1 Abhakorinto 1:18 - Eriiraghano Eriihë

¹⁸ Angʼana e roko ro Kirisito mo‑musarabha n‑e ghighëëghë kwo bhaato bhano bhakobhora, amare ghokwito itu bhano toghotooribhu, angʼana iyo n‑changuru che Ryobha.

1 Abhakorinto 1:18 ပူးပေါင်းရင်းမြစ်များ

Amaköri gha Bhatomu 13:41

‘Inyu bhano moghutaraaha, mumööhërëri! Muhaghe mosireekerere, gho kubha neghuköra angʼana mo‑chaasiko cheenyu ino motaakoyekumi, koru nangabha omooto angabhabhoorera.’”

Amaköri gha Bhatomu 17:18

Niho abhaato abhamu bha sooko bha tiini e Kiyebhikuriyo, haghirohamu na bha tiini e Kisitoyiko bhaghasëëma kuhakaana na Bhawuro. Abhamu ghate yaabho bhakabhugha, “M‑mangʼana ke ghano omwikombikombi uno akwënda ghosiikëra?” Abhande bhakabhugha, “Nekwërëki kubha naghosiikërëra emisambu ghe se ayende.” Kino ꞉ghiighëriri bhakabhugha hangʼu, n‑gho kubha Bhawuro naare araraghani ighoro e Yesu, na koryokibhu kwo bhaku.

Amaköri gha Bhatomu 17:32

Mbe, hano bhooghwire kubha Bhawuro naghosiikëra ighoro e koryoka kwo bhaku, abhamu bhaghachëëra. Amare abhande bhakamobhoorera, “Ntokwënda ghoghutëghëërëra wiiki ighoro e ngʼana iyo.”

Amaköri gha Bhatomu 2:47

Mbaare bharareghongi Eryobha na ghosiighu na abhaato bhoose. Chaasiko choose Omutëmi Yesu akabha arabhatoori abhaato abhande bha masari, bhaghaghöötana na abhakumi abhande, no omubharo waabho ökëëndërëra kwiyëngëra chwee.

Abharuumi 1:16

Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

1 Abhakorinto 15:2

Aribha moraghööta amangʼana ghano ꞉niiraghiini ghokoonyu, hayo mokubhöna obhotoori. Amare aribha motaaghoghaghööta, obhokumi bhoonyu mbookubha bhotaanyi no obhwëra.

1 Abhakorinto 2:14

Amare omooto uno ataanyi na Akörö e Ryobha, taaghosongʼaana ghano ghaakoru mo‑Körö e Ryobha. Ghokooche ghayo n‑gha ghitaraaho, wiiki taaghotora ghoghamënya, gho kubha ngakumënyu kwo bhotoorereri bho Körö e Ryobha.

1 Abhakorinto 2:2

Eriibhagha neere bhowaanyu, ꞉neesiikiire amangʼana ighoro e Yesu Kirisito omwene chiri, ahanene oroko rooche runo amamburu mo‑musarabha, ntyëndiri ghosiikërëra egheghiro ekende.

1 Abhakorinto 3:19

Akörë hangʼu, gho kubha amangʼiini gha se ino, n‑gha ghighëëghë ambërë e Ryobha. N‑kinya bhuno yandëkuru mo‑Mandëkö Amatööbhiyu kubha, “Eryobha ndekobhaghööti bha mangʼiini mo‑bhongʼiini bhoobho.”

1 Abhakorinto 4:10

Abhaato bhaaru mbaghotorighi kubha, itu m‑bharaghaanu toonyi, gho kubha ntokomuhökëri Kirisito, amare inyu mokwirighi kubha moonyi na amangʼiini gho kubha mokomutambana Kirisito. Itu ntokorighibhu kubha, m‑bhatöbhu toonyi, amare inyu mokwirighi kubha moonyi na changuru. Itu ntoghutaraahu, amare inyu mokwirighi kubha, m‑bha ghosooku moonyi.

2 Abhakorinto 10:4

Ebhiröönërö bhino tokuröönëra eriihë riyo bhetaanyi bhe mo‑se, amare mbeenyi na changuru chino cheekoru kwo Waryobha, na ncheghusari charwakyo choose che mobhisa.

2 Abhakorinto 4:3

Amare aribha Angʼana Anchömu ino tokuraghani nihööchëriiru etamënyu, neekubha ihööchëriiru kwo bhano bhakorumeera.

1 Abhatesaronike 1:5

Ntweche hangʼu gho kubha, hano toore toraraghani Angʼana Anchömu bhowaanyu, totaraghiini kwo mangʼana agheene hangʼu. Amare nturaghiini gho changuru na gho Körö Ahörëëru na kwo bhuhëënë. Inyu mweche bhoheene bhuno toore haghirohamu na niinyu, kubha tobhatoorereri.

2 Abhatesaronike 2:10

Wiiki nakobhangʼiina gho chanchëra chaaru bhoose bhano bhaanyi mo‑nchëra e kobhora, gho kubha mbaangiri ghosiigha obhuhëënë kubha bhabhönë ghotooribhu.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 4:12

Angʼana e Ryobha n‑ihöru wiiki neenyi na changuru ghokera ekinyamiino ekyeghi. Angʼana iyo, nehaangʼuuta omooto ehikera mo‑maghuha, nehaataani ebhyemo na amaghuta ghano ghaanyi‑mu. Wiiki nehaangohi kumënya amiihëëbhö gha mo‑motema o mooto, na kino akwënda.