1 Abhakorinto 1:23 - Eriiraghano Eriihë

²³ Amare itu, ntokuraghani angʼana ighoro e Kirisito uno amamburu mo‑musarabha. Angʼana iyo nekobhakarari Abhayahuuti, na kwo bhaato bha matöngö no obhughëëghë.

1 Abhakorinto 1:23 ပူးပေါင်းရင်းမြစ်များ

Mataayo 11:6

Ngʼoni omooto wowoose uno ataanyi na kemboori ighoro yaane.”

Mataayo 13:57

Niho bhakaanga komokumi. Amare Yesu akabhabhoorera akabhugha, “Omurööti nahaabha na asooko ahaghiro ahande hoose, amare taanyi mo‑se yaache, na mo‑ka yaache.”

Ruuka 2:34

Simiyooni akabhiitabheri hayo, akamobhoorera Mariyamu, nyina o moona uyo akabhugha, “Tëghëërëra! Omoona uno, ꞉naahwiru ne Eryobha, naghoghwishi na nakobhabhooki Abhiisiraeri abhande bhaaru. Naakubha ekimanyenkereri na abhaato mbaghokyanga,

1 Abhakorinto 1:18

Angʼana e roko ro Kirisito mo‑musarabha n‑e ghighëëghë kwo bhaato bhano bhakobhora, amare ghokwito itu bhano toghotooribhu, angʼana iyo n‑changuru che Ryobha.

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

1 Abhakorinto 1:28

Wiiki Eryobha ndyahwire amangʼana ghano abhaato bhano bhakorighi kubha ghataanyi na asooko, na gha ghutaraahu, na ghano ghatanchakiine, kubha asari amangʼana ghano abhaato bhano bhakorighi kubha nganchakiine.

1 Abhakorinto 2:14

Amare omooto uno ataanyi na Akörö e Ryobha, taaghosongʼaana ghano ghaakoru mo‑Körö e Ryobha. Ghokooche ghayo n‑gha ghitaraaho, wiiki taaghotora ghoghamënya, gho kubha ngakumënyu kwo bhotoorereri bho Körö e Ryobha.

1 Abhakorinto 2:2

Eriibhagha neere bhowaanyu, ꞉neesiikiire amangʼana ighoro e Yesu Kirisito omwene chiri, ahanene oroko rooche runo amamburu mo‑musarabha, ntyëndiri ghosiikërëra egheghiro ekende.

1 Abhakorinto 4:10

Abhaato bhaaru mbaghotorighi kubha, itu m‑bharaghaanu toonyi, gho kubha ntokomuhökëri Kirisito, amare inyu mokwirighi kubha moonyi na amangʼiini gho kubha mokomutambana Kirisito. Itu ntokorighibhu kubha, m‑bhatöbhu toonyi, amare inyu mokwirighi kubha moonyi na changuru. Itu ntoghutaraahu, amare inyu mokwirighi kubha, m‑bha ghosooku moonyi.

2 Abhakorinto 4:5

Itu totaakuraghani amangʼana ghiito, amare ntokuraghani kubha Kirisito Yesu niwe Omutëmi, na niitu n‑abhatamishi bhaanyu toonyi gho ghiri yaache.

Abhagharatiya 3:1

Inyu Abhagharatiya abharaghaanu! N‑niwe abharoghiri? Yesu Kirisito ꞉naaghamburu haheero ambërë yaanyu kubha namamburu.

Abhagharatiya 5:11

Abhahiiri bhaane, abhaato abhande mbakobhugha kubha, eni nekuraghani kubha, abhasubhe bhoose mbakwëndëru bhasaaru. Aribha mahëënë kubha nekuraghani hangʼu, ngwake ibheere Abhayahuuti bhakunyaaki? Aribha nengabheere neraraghani hangʼu, kuraghani koone ighoro e roko ro Yesu Kirisito mo‑musarabha, ghotangaghëriri Abhayahuuti bhandeghe.

Abhagharatiya 6:14

Amare eni nteekwënda kubha ne egheghiro ghe kwihachera, nanyinga oroko ro Mutëmi wiito Yesu Kirisito mo‑musarabha. Kurëngʼaana na oroko rooche, amangʼana ghoose gha se ino ghataanyi no obhwëra bhobhoose ighoro yaane. Eriimanya reene re kare, ꞉ndiimamburu nawe mo‑musarabha.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

1 Bheetero 2:8

Wiiki, Amandëkö ngakobhugha kubha, “Eriibhohe riyo n‑eriibhohe re ghwituuratuura, n‑eriitare re ghoghwishi abhaato.” Abhaato mbaghwituuratuura, gho kubha bhataaghughööta angʼana e Ryobha. Na hangʼu nibhu ꞉bhaare bhasëëmiiru korwera kare.