1 Abhakorinto 1:12 - Eriiraghano Eriihë

¹² Ibheere, ghano nekwënda ghosiikëra nigho ghano, kubha, omooto woose ghate yaanyu naghosiikëra ghaghaache, umu nakobhugha kubha, “Eni n‑o Bhawuro.” Owonde nakobhugha kubha, “Eni n‑o Abhooro.” Owonde nakobhugha kubha, “Eni n‑o Keebha.” Owonde nakobhugha kubha, “Eni n‑o Kirisito.”

1 Abhakorinto 1:12 ပူးပေါင်းရင်းမြစ်များ

Mataayo 23:8

“Amare inyu motabha moriishereri bharabhabherekera bharabhugha, ‘Oo omweghi’, gho kubha moonyi no Omweghi umu hangʼu, inyu n‑abhaghëndi bhaache moonyi.

Yohana 1:42

Niho Andereya akamohira Simiyooni o‑Yesu. Yesu akamumööhërëri Simiyooni, akamobhoorera akabhugha, “Iye Simiyooni, mwërëëti o Yohana, korwera reero, eriina reecho nokobherekeru Keebha.” Eriina riyo gho Keyunaani m‑Bheetero, egheteemoro keeche n‑Eriitare.

Amaköri gha Bhatomu 18:24

Kwo riibhagha riyo mo‑moghya uyo o Ebheeso, akahika‑ho Omuyahuuti umu, eriina reeche Abhooro, omwibhoru o mo‑moghya o Arekisantiriya. Abhooro uyo naare musubhesubhe chwee gho ghosiikëra, naare eche chwee ghaare ghaanyi mo‑Mandëkö Amatööbhiyu.

Amaköri gha Bhatomu 19:1

Eriibhagha rino Abhooro are hayo Korinto, Bhawuro nawe akabha araheta mo‑meghya ghe mo‑bheghoro, akahiringitera mo‑moghya o Ebheeso. Hano are hayo, aghatëmëërana na Abhakirisito abhande,

1 Abhakorinto 1:11

Bhahiiri bhaane, abhaato nyarebhe bha mo‑nyumba e Kiroowe mbambooriire kubha bhotaanyi‑ho obhoghwani ghate yaanyu.

1 Abhakorinto 15:5

Akiyëërëkani gho Keebha, na kwo bhatomu bhaache ikomi na bhabhere.

1 Abhakorinto 15:50

Abhahiiri bhaane, kino nekwënda kobhugha n‑kubha, emebhere ghiito ghe chaanyama na amasaahë ghetaaghotora ghusöha mo‑bhutëmi bho Ryobha, wiiki emebhere ghino gheghusarëka ghetaaghotora kubha no obhuhöru bho miishe ghyose.

1 Abhakorinto 16:12

Ibheere, ighoro e mokumi mughëndi wiito Abhooro, nemusasaamiri chwee kubha ache bhowaanyu haghirohamu na abhakumi abhande. Amare iwe tasiighiri inkongʼorimu kuucha ibheere. Nakuucha eriibhagha rino akubhöna omweya.

1 Abhakorinto 4:6

Abhahiiri bhaane, nebhughiri amangʼana ghayo ghoose ighoro yaane na Abhooro, kubha tubhe eghetuubhaani gho ghiri yaanyu. Kurëngʼaana ne eghetuubhaani kiyo, mumënyë ghano ghaghughambu mo‑kirëngi kino, “Motakera ghano ghaandëkuru mo‑Mandëkö Amatööbhiyu.” Aribha moraghööta ekirëngi kiyo, taakubha‑ho omooto wowoose uno akwihachera omooto umu na komutaraaha owonde.

1 Abhakorinto 7:29

Abhahiiri bhaane, nekwënda kobhugha kubha, eriibhagha n‑ighuhe reghasaagha, mbagha Kirisito agharuke. Korwera ibheere bhano bhakwiriri bhatighe kwihëëbhëra abhakari bhaabho okwene, amare bhakörë emeremo ghe Mutëmi.

1 Abhakorinto 9:5

Ibheere, mokwihëëbha kubha itu totaanyi no obhohuuru bho ghuye no omukari omokumi, mo‑rughëndö ro kuraghani angʼana ighoro e Kirisito, kinya bhuno abhatomu abhande ꞉bhaaköriri, na abhahiiri bha Mutëmi Yesu, na koru Keebha?

2 Abhakorinto 10:7

Mumööhërëri amangʼana ghano ghaanyi ambërë e miisho ghaanyu. Omooto wowoose uno akwirighi kubha iwe n‑o Kirisito, amënyë kubha itu bhoose n‑abhaato bha Kirisito toonyi, kinya iwe.

2 Abhakorinto 9:6

Mohiite amangʼana ghano kubha, “Omooto uno akwemi bhirëngʼaaneru, nahaaghësa bhirëngʼaaneru, na uno akwemi bhyaru, nahaaghësa bhyaru.”

Abhagharatiya 2:9

Mbe, Yakobho na Bheetero na Yohana, bhano ꞉bhaare abhakoro bha bhakangati bha riikanisa, bhakamënya kubha Eryobha niryo reheere emeremo ghiyo gho ghareeya yaache. Bhaghatughööta amabhökö eni na Bharinaabha, kwërëki kubha ntoonyi no obhumu nabho. Toghiishererani kubha, itu toghi kuraghani Angʼana Anchömu mo‑bhaato bha matöngö, nabho bhasaaghe bharayiraghani mo‑Bhayahuuti.

Abhagharatiya 3:17

Kino nekwënda kobhugha n‑kubha, Eryobha ꞉ndiiköriri eriiraghano reeche emeeka amaghana ane na miröngö etato, emeghiro ghe Musa ngeere ghekeere kubha‑ho. Gho ghayo, emeghiro ghiyo ghetaaghotora ghusari eriiraghano riyo koru ghugharura eriiraghano reeche.