ಯೊಹಾನ್ 6:40 - ದೆವಾಚಿ ಖರಿ ಕಬರ್ ನವಾ ಕರಾರ್

⁴⁰ ಲೇಕಾಲಾ ಬಗುನ್ ತ್ಯಚಿವ ಇಸ್ವಾಸ್ ಥೆವ್‌ತ್ಯಾಲ್ಯಾ ಪರತೇಕಾನಿ ಶಾಶ್ವತ್ ಜೀವ್ ಗೇತಲ್ಯಾ ಸರ್ತ್ಯಾ ದಿಸಾತ್ ತ್ಯಾ ಮಾನ್ಸಾಲಾ ಜೀತ್ತಾ ಉಠಿವ್ತೊ ಮಾಜಾ ಬಾಚಿ ಇಚ್ಚಾಬಿ ಹೀಸ್.

गवली उनाई नियम

⁴⁰ चोयाकी इंजा बाटे गा इच्छा इनी होय कि जो जेकाभी कोण के डोगेच दिया लिंजेन विश्वास डोए एठा हमेशा गा जीवन घटायु। एठा इंज डीचके आखिरी दिन डाबोलटे गोएन मिठाच जाटे जीटाएच्बा।”

ಯೊಹಾನ್ 6:40 ပူးပေါင်းရင်းမြစ်များ

ಮತ್ತಾಯ್ 10:15

ನ್ಯಾಯಿ ನಿವ್ಡಾಚಾ ದಿಸಾತ್ ಹ್ಯಾ ಗಾವಾಚಿ ಪರಸ್ಥಿತಿ ಸೊದೊಮ್ ಆನಿ ಗೊಮೊರಾವ್ನಿ ಖುಬ್ ಬುರ್ಸಿ ವ್ಹನಾರ್ ಮನ್ಹುನ್ ಮಿ ತುಮಾನಾ ಖರ‍್ಯಾನಿ ಸಾಂಗ್ತೊ.

ಮತ್ತಾಯ್ 25:46

“ತವಾ ಬುರ್ಸಿ ಲೊಕ ತಿಥ್ನಿ ನಿಗುನ್ ಜಾ಼ತಿಲ. ತ್ಯನಾ ಶಾಶ್ವತ್ ದಂಡ ವ್ಹನಾರ್ ಚಾ಼ಂಗಲ್ಯಾ ಲೊಕಾನಾ ಶಾಸ್ವಾತ್ ಜೀವ್ನಾ ಗಾವ್ನಾರ್.

ಮಾರ್ಕ್ 16:16

ಇಸ್ವಾಸ್ ಥಿವುನ್ ಕೊನ್ ಬಾಪ್ತಿಸ್ಮಾ ಗಿಹಿಲ್ ತ್ಯಚ಼ ರಕ್ಶನ್ ವ್ಹಯಿಲ್; ಆನಿ ಕೊನ್ ಇಸ್ವಾಸ್ ಥಿವಿತ್ ನಾಹಿ ತ್ಯಲಾ ಮುಟಿ ಶಿಕ್ಶೆ ವ್ಹನಾರ್.

लूका 2:30

ತು ಥರಿವ್‌ಲ್ಯಾಲ್ಯಾ ರಕ್ಶಕಾಲಾ ಮಿ ಮಾಜಾ ಡೊಳ್ಯಾನಿ ಬಗ್ಲಾ.

ಯೊಹಾನ್ 1:14

ತ್ಯಾ ಸಬ್ದಾನಿ ಮಾನ್ಸಾಚ಼ ರುಪ್ ಗೆತ್ಲ ಆನಿ ತ್ಯೊ ಸಗಳೆ ಕ್ರಪಾನಿ ಆನಿ ಖರ‍್ಯಾನಿ ಬರ್ಲಾ ಹುತ್ತಾ, ಆನಿ ತ್ಯೊ ಆಮ್ಚಿ ಸಂಗ ಹುತ್ತಾ. ಆಮಿ ತ್ಯಚಿ ಮೈಮಾ ಬಗ್ಲಿ, ತೀ ಬಾಚಾ ಯಕ್‌ಲ್ಯಾಸ್ ಯಕಾ ಲೇಕಾಚಿ ಮೈಮಾ ಜಾ಼ಲ್ಥಿ.

ಯೊಹಾನ್ 10:28

ಮಾಜಾ ಮೆಂಡ್ರಾನಾ ಮಿ ಶಾಶ್ವತ್ ಜೀವ್ ದೆತೊ. ತಿ ಕಂದಿಸ್ ಮರತ್ ನಾಹಿತ, ಆನಿ ತ್ಯನಾ ಮಾಜಿಪ್ನಿ ಕಾಡುನ್ ಗಿಹುನ್ ದುರ್ ಕರಾಯಾ ಕುನಾಲಾ ವ್ಹಯಿತ್ನಾಹಿ.

