रोमियो 8:28 - ದೆವಾಚಿ ಖರಿ ಕಬರ್ ನವಾ ಕರಾರ್

²⁸ ದೇವ್ ಆಪ್‍ಲ್ಯಾಲಾ ಮಾಯಾ ಕರ್ತ್ಯಾಲ್ಯಾಂಚೆ ಚಾ಼ಂಗಲ್ಯಾಸಾಟಿ ಪರತೇಕ್ ಕಾಮ ಕರ್ತ್ಯೊ ಮನ್ಹುನ್ ಆಮಾನಾ ಠಾವ ಹಾ. ತ್ಯಾ ಲೊಕಾನಾ ದೇವಾನಿ ನಿವಡ್‍ಲ್ಯಾಲಿ, ಕಾ ಮಂಜೆ ತೀ ತ್ಯಚಿ ಯವಜ್ನಾ ಜಾ಼ಲ್ಥಿ.

गवली उनाई नियम

²⁸ आले हाडाई होय कि जो कुरकू परमेश्वर टे प्यार दडावा होय एठा दियागा मकसद गा रोंगो हाकोलेकु होय, परमेश्वर दिकुगा भला गा घल्जी सेबाई बातो गेन दिकुगा मदत दडावा होय।

रोमियो 8:28 ပူးပေါင်းရင်းမြစ်များ

ಮಾರ್ಕ್ 12:30

ತುಮಚಾ಼ ದೇವ್ ಪರ್ಮೇಶ್ವರಾಲಾ ಪುರ‍್ಯಾ ಮನಾನಿ, ಪುರ‍್ಯಾ ಆತ್‌ಮ್ಯಾನಿ, ಪೂರೆ ಬುದ್ದಿನಿ, ಪುರೆ ತಾಕ್ತಿನಿ ತ್ಯಚಿ ಮಾಯಾ ಕರಾ ಹಿಚ಼್ ಪೈಲಿ ಆಜ್ಞೆ” ಮನ್ಲಾ.

ಅಪೊಸ್ತಲ್ 13:48

ತಿಥ ಪೌಲಾಚಾ ಬೊಲ್ಯಾ ಐಕ್‌ಲ್ಯಾಲ ಯೆಹುದಿ ನಸ್‌ಲ್ಯಾಲಿ ಲೊಕ ಖುಬ್ ಸಂತೊಶಾನಿ ಸಂದೆಶಾಸಾಟಿ ಸ್ತುತಿಕಿಲಿ. ಶಾಸ್ವತ್ ಜಿವ್ ಗಿಹ್ಯಾ ನಿವಡ್‌ಲ್ಯಾಲ್ಯಾ ಸಗ್‌ಳ್ಯಾಂಚಾನಿ ಇಸ್ವಾಸ್ ಥೆವ್ಲಾ.

रोमियो 11:29

ತ್ಯೊ, ದೇವಾನಿ ಕುನಾಲಾ ನಿವಡ್‍ಲ್ಯಾತ ತ್ಯಂಚೆ ಗುಶ್ಟಿತ್ ತ್ಯನಾ ಆಸ್‍ಲ್ಯಾಲಾ ಆಶಿರ್ವಾದ್‍ ಬದಲಿತನಾಹಿ.

रोमियो 8:30

ಆಸ ಆಸ್ಥಾನಾ ಕುನಾ ಕುನಾಲಾ ತ್ಯನಿ ಹಾಕ್ಟುನ್ ನಿವಡ್‍ಲ್ಯಾತ ಆನಿ ಕುನಾಕುನಾಲಾ ತ್ಯನಿ ಹಾಕಟ್‍ಲ್ಯಾತ ತ್ಯನಾ ತ್ಯೊ ನಿಯತಿಚಿ ಕರ್ತೊ. ಆನಿ ಆಪ್ಲೆ ಮೈಮಾತ್ ವಾಟದಾರ್ ಕರ್ತೊ.

रोमियो 9:11

ತೇ ದೋಗ ಪ್ಯೊರ್ಗ ಜ಼ಲ್ಮಾಚೆ ಆಂದಿ ನಾಹಿತ ಚಾ಼ಂಗ್ಲ ನಾಹಿತ ಬುರ್ಸ ಕರಾಚೆ ಆಂದಿ ದೇವಾನಿ ಆಪ್‍ಲ್ಯಾ ಉದ್ದೆಶಾಲಾ ನಿವಡ್‍ಲ್ಯಾಲೆಸಾಟಿ ಆಸ ಸಾಂಗ್ಲ.

