1 Abhakorinto 1:27 - Eriiraghano Eriihë

²⁷ Amare Eryobha ndeghahwire amangʼana ghano ghakorighibhu n‑gha ghighëëghë kwo bhaato bhano bhataryeche, kubha rebhasooki bhano bhaanyi na amangʼiini. Wiiki Eryobha rekaahura amangʼana ghano abhaato bhano bhakorighi kubha ghataanyi ni inguru, kubha rebhasooki bha changuru.

1 Abhakorinto 1:27 ပူးပေါင်းရင်းမြစ်များ

Mataayo 11:25

Eriibhagha riyo Yesu aghasabha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu.

Mataayo 21:16

Bhakamobhoori Yesu bhakabhugha, “Kana, nokooghu bhuno abhaana bhano bhakobhugha?” Yesu akabhagharokeri akabhugha, “Nyoghwire. Kana motaamara musöma amangʼana ghano ghaandëkuru mo‑Mandëkö Amatööbhiyu kubha, ‘Mo‑menu ghe bhaana abhasuuhu ne ebhengʼwerere, nimu muyo asëëmiiri aghongo’?”

Mataayo 9:9

Hano Yesu amariri koru hayo, aghatëmëërana no omutöbhi umu o righööti ikeere mo‑kebhuru keeche ghe ghutöbhëri erighööti, eriina reeche Mataayo. Yesu akamobhoorera akabhugha, “Nuntambane.” Hayo hayo, Mataayo akiimeerera, akamutambana.

Ruuka 21:15

Eni mwene, nekobhaha amangʼiini na amangʼana ghano moghosiikëra, koru abhabhisa bhaanyu bhataaghotora ghoghaanga hamu kobhakinda.

Amaköri gha Bhatomu 17:18

Niho abhaato abhamu bha sooko bha tiini e Kiyebhikuriyo, haghirohamu na bha tiini e Kisitoyiko bhaghasëëma kuhakaana na Bhawuro. Abhamu ghate yaabho bhakabhugha, “M‑mangʼana ke ghano omwikombikombi uno akwënda ghosiikëra?” Abhande bhakabhugha, “Nekwërëki kubha naghosiikërëra emisambu ghe se ayende.” Kino ꞉ghiighëriri bhakabhugha hangʼu, n‑gho kubha Bhawuro naare araraghani ighoro e Yesu, na koryokibhu kwo bhaku.

Amaköri gha Bhatomu 7:35

“Musa uyo, niwe uno abhaato bhayo ꞉bhaamwangiri bhakamobhoorera, ‘N‑niwe uno aghotooriri ubhe omukangati wiito, no omoteni o kiina ghate yiito?’ Wiiki niwe Eryobha ꞉reemotomiri, kubha abhe omukangati no omotoori waabho, gho kohetera marayika uno amorweriire mo‑ghisaka kiire.

Amaköri gha Bhatomu 7:54

Hano abhakoro bhayo bha Bhayahuuti bhooghwire amangʼana ghayo gha Siteebhano, bhaghakarara chwee, bhaghakararaati amiino ghaabho kwo bhororo.

1 Abhakorinto 1:20

Ibheere hayi bhaanyi bhano tookobhugha kubha mbaanyi na amangʼiini? Hayi bhaanyi bhano tookobhugha kubha n‑abheeghi bha meghiro, koru abhaato bhano bheeche kuhakaana bhoheene chaasiko chino? Eryobha ndyërëkiri haheero kubha amangʼiini gha bhaato bhano bhataryeche, n‑gha ghighëëghë.

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

1 Abhakorinto 2:12

Eryobha ndetoheere itu Akörö yaache, kubha toghamënyë ghano tuhaabhuru gho ghareeya yaache. Mbe, totaakwihëëbha kinya bhuno abhaato bha mo‑se bhakwihëëbha.

2 Abhakorinto 10:10

Neghosiikëra hangʼu, gho kubha abhande mbakobhugha, “Chanyaarubha che Bhawuro ncheenyi na amangʼana mahaari, wiiki ncheenyi na amangʼana amaköngʼu. Amare eriibhagha anyi haghirohamu na niitu abha ataanyi ni inguru, wiiki amangʼana ghaache ghano aghosiikëra ghabha ghataanyi na gheghiro.”

2 Abhakorinto 4:7

Itu ntuhaabhuru obhwero bhuyo, nangabha toonyi kinya ebheghiro bhino bhebhomburu koru mwiröbhë. Ibheere imënyu kubha, changuru chaaru che koroghoori chino cheghuköra emeremo ghiyo chetaanyi chechiito, nchekoru kwo Waryobha.

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.