ಯೊಹಾನ್ 11:24

ಮಾರ್ಥಾ ಸರ್ತ್ಯಾ ದಿಸಾತ್ ಮರ್ನಾತ್ನಿ ಉಠುನ್ ಯತಾನಾ ತ್ಯೊ ಆನಿಕ್ ಉಠುನ್ ಯನಾರ್ ಮನ್ಹುನ್ ಮನಾ ಠಾವಾ ಹಾ. ಮನ್ಹುನ್ ಮನ್ಲಿ.

ಯೊಹಾನ್ 11:25

ಯೇಸು ತಿಲಾ ಮೀಸ್ ಮರ್ನಾತ್ನಿ ಉಠುನ್ ಯನಾರಾ ಆನಿ ಮಾಜಿವ ಇಸ್ವಾಸ್ ಥೆವ್‍ತ್ಯಾಲಾ ಮೆಲ್ಯಾ ನಂತರ್ ಆನಿಕ್ ಜೀವ್ ಗೇನಾರ್.

ಯೊಹಾನ್ 12:45

ಮನಾ ಕೊನ್ ಬಗ್ನಾರ್ ತ್ಯೊ ಮನಾ ತ್ಯವ್ಡಸ್ ನವ್ಹ ಮನಾ ಲಾವುನ್ ದಿಲ್ಯಾಲ್ಯಾಲಾಬಿ ಬಗ್ನಾರ್.

ಯೊಹಾನ್ 12:50

ತ್ಯಚಾ ಆಜ್ಞೆ ಶಾಶ್ವತ್ ಜೀವ್ ಜಾ಼ಲ್ಯಾತಾ ತ್ಯ ಮನಾ ಠಾವ ಹಾ ಮನ್ಹುನುಸ್ ಮಿ ಬೊಲತ್ಯಾಲ ಸಗ್ಳ ಬಾನಿ ಮನಾ ಸಾಂಗ್‌ಲ್ಯಾಲಸ್. ”

ಯೊಹಾನ್ 14:17

ಖರ‍್ಯಾಚ಼ ಆತ್ಮಸ್ ತ್ಯೊ ಮಜ಼ತ್ ಕರ್ತ್ಯಾಲಾ ಹೆ ದುನೆನಿ ತ್ಯಲಾ ಬಗ್ಲಾನಾಹಿ ಆನಿ ಸಮ್‍ಜು಼ನ್ ಗೆತ್ಲಾನಾಹಿ. ಫನ್ ತುಮಾನಾ ತ್ಯೊ ಸಮಾಜ಼ಲ್ಯಾ ಮನ್ಹುನ್ ತ್ಯೊ ತುಮ್ಚಿ ಸಂಗ ಆನಿ ತುಮ್ಚೆ ಆತುಸ್ ರಾನ್ಹಾರ್.

ಯೊಹಾನ್ 14:19

ಆನಿ ಥೊಡ ದೀಸ್ ಜಾ಼ಲ್ಯಾ ನಂತರ್ ಹೆ ದುನೆತ್ಲಿ ಲೊಕ ಮನಾ ಹಿತ್ನಿ ಮೊರ‍್ಹ ಬಗ್ನಾರ್ ನಾಹಿತ. ಫನ್ ತುಮಿ ಮನಾ ಬಗ್ನಾರ್. ಕಾ ಮಂಜೆ ಮಿ ಜಿತ್ತಾ ಹಾ ಮನ್ಹುನ್ ತುಮಿ ಜಿತ್ತಿ ರಾನ್ಹಾರ್.

ಯೊಹಾನ್ 17:2

ಕಾ ಮಂಜೆ ಸಗ್‌ಳ್ಯಾ ಲೊಕಾಂಚಿವ ತು ಹುಕುಮ್ ದಿಲ್ಯಾ ಆಸ ತು ತ್ಯಲಾ ದಿಲ್ಯಾಲ್ಯಾ ಪರತೇಕಾಲಾ ಶಾಶ್ವತ್ ಜೀವ್ ದಿಲ್ಯಾ.

ಯೊಹಾನ್ 3:36

ಜೆ ಕಚಾನಿ ಲೇಕಾವ ಇಸ್ವಾಸ್ ಥೆವ್‌ಲ್ಯಾ ತ್ಯಲಾ ಶಾಶ್ವತ್ ಜೀವ್ ದೆತೊ ಫನ್ ಲೇಕಾನಿ ಸಾಂಗ್‌ಲ್ಯಾ ಶಾರ್ಕ ಚಾ಼ಲತ್ ನಸ್ನಾರ‍್ಯಾಲಾ ಶಾಶ್ವತ್ ಜೀವ್ ಕವಾಸ್ ಗಾವ್‌ನ್ಹಾರ್ ನಾಹಿ ದೇವಾಚಾ಼ ರಾಗ್ ತ್ಯಚಿವ ರಾಥೊ. ಮನ್ಲಾ.