1 ಕೋರಿಂಥ್ 1:2

ಕ್ರಿಸ್ತ ಯೆಸುಪ್ನಿ ಪವಿತ್ರ ಕೆಲ್ಯಾಲೆ ಕೋರಿಂತಾತ್ಲೆ ದೇವಾಚೆ ಸಬೆಚಾನಾ ಹ್ಯ ಪತ್ರ ಲಿವ್‌ತ್ಯೊ. ತುಮಿ ದೇವಾಚಿ ಪವಿತ್ರ ಲೊಕ ವ್ಹಯಾಲಾ ಹಾಕಟ್‌ಲ್ಯಾಲಿ ಜಾ಼ಲ್ಯಾಸಾ. ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ನಾವಾವ ಇಸ್ವಾಸ್ ಥೆವ್‌ತ್ಯಾಲ್ಯಾ ಸಗ್‌ಳ್ಯಾ ಲೊಕಾಂಚೆ ಸಂಗ ತುಮಿಬಿ ಹಾಕಟ್‍ಲ್ಯಾಲಿ ಜಾ಼ಲ್ಯಾಸಾ. ಯೇಸು ಕ್ರಿಸ್ತ ತ್ಯನಾಬಿ ಆಮಾನಾಬಿ ಪ್ರಭುಜಾ಼ಲ್ಯಾ.

1 ಕೋರಿಂಥ್ 1:24

ದೇವಾನಿ ಹಾಕಟ್‌ಲ್ಯಾಲಿ ಲೊಕ ಯೆಹುದಿ ಆಸ್ಲಿತತರಿ ಯಹುದಿ ನಸ್ಲಿತತರಿ ತ್ಯನಾ ಕ್ರಿಸ್ತ್ ದೇವಾಚ಼ ಬಳ್ ಜಾ಼ಲ್ಯಾ; ಆನಿ ದೇವಾಚ಼ ಗಿನ್ಯಾನ್‌ಜಾ಼ಲ್ಯಾ.

1 ಕೋರಿಂಥ್ 1:9

ದೇವ್ ಇಸ್ವಾಸಾಚಾ಼ ಜಾ಼ಲ್ಯಾ. ದೇವಾಚಾ಼ ಲ್ಯೊಕ್‌ಜಾ಼ಲ್ಯಾಲಾ ಆನಿ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ಜೀ಼ವ್ನಾತ್ ವಾಟ್ನಿಗಿಹ್ಯಾ ವ್ಹಯಿ ಮನ್ಹುನ್ ತುಮಾನಾ ಹಾಕಟ್‌ಲ್ಯಾಲ ತ್ಯನಿಸ್.

1 ಕೋರಿಂಥ್ 2:9

ಫನ್ ದೇವಾಚಾ ವಚ಼ನಾತ್ ಲಿವಲ್ಯಾಶಾರ್ಕ, “ದೇವಾನಿ ಆಪ್ಲಿ ಮಾಯಾ ಕರ್ತ್ಯಾಲ್ಯಾಂಚಿಸಾಟಿ ತಯಾರ್ ಕೆಲ್ಯಾಲ ಸಗ್ಳ ಡೊಳ್ಯಾನಾ ದಿಸ್ಲನಾಹಿ, ಕಾನಾನಾ ಐಕ್ವಾಲನಾಹಿ, ತ್ಯಚಿ ಬಾವ್ನಾ ಮಾನ್ಸಾಚಾ ಮನಾಸ್ ಲಾಗ್ಲಿ ನಾಹಿ.

2 ಕೊರಿಂಥ 5:1

ಆಮಾನಾ ಸಮಾಜ಼ಲ್ಯಾ ಶಾರ್ಕ ದರ್ತಿವ ಆಮಚ಼ ಹ್ಯ ಶರೀರ್ ಮಂಥ್ಯಾಲ ಘರ್ ಪುಸುನ್ ಗೆಲತರಿ, ಸ್ವರ್ಗಾತ್ ದೇವಾನಿ ಘಡಿವಲ್ಯಾಲ ಯಾಕ್ ಘರ್ ಆಮಾನಾ ಹಾ; ತ್ಯ ಮಾನ್ಸಾಚಾ ಹಾತಾನಿ ಬ್ಯಾಂದ್‌ಲ್ಯಾಲ ಘರ್ ನವ್ಹ ತ್ಯಚೆ ಬದ್ಲಿಸ್ ಸ್ವರ್ಗಾತ್ ಯಾಕ್ ಶಾಸ್ವತ್ ಘರ್ ಆಮಾನಾ ಹಾ ಮನ್ಹುನ್ ಠಾವ ಹಾ.

