1 Abhakorinto 1:26 - Eriiraghano Eriihë

²⁶ Ibheere, bhahiiri bhaane, mohiite kebhuno moore eriibhagha rino mobherekiiru ne Eryobha. Kwo miihëëbhö gha bhaato, abhaaru ghate yaanyu mobherekiiru motaanyi na amangʼiini. Wiiki abhaaru ghate yaanyu motaare mumënyëkiine, koru motibhwiru mo‑chaaka chino cheenyi na asooko.

1 Abhakorinto 1:26 ပူးပေါင်းရင်းမြစ်များ

Ruuka 1:3

Hano nimariri ghoghabhoori bhoheene amangʼana gha Yesu kinya ꞉ghaakörëkiine korwera simoka, nekarighi kubha m‑bhoheene nekwandëkërë ghayo kwo bhuchömu,

Ruuka 10:21

Eriibhagha riyo, Yesu aghachömëru chwee kwo bhotoro bho Körö Ahörëëru, akabhugha, “Oo Taata, ˆoghachömi, iye Omutëmi o Mwishaaro na ase yoose, gho kubha, amangʼana ghano, nobhabhisiri bhano bhaanyi na amangʼiini na abhasömi, amare okabhahunyurera abhaato bhano bhakwinyööhi ghokoocho kinya abhaana abhasuuhu. Oo Taata, ghano ghoose n‑kurëngʼaana na amënda ghaacho.”

Amaköri gha Bhatomu 13:12

Hano omukangati uyo arooche ghayo, akamokumi Omutëmi, gho kubha ꞉naahaghiri chwee ighoro e meeghi ghayo oghwire ighoro e Mutëmi.

Amaköri gha Bhatomu 13:7

Wiiki omooto uyo naare omotoorereri o omukangati Serughiyo Bhawuro. Omukangati uyo naare mooto o mangʼiini, akabhabherekera Bharinaabha na Sawuri, gho kubha ꞉nëëndiri kooghu angʼana e Ryobha.

Amaköri gha Bhatomu 17:34

Abhaato abhamu bhakamokumi Yesu, bhaghaghöötana na Bhawuro. Ghate yaabho mbaare Tiyonisiyo, umu o riibharacha re Areyobhagho, no omukari umu, eriina reeche Tamaari, haghirohamu na abhaato abhande.

Abharuumi 11:29

Eryobha reraahura abhaato bhaache na kobhiitabheri, retaaghotora ghwigharura.

1 Abhakorinto 1:20

Ibheere hayi bhaanyi bhano tookobhugha kubha mbaanyi na amangʼiini? Hayi bhaanyi bhano tookobhugha kubha n‑abheeghi bha meghiro, koru abhaato bhano bheeche kuhakaana bhoheene chaasiko chino? Eryobha ndyërëkiri haheero kubha amangʼiini gha bhaato bhano bhataryeche, n‑gha ghighëëghë.

1 Abhakorinto 2:13

Wiiki totaaghosiikëra amangʼana ghano tweghuru na amangʼiini gha bhaato, amare ntoghosiikëra ghano tweghuru na Akörö e Ryobha. Ntokobhabhoorera amangʼana gha Körö e Ryobha abhaato bhano bhaanyi na Akörö iyo.

1 Abhakorinto 2:8

Taanyi‑ho koru umu mo‑bhakangati bha se ino uno amënyiri amangʼiini ghayo, gho kubha mbangabheere bhaghamënyiri, bhatangamumambiri mo‑musarabha Omutëmi o bhokumi obhokoro.

Abhabhiribhi 4:22

Wiiki abhatööbhiyu bhoose bha Yesu Kirisito bhano bhamanyiri mo‑moghya uno mbakobhakëëri, koru bhano bhaanyi mo‑nyumba e Kayisaari.

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.

2 Yohana 1:1

Eni omugharuka o riikanisa, neghokwandëkëra iye omosubhaati omwahöru, haghirohamu na abhaana bhaacho bhano nesiighiri kwo bhuhëënë. Taanyi eni mwene hangʼu nebhasiighiri, koru na abhande bhano bheeche obhuhëënë, ibho bhoose mbabhasiighiri kwo hëënë.