ಯೊಹಾನ್ 4:14

ಫನ್, ಮಿ ದೇತ್ಯಾಲ ಪಾನಿ ಕೊನ್ ಪಿತಿಲ್ ತ್ಯನಾ ತಾನುಸ್ ಲಾಗ್ನಾರ್ ನಾಹಿ. ಮಿ ತ್ಯನಾ ದೇತ್ಯಾಲ ತ್ಯಂಚೆ ಆತ್ ಪಾನ್ಯಾಚಾ಼ ಜ಼ರ‍್ಹಾ ವ್ಹನಾರ್. ಆನಿ ತ್ಯ ಪಾನಿ ತ್ಯನಾ ಶಾಶ್ವತ್ ಜೀವ್ ದೇತ. ”

ಯೊಹಾನ್ 5:24

ಮಿ ತುಮಾನಾ ಖರತ್ಯ ಸಾಂಗ್ತೊ ಮಾಜಿ ಬುಲಿ ಐಕುನ್ ಮನಾ ಲಾವುನ್ ದಿಲ್ಯಾಲ್ಯಾವ ಇಸ್ವಾಸ್ ಥೆವ್‌ತ್ಯಾಲಾ ಶಾಶ್ವತ್ ಜೀವ್ ಗೇನಾರ್ ತ್ಯಚಾ಼ ನ್ಯಾಯಿ ತಿರ್ಮಾನ್ ವ್ಹಯಿತ್ ನಾಹಿ. ತ್ಯೊ ಆತಾಸ್ ಮರ್ನಾತ್ನಿ ಪಾರ್ ವ್ಹವುನ್ ಜೀವ್ ಗೇತಲ್ಯಾ.

ಯೊಹಾನ್ 6:27

ಬಾದ್ ವ್ಹತ್ಯಾಲ್ಯಾ ಜೇವ್ನಾಲಾ ರಾಬು ನಕೊಸಾ ಫನ್ ಶಾಶ್ವತ್ ಜೀವ್ ದೆತ್ಯಾಲ್ಯಾ ಜೆವ್ನಾಸಾಟಿ ರಾಬಾ ತ್ಯ ಮಾನ್ಸಾಚಾ಼ ಲ್ಯೊಕ್ ದೆನಾರ್ ತ್ಯಚಿವ ಬಾ ದೇವಾನಿ ಹುಕ್ಮಾಚಾ಼ ಶಿಕ್ಕಾ ಥೆವ್‌ಲ್ಯಾ ಮನ್ಹುನ್ ಸಾಂಗ್ತೊ.

ಯೊಹಾನ್ 6:39

ಆನಿ ಮನಾ ಲಾವುನ್ ದೆನಾರ‍್ಯಾಚಿ ಇಚ್ಚಾ ಹಿ ಜಾ಼ಲೆ ಮಿ ಕುನಾಲಾ ದೇವಾನಿ ಒಪಸಲ್ಯಾತ ತ್ಯಾತ್ಲಾ ಯೊಕ್ಬಿ ಮಾಜಿಪ್ನಿ ಸಾಂಡುನ್ ಜಾ಼ವುನಾಹಿ ಆನಿ ಸರ್ತ್ಯಾ ದಿಸಾತ್ ಜಿವಂತ್ ಉಟ್ವಾಯಾ ವ್ಹಯಿ.

ಯೊಹಾನ್ 6:44

ಮನಾ ಲಾವುನ್ ದಿಲ್ಯಾಲ್ಯಾ ಮಾಜಾ ಬಾನಿ ಮಾಜಿಪ ಲಾವುನ್ ದಿಯಿಸ್ಪರ‍್ಯಾತ್ ಕೊನ್ ಮಾಜಿಪ ಪರ‍್ಯಾತ್ ಯಯಿತ್ನಾಹಿ. ಆನಿ ಮಿ ಸರ್ತ್ಯಾ ದಿಸಾತ್ ತ್ಯನಾ ಜಿವಂತ್ ಉಠಿವ್ತೊ.

ಯೊಹಾನ್ 6:54

ಕೊನ್ ಮಾಜ಼ ಶರಿರ್ ಖಾತೊ ಆನಿ ಮಾಜ಼ ರಗಾತ್ ಪಿತೊ ತ್ಯಲಾ ಶಾಶ್ವತ್ ಜೀವ್ ಗಾವ್ತೊ. ಆನಿ ಸರ್ತ್ಯಾ ದಿಸಾತ್ ತ್ಯಾ ಮಾನ್ಸಾಲಾ ಮಿ ಜಿತ್ತಾ ಕರ್ನಾರ್.