गलातियों 1:15

ಫನ್ ಮಿ ಮಾಜೆ ಆಯಿಚಾ ಪೊಟಾತ್ ಆಸ್ಧಾನಾ ನಿವ್ಡುನ್ ಆಪ್ಲೆ ಕ್ರಪೆನಿ ಸೆವೆತ್ ಹಾಕಟ್‌ಲ್ಯಾಲ್ಯಾ ದೇವಾನಿ,

गलातियों 1:6

ಕ್ರಿಸ್ತಾಚೆ ಕ್ರಪೆನಿ ತುಮಾನಾ ಹಾಕಟ್‌ಲ್ಯಾಲ್ಯಾಲಾ ಸುಡುನ್, ಯವ್ಡೆ ಬಿಗಿ ದುಸ್ರೆ ಖಬರಿಕ್ಡ ತುಮಿ ಪರಾತ್‌ಲ್ಯಾಸಾ ಮನ್ಹುನ್ ಮನಾ ಆಜಾಬ್ ವಾಟ್ಯಾ.

गलातियों 5:8

ಹ್ಯ ಮನ್ ವಳ್ವಾಚ಼ ತುಮಾನಾ ಹಾಕಟ್‌ಲ್ಯಾಲ್ಯಾಪ್ನಿ ಆಲ್ಯಾಲ ನವ್ಹ.

इफिसियों 3:11

ಆಮ್ಚಾ ಪ್ರಭು ಯೇಸು ಕ್ರಿಸ್ತಾಸ್ ಲಾಗುನ್ ಆಪ್ನು ಖಾಯಿಮ್ಚಾ ಉದ್ದೆಶಾಚೆಗತ್ ದೇವಾನಿ ಹ್ಯ ಸಗ್ಳ ಕೆಲ.

इफिसियों 4:1

ತುಮಾನಾ ದೇವಾನಿ ಹಾಕಟ್‌ಲ್ಯಾತ ತ್ಯಚಿಸ್ಲಾಗುನ್ ಚಾ಼ಂಗ್ಲಿ ಜೀವ್ನಾ ಕರಾಯಾ ವ್ಹಯಿಸಾ ಮನ್ಹುನ್, ಪ್ರಭುಚೆ ಸೇವೆಸ್ಲಾಗುನ್ ತುಂರ್ಗಾತ್ ಆಸ್‌ಲ್ಯಾಲಾ ಮೀ ತುಮಚಿಪ ಮಾಕ್ತೊ.

ಪಿಲಿಪ್ಪಿ 3:14

ದೆವಾನಿ ಕ್ರಿಸ್ತಾಸ್ಲಾಗುನ್ ಆಮಾನಾ ಮೊಟ್ಯಾ ಫನಾಲಾ ಹಾಕ್ಟುನ್ ಆಮಾನಾ ಥೆವ್‌ಲ್ಯಾಲ್ಯಾ ಬಕ್ಷಿಸಾವ್ಲಾ ಮುಜ಼್ರಾ ಪೊಚಾ಼ಯಾಸಾಟಿ ಪಳ್‍ತ್ಯೊ.

1 ತೆಸಲೊನಿಕ್ 5:9

ಕಾ ಮಂಜೆ ದೇವಾನಿ ಆಮಾನಾ ಆಪ್‌ಲ್ಯಾ ರಾಗಾತ್ ಗಾವ್ಹಾ ವ್ಹಯಿ ಮನ್ಹುನ್ ನಿವಡ್ಲ ನಾಹಿ ಫನ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸುಸ್ ಲಾಗುನ್ ರಕ್ಷನ್ ವ್ಹಯಿ ಮನ್ಹುನ್ ದೇವಾನಿ ಥರಿವ್‌ಲ್ಯಾ.

