1 Abhakorinto 1:10 - Eriiraghano Eriihë

¹⁰ Ibheere, bhahiiri bhaane, nekobhasasaama kwo riina re Mutëmi wiito Yesu Kirisito kubha, motabha moraheteerana mo‑maghamba. Motaanga kubha no obhoghwani ghate yaanyu, amare mubhe bhamu mo‑ghano mokwënda na mo‑ghano mokwihëëbha.

1 Abhakorinto 1:10 ပူးပေါင်းရင်းမြစ်များ

Mataayo 9:16

“Wiiki, ghusangerani ameeghi ghaane amahë na chaasughara cheenyu ngotuubhiine na kwimoki egheteneka ke ngibho ahë aghetumerani mo‑ngibho ankungu, gho kubha egheteneka ke ngibho ahë ngeghutandura angibho iyo, na ahaghiro hayo ꞉haare hatandokiri hakwëngëra ghutanduka.

Maariko 2:21

“Wiiki, ghusangerani ameeghi ghaane amahë na chaasughara cheenyu ngotuubhiine na kwimoki egheteneka ke ngibho ahë na ghoghetumerani mo‑ngibho ankungu. Egheteneka kiyo ekihë ngeghutandura angibho iyo, na ahaghiro hayo ꞉haare hatandokiri hakwëngëra ghutanduka.

Maariko 3:24

Aribha abhaato bha bhutëmi bhumu bharataana abheene kwo bheene, obhutëmi bhuyo mboghughö.

Yohana 10:19

Hano bhooghwire amangʼana ghayo, Abhayahuuti bhakaheteerana wiiki mo‑maghamba.

Yohana 17:23

Eni neenyi moose yaabho, na niiye noonyi moose yaane. Neghusabha kubha bhabhe egheghiro kimu inkongʼorimu, kubha gho nchëra iyo abhaato bhoose bha se bhamënyë kubha n‑iye uno ontomiri, wiiki bhamënyë kubha nobhasiighiri kinya bhuno onsiighiri eni.

Yohana 7:43

Mbe, abhaato bhakaahukana gho ghiri e Yesu.

Yohana 9:16

Niho Amabharisaayo abhamu bhakabhugha, “Omooto uno taruure kwo Waryobha, gho kubha naghusari emeghiro ghe Riikane.” Amare abhande bhakabhugha, “Kana, nibhu ekubha kwo mooto o masari ghuköra ebhyërëkërëri kinya bhiyo?” Mbe, bhakaahukana abheene kwo bheene.

Amaköri gha Bhatomu 4:32

Abhakumi bhayo bhoose mbaare bhaghöötiine korwera mo‑metema na mo‑miihëëbhö ghaabho. Taanyi‑ho mooto uno ꞉ighombiire ebheghiro bheeche kubha m‑bhebheeche omwene, amare ꞉mbaaghöötiini ebheghiro bheebho bhyose.

Abharuumi 1:13

Abhahiiri bhaane, nekwënda mumënyë kubha, mara kaaru neere nërëënda kuucha bhowaanyu, amare mbagha ibheere nihööchëriiru. Nekwënda niiche bhowaanyu, kubha nerute abhaato bha bhowaanyu hayo bhatambane Omutëmi Yesu, kinya bhuno ꞉niiköriri kwo bhaato abhande bha matöngö.

Abharuumi 12:1

Ibheere abhahiiri bhaane, mweche kebhuno Eryobha reghotorigheri changori. Gho ghayo, ˆnekabhasasaama kubha, moruusi eriimanya reenyu kwo Waryobha. Mubhe kinya amaruusi ghano ghaanyi amahöru, na amatööbhiyu, ghano ghakoretegheri Eryobha. Ghuköra hangʼu, niyo anchëra e hëënë e korisëngëra.

Abharuumi 12:16

Mwikare haghirohamu kwo mukörö umu. Motabha moriihacha, amare mwinyööhi, mubhe no obhughöötani na abhaato bha haase. Motiirighi kubha niinyu abheene moonyi na amangʼiini.

Abharuumi 15:30

Mbe, abhahiiri bhaane, kurëngʼaana na ghughöötana kwito no Omutëmi wiito Yesu Kirisito, na kurëngʼaana no obhosiighi bhuno Akörö Ahörëëru etoheere, ˆnekabhasasaama kwo motema waane woose kubha, mwiköngʼi ghughöötana na neeni gho ghunsabhera kwo Waryobha.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

1 Abhakorinto 1:11

Bhahiiri bhaane, abhaato nyarebhe bha mo‑nyumba e Kiroowe mbambooriire kubha bhotaanyi‑ho obhoghwani ghate yaanyu.

