1 Abhakorinto 1:13 - Eriiraghano Eriihë

¹³ Kana, Kirisito nanungukiine? Kana, Bhawuro niwe amamburu mo‑musarabha gho ghiri yaanyu? Kana, mubhatiisuru kwo riina re Bhawuro?

1 Abhakorinto 1:13 ပူးပေါင်းရင်းမြစ်များ

Mataayo 28:19

Mbe, mughëndë kwo bhaato bha matöngö ghoose na kobhaköra kubha abhaanabheegha bhaane. Mobhakörë bhabhe abhaanabheegha bhaane gho kobhabhatiisa, kwo riina re Taata, na re Moona na re Akörö Ahörëëru.

Mataayo 3:6

Bhaakabha bharatuukuuna amasari ghaabho, nawe akabha arabhabhatiisa mo‑rooche ro Yorotaani.

Amaköri gha Bhatomu 10:48

Mbe, Bheetero akabhugha bhabhatiisu kwo riina re Yesu Kirisito. Bhakamara bhakamusabha ikare nabho gho chaasiko insuuhu.

Amaköri gha Bhatomu 19:5

Abhaato bhayo bha Ebheeso, hano bhooghwire amangʼana ghayo, bhakabhatiisu kwo riina re Mutëmi Yesu.

Amaköri gha Bhatomu 2:38

Bheetero akabhabhoorera akabhugha, “Omooto woose atuukuunere amasari ghaache, na abhatiisu kwo riina re Yesu Kirisito, kubha amwabhërë na kuhaabhu Akörö Ahörëëru.

Amaköri gha Bhatomu 8:16

gho kubha taare‑ho koru umu ghate yaabho uno Akörö Ahörëëru ere emwikiire. Ibho mbaare bharabhatiisu okwene kwo riina re Mutëmi Yesu.

Abharuumi 14:9

Kirisito ꞉naakuure na koryoka, kubha abhe Omutëmi o bhaato bhoose, abhaku na bhano bhaanyi abhahöru.

1 Abhakorinto 1:15

Gho ghayo, taanyi‑ho uno aghotora kobhugha kubha nabhatiisuru kwo riina reene.

1 Abhakorinto 10:2

Hano bhakangaturu ne erishaaro na koheta ghateghate e nyancha, bhoose bhaakabha bhabhatiisuru kubha abhaanabheegha bha Musa.

2 Abhakorinto 11:4

Neghosiikëra hangʼu gho kubha inyu m‑bhango moonyi ghosongʼaana omooto uno akuucha kuraghani amangʼana ighoro e Yesu ghano ghaanyi mahaghare na ghaare itu tobharaghaniiri. Wiiki, moghosongʼaana akörö na angʼana ayende kwo bhwango, ino motaasongʼaaniri koru ghokwito.

Abhagharatiya 1:7

Obhuhëënë n‑kubha teenyi‑ho Angʼana Anchömu ayende. Amare mbaanyi‑ho abhaato bhano bhakobhabhurugha na mbakwënda ghugharura Angʼana Anchömu ighoro e Kirisito.

Abhaebheeso 4:5

Omutëmi wiito n‑umu, no obhokumi m‑bhumu no obhubhatiiso bhwito m‑bhumu.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.