2 ತಿಮೊತಿ 1:9

ದೇವಾನಿ ಆಮಾನ ರಾಖುನ್, ಆಪ್ಲಿ ಸ್ವತಾಚಿ ಲೊಕ ವ್ಹಯಾ ಸಾಟಿ ಹಾಕಟ್‌ಲ್ಯಾ. ಆಮಿ ಕೇಲ್ಯಾಲ್ಯಾ ಚಾ಼ಂಗಲ್ಯಾ ಕಾಮಾಸ್ ಲಾಗುನ್ ಆಸ ಜಾ಼ಲ್ಹ ಮನ್ಹುನ್ ನವ್ಹ. ತ್ಯೊ ಆಪ್ಲೆ ಪಾರ್ಕಿ ಶಾರ್ಕ ಆನಿ ಕ್ರಪೆ ಶಾರ್ಕ ಆಮಾನಾ ರಾಖುನ್ ಆಪ್ಲಿ ಕಿಲಿತ. ಪೈಲ್ಯಾ ಕಾಲಾತುಸ್ ಹಿ ಕ್ರಪಾ ಕ್ರಿಸ್ತ್ ಯೇಸುಪ್ನಿಸ್ ಆಮಾನಾ ಮಿಳಾಲೆ.

2 ತಿಮೊತಿ 2:19

ಕ್ಯಾಬಿ ವ್ಹವುನಿ ದೇವಾನಿ ಗ್ಯಾತ್‌ಲ್ಯಾಲಾ ಘಟ್ ಜಾ಼ಲ್ಯಾಲಾ ಪಾಯಾ ತ್ಯೊ ಘಟ್ ಹಾ ತ್ಯಚಿವ ಲಿವ್‌ಲ್ಯಾ. “ಪ್ರಭುಲಾ ಕೊನ್ ಮನ್ಹುನ್ ಠಾವಿ ಹಾತ್ತ” ಆನಿ ಕೊನ್ ಪ್ರಭುಚಾ಼ ಮನ್ಹುನ್ ಸಾಂಗ್‌ತೊ ತ್ಯೊ ಬುರ್ಶಾತ್ನಿ ಆಪ್‌ಲ್ಯಾಲಾ ಆಪ್ನುಸ್ ರ‍್ಯಾಕ್ತೊ.

ಇಬ್ರಿಯ 9:15

ದೇವಾನಿ ಹಾಕಟ್‌ಲ್ಯಾಲಿ ಲೊಕ ದೇವಾಚಾ಼ ಸಬ್ದ ಜಾ಼ಲ್ಯಾಲಾ ಶಾಸ್ವತ್ ತರಾಸ್ ಗಿಹುಂತ ಮನ್ಹುನ್ ಕ್ರಿಸ್ತ ಹ್ಯಾ ನವ್ಯಾ ಕರಾರಾಲಾ ಜಾ಼ಮಿನ್ ಜಾ಼ಲ್ಹಾ. ಕಾ ಮಾಜೆ ಆಂದಿಚಾ ಕರಾರಾಚಾ ಕಾಲಾತ್ ಕೆಲ್ಯಾಲ್ಯಾ ಪಾಪಾನಿ ಲೊಕಾನಾ ಸುಟ್ಕಿ ಕರಾಯಾ ಕ್ರಿಸ್ತ ಮೆಲಾ.

ಯಾಕೊಬ್ 1:12

ಪರಿಕ್ಷೆ ಸುಸುನ್ ಗೆನ್ಹಾರಾ ಬರಾ. ತ್ಯೊ ಪರಿಕ್ಷೆತ್ ಘಟ್ ರಾಹುನ್ ಪ್ರಭು ಆಪ್ಲಿ ಮಾಯಾ ಕರ್ತ್ಯಾಲ್ಯಾನಾ ಸಬ್ದ ದಿಲ್ಯಾಸಾರಾ ಶಾಶ್ವತ್ ಜೀವಾಚ಼ ಕಿರಿಟ್ ಗೆನ್ಹಾರ್.

ಯಾಕೊಬ್ 2:5

ಮಾಜೆ ಮಾಯೆಚಾ ಬನ್ಹಿ ಬಾವ್ಹಾನು, ಐಕಾ ದೇವ್ ಹೆ ದುನೆತ್ ಗರಿಬಾನಾ ಇಸ್ವಾಸಾತ್ ಸಾವ್ಕಾರ್ ಕರುನ್ ಆಪ್ಲಿ ಮಾಯಾ ಕರ್ತ್ಯಾಲ್ಯಾನಾ ಆಪ್ನು ಸಬ್ದ ದಿಲ್ಯಾಲ್ಯಾ ರಾಜಾತ್ ವಾರಸ್ದಾರ್ ರಾಹ್ಯಾವ್ಹಯಿ ಮನ್ಹುನ್ ನಿವಡ್ಲ ನಾಹಿ ಕ್ಯಾ?