1 Abhakorinto 11:18

Nyoghwire kubha, hano moghwikomana kinya eriikanisa, motaanyi no obhoghwani ghate yaanyu. Na neeni neghokumi hasuuhu kubha, hangʼu keenyi.

1 Abhakorinto 12:25

kubha omobhere otataana, amare ebhyemo bhyose bhetoorani bhoheene.

1 Abhakorinto 3:3

gho kubha mokeere morakangatu na simoka yaanyu e masari. Kana, aribha ghate yaanyu ndeenyi‑ho eriihari ne eriihë, ghayo ghataakwërëki kubha mokeere morakangatu na amangʼana gha se na kumanya kinya abhaato bha mo‑se?

1 Abhakorinto 4:16

Gho ghayo, nekobhasasaama kubha, mubhe moratambana eghetuubhaani keene.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

2 Abhakorinto 13:9

Ntoghuchömëru hano tookubha abhatöbhu, amare inyu moonyi na changuru. Ntokorisabha Eryobha rebhatoori mubhe bhaghöröröku.

2 Abhakorinto 5:20

Ibheere, Kirisito natotomiri ghuköra emeremo gheeche, na gho kohetera ghokwito Eryobha ndekobhasasaama mubhe no obhoghwani naryo. Nikyo gheghughëri torahënërëra ighoro e Kirisito kubha, mubhe no obhoghwani ne Eryobha.

2 Abhakorinto 6:1

Ibheere, gho kubha ntokuhöki emeremo haghirohamu ne Eryobha, ntokobhasasaama kubha aghareeya e Ryobha ino mosongʼaaniri, motayetigha ebhore bhoowa.

Abhagharatiya 4:12

Abhahiiri bhaane, ˆnekabhasasaama mubhe kinya eni, motabhöhu ne emeghiro, gho kubha eni woose neenyi kinya bhuno inyu moore. Hano neere haghirohamu na niinyu, motanköriire obhobhe bhobhoose.

Abhabhiribhi 1:27

Angʼana e hëënë n‑kubha, atëëmö yaanyu irëngʼaane na Angʼana Anchömu e Kirisito. Hano nekuucha kobharighi hamu nenganga kuucha, nibhe nerooghu kubha mokwëndërëra kwimeerera muköngʼiiri na kubha no obhumu, wiiki haghirohamu moonyi gho kunyaakera obhuhëënë bho Angʼana Anchömu bhuno toghokumi.

Abhabhiribhi 3:16

Ibheere egheghiro eghekoro n‑kubha, ntokwëndëru ghoghatambana ghaare Eryobha rimariri ghotwërëki.

1 Abhatesaronike 5:13

Mobhasooke chwee na kobhasiigha kurëngʼaana ne emeremo gheebho. Wiiki mubhe no omurëmbë ghate yaanyu.

2 Abhatesaronike 2:1

Ibheere abhahiiri bhiito, ntokobhaandëkëra ighoro e kuucha kwo Mutëmi wiito Yesu Kirisito na bhuure toghwikomana ghokooche. Ntokobhasabha kubha,

1 Timotewo 5:21

ˆNeghakuraghereri ambërë e Ryobha, na ambërë e Kirisito Yesu na bhamarayika abhaahöru kubha, ughöötërërë ghayo. Otatena ekiina kwo bhwango hamu kuraarëra eribhaara rimu.

2 Timotewo 4:1

ˆNeghakuraghereri ghano ambërë e Ryobha na ambërë e Kirisito Yesu, uno aghotenera ekiina abhaato abhahöru na bhano bhakuure. Kirisito Yesu niwe akuucha ghukangata ase ino anyi Omutëmi.

1 Bheetero 2:11

Abhasiighani bhaane, inyu m‑bhaghëni moonyi na abhaheti mo‑se ino. Gho ghayo nekobhasasaama kubha, motiishereri amiigha ghaanyu amabhe, ghano ghaghokindana na niinyu, ghabhakinde.

1 Bheetero 5:10

Eryobha rino reenyi na aghareeya yoose, ndebhabherekiire ghusanga obhokumi bhooche obhokoro bho miishe ghyose, gho ghughöötana na Kirisito. Amare moramara kunyaaka kwo riibhagha ighuhe, iryo eryene ndekobhaköngʼi, ndekobhaha changuru, na kobhaköngʼëërëri.