhaato bhaache. Toreghongi gho ghiri e bhokumi bhooche obhokoro.

Abhaebheeso 1:7

Eryobha ndetotingwiri gho nchëra e masaahë gha Yesu Kirisito, niko kobhugha ndetwabhiire amasari ghiito ghoose, kurëngʼaana no obhwaru bho ghareeya yaache.

Abhaebheeso 2:10

Itu ne emeremo ghe mabhökö gha Ryobha toonyi. ꞉Ndeetobhombiri bhuhë gho ghotughöötani na Kirisito Yesu kubha tukörë amaköri amachömu, ghano ꞉reetusëëmiire tubhe toraköra.

Abhaebheeso 4:30

Motiitumati Akörö Ahörëëru e Ryobha, gho kubha Akörö iyo n‑ekingʼöchö ke Ryobha ghokoonyu kubha inyu n‑abhaato bhaache moonyi, mbagha orosiko runo Eryobha rekuucha kobhatingori.

Abhaebheeso 5:26

꞉Naaköriri hangʼu, kubha amuse eriikanisa, gho koryeghi kwo manche gha bhubhatiiso, na kwo ngʼana e Ryobha.

Abhabhiribhi 3:9

wiiki nighöötane nawe kimu. Nteeghwitëngʼëra wiiki obhuhëënë bhuure bhokorwera gho ghutambana emeghiro, amare neghwitëngʼëra obhuhëënë bhuno bhookoru gho komokumi Kirisito. Obhuhëënë bhuyo, mbokuhaanu ne Eryobha mo‑bhaare bhamokumiri Kirisito.

Abhakorosaayi 1:14

Gho kohetera Omoona waache ntobhwine ghotingoribhu, niko kobhugha amasari ghiito ngaabhiiru.

Abhakorosaayi 3:16

Angʼana e Kirisito yiikare kwo bhwaru moose yaanyu. Mwegherani, na ghutöngërana mo‑mangʼiini ghoose. Moryembere Eryobha gho Sabhuri, na kwo myembo, na gho chatensi che mo‑metema. Hano mookubha moraryembera, mubhe morariitabheri mo‑metema gheenyu.

1 Abhatesaronike 5:23

Eryobha eryene niryo reghotuha omurëmbë, rebhamuse inyu mo‑ghoose. Reghechonge emetema gheenyu no obhuhöru bhoonyu ne emebhere gheenyu, kubha mubhe motaanyi ni isörö mbagha kohikera eriibhagha re kuucha Omutëmi wiito Yesu Kirisito.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 9:12

Iwe ꞉naasöhiri mara rimu hangʼu Ahaghiro Ahatööbhiyu ha Hatööbhiyu. Taasöhiri na amasaahë gha chambërëtë hamu gha kimööri, amare ꞉naasöhiri na amasaahë ghaache omwene kubha atotingori emiishe ghyose.

Yakobho 1:5

Amare uno aghosuuheru na amangʼiini, nakwëndëru arisabhe Eryobha naryo ndekomuha, gho kubha ndehaabhaha abhaato bhoose, kwo bhosiighi, koru iryo retaanyi na anyaanyi.

1 Bheetero 1:2

Korwera kare, Taata Waryobha nabhamënyiri na kobhaahura gho ghiri yaache. Akörö yaache nebhaköriri mubhe abhatööbhiyu, kubha momosooke Yesu Kirisito na komusu kwo masaahë ghaache. Nëköbhëëndëra aghareeya no omurëmbë kwo bhwaru, ghibhe na niinyu.

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

1 Yohana 5:6

Mbe, Yesu Kirisito niwe ichiri kwo manche gha bhubhatiiso na kwo masaahë gha roko rooche. Taanyi kwo manche agheene, amare na kwo masaahë ghaache ghano ꞉ghiitëkiri mo‑musarabha.

Obhohunyurëru 14:4

Abhaato bhayo mbahaamutambana Omoona o Ngʼöndu hohoose hano aghuye. Bhatighonchiri no obhoghonchu na abhakari, gho kubha mbaare bhataamara bhataara na abhakari. ꞉Mbaatingwiru koru ghate e bhaato abhande, bhaakabha a bhambërë koruusibhu amaruusi kwo Ryobha na kwo Omoona o Ngʼöndu.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.