1 पतरस 2:9

ತುಮಾನಾ ಆಂದಾರಾತ್ನಿ ಆಪ್‌ಲ್ಯಾ ಮೊಟ್ಯಾ ಉಜೀಡಾತ್ ಹಾಕಟ್‍ಲ್ಯಾಲ್ಯಾಚಿ ಚಾ಼ಂಗ್ಲಿ ಕಾಮ ಸಾಂಗಾಯಾ ತುಮಿ ದೇವಾಪ್ನಿ ನಿವಡ್‌ಲ್ಯಾಲಿ ಲೊಕ ರಾಜಾಚಾ ವಂಶಾತ್ಲ ಯಾಜಕ್, ನಿರ್ಮಳ್ ಲೊಕ, ದೇವಾಚಿ ಸ್ವತಾಚಿ ಪೊರ ಜಾ಼ಲ್ಯಾಸಾ.

1 पतरस 3:9

ನಾಸಾಲಾ ನಾಸ್, ನಿಂದಲಾ ನಿಂದಾ ಕರಾಚೆ ಆಂದಿ ಆಶಿರ್ವಾದ್ ಕರಾ. ಹ್ಯಚಿಸಾಟಿ ದೇವಾನಿ ತುಮಾನಾ ಹಾಕಟ್‌ಲ್ಯಾ ನವ್ಹ. ಆಸ ಕೇಲ್ಯಾವ ತುಮಿ ಆಶಿರ್ವಾದ್ ಪುಕಟ್ ಗೆನಾರ್.

1 पतरस 5:10

ಕ್ರಿಸ್ತಾಪ ತುಮಾನಾ ಆಪ್ಲೆ ಖಾಯಿಮ್ಚೆ ಮೈಮೆತ್ ಹಾಕಟ್‌ಲ್ಯಾಲೆ ಕ್ರಪೆಚಾ಼ ದೇವ್ ಆಪ್ನುಸ್, ತುಮಿ ಥೊಡಾ ಯೊಳ್ ತರಾಸ್ ಖಾಲ್ಯಾ ನಂತರ್ ತುಮಾನಾ ಕಸ್ಲೆ ಪರಸ್ಥಿತಿತ್ ಆನುನ್ ಗಟ್ ಕರ್ನಾರ್.

1 ಯೊಹಾನ್ 4:10

ಆಮಿ ದೇವಾಲಾ ಮಾಯಾ ಕಿಲಿ ನಾಹಿ, ತರಿಬಿ ತ್ಯನಿ ಆಮ್ಚಿ ಮಾಯಾ ಕರುನ್ ಆಮ್ಚಾ ಪಾಪಾನಾ ಪ್ರಾಯಶ್ಚಿತ್ ಬಲಿ ವ್ಹವುನ್ ಆಪ್‌ಲ್ಯಾ ಲೆಕಾಲಾ ಲಾವುನ್ ದಿಲ್ಯಾಲ್ಯಾಸ್ ಲಾಗುನ್ ತ್ಯಚಿ ಖರಿ ಮಾಯಾ ದಿಸುನ್ ಯತಿ.

1 ಯೊಹಾನ್ 4:19

ದೇವಾನಿ ಆಂದಿ ಆಮ್ಚಿ ಮಾಯಾ ಕಿಲಿ ಮನ್ಹುನ್ ಆಮಿ ತ್ಯಲಾ ಮಾಯಾ ಕರ್ತಾವ್.

ದರ್ಶಾನ್ 3:19

“ಮೀ ಮಾಯಾ ಕರ್ತ್ಯಾಲ್ಯಾ ಲೊಕಾನಾಸ್ ಮೀ ಶಾರ್ಕಿ ಕರ್ತೊ ಆನಿ ಸಿಕ್ಷಾ ದೇತೊ. ಮನ್ಹುನ್ ತುಮಿ ಮನಾನಿ ರಾವ್ಹಾ! ದೇವಾಕ್ಡ ಪರ್ತಾ.