ಯೊಹಾನ್ 8:56

ಮಿ ಯಯಾಚಾ಼ ದಿಸ್ ಆಪ್ನು ಬಗ್ನಾರ್ ಮನ್ಹುನ್ ತುಮ್ಚಾ ಬಾ ಅಬ್ರಹಾಮಾಲಾ ಖುಬ್ ಸಂತೊಸ್ ಹುತ್ತಾ. ತ್ಯನಿ ತ್ಯೊ ದಿಸ್ ಬಗ್ಲಾ ಆನಿ ಖುಬ್ ಸಂತೊಸ್ ಜಾ಼ಲಾ” ಮನ್ಹುನ್ ಸಾಂಗ್ಲ.

रोमियो 5:21

ಯಕಾ ಕಾಲಾತ್ ಪಾಪಾನಿ ಮರ್ನಾಸ್ ಲಾಗುನ್ ಅಧಿಕಾರ್ ಚಾ಼ಲಿವ್ಲಾ ಫನ್ ದೇವಾನಿ ಲೋಕಾನಾ ನೀಯತಿಚ಼ ಮನ್ಹುನ್ ಕರಾಯಾ ಆಪ್ಲಿ ಕ್ರಪಾ ಲ ದಿಲಿ. ಹೀ ಕ್ರಪಾ ಆಮ್ಚಾ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ಖಾಯಿಮಚಾ಼ ಜೀವ್ನಾ ಆಂತಿ.

रोमियो 6:23

ಕಾ ಮಂಜೆ ಪಾಪಾಚಿ ಮಜು಼ರಿ ಮರಾನ್. ಫನ್ ದೇವಾಚ಼ ಫುಕಟ್ ದಾನ್ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಕ್ರಿಸ್ತ ಯೇಸುಪ ಆಸ್‌ಲ್ಯಾಲಾ ಶಾಸ್ವತ್ ಜೀವ್ ಹಾ.

2 ಕೊರಿಂಥ 4:6

ಕಾ “ಮಂಜೆ ಆಂದಾರಾತ್ ಉಜೀಡ್ ಯವುನಿ” ಮನ್ಹುನ್ ಸಾಂಗಲ್ಯಾಲ್ಯಾ ದೇವಾನಿ ಆಪ್ನುಸ್ ಯೇಸು ಕ್ರಿಸ್ತಾಚಾ ತೊಂಡಾವ ದಿಸ್ನಾರಿ ದೇವಾಚೆ ಮೈಮೆಚಾ ಗಿನ್ಯಾನ್ಯಾಚಾ಼ ಉಜೀಡ್ ಖುಭ್ ಜ಼ನಾನಾ ಗಾವಾಯಾ ಸಾಟಿ ಆಮ್ಚಾ ಮನಾತ್ನಿ ದಿಸ್ಲಾ.

ಇಬ್ರಿಯ 11:1

ಇಸ್ವಾಸಾವ ಆಮಿ ಆಶಾ ತೆವಲ್ಯಾಲ್ಯಾಚಾ಼ ಬರವಾಸಾ, ಆನೀಕ್ ಡೊಳ್ಯಾನಿ ದಿಸತ್ ನಸಲ್ಯಾಲ್ಯಾವ ಖಾತ್ರಿ ಜಾ಼ಲ್ಯೆ.

ಇಬ್ರಿಯ 11:27

ಇಸ್ವಾಸಾನಿ ತ್ಯೊ ರಾಜಾಚಾ ರಾಗಾಲಾ ಬಿಹ್ಯಾಚೆ ಆಂದಿ ಐಗುಪ್ತ ದುನ್ಯಾ ಸುಡುನ್ ಗೆಲಾ. ಕಾ ಮಂಜೆ ತ್ಯೊ ಜ಼ಳಾಕ್ನಾರ‍್ಯಾಲಾ ಬಗ್ನಾರ‍್ಯಾಚೆಗತ್ ಘಟ್ ಮನಾಚಾ಼ ಜಾ಼ಲ್ತಾ.

1 पतरस 1:8

ತುಮಿ ತ್ಯಲಾ ಡೊಳ್ಯಾನಿ ಬಗ್ಲಾ ನಸ್ಲಾಸಾತರಿ ತ್ಯಚಿ ಮಾಯಾ ಕರ್ತಾಸಾ. ತುಮಿ ಆತಾ ತ್ಯಲಾ ಬಗ್ಲಾ ನಸ್ಲಾಸಾತರಿ ತ್ಯಚಿವ ಇಸ್ವಾಸ್ ಥಿವುನ್, ತುಮ್ಚಾ ಇಸ್ವಾಸಾಚ಼ ಸರ್ತ ಫಳ್ ಜಾ಼ಲ್ಯಾಲ್ಯಾ ಆತ್ಮಾಚಿ ರಕ್ಶನ್ ಗೆನಾರಿ ವ್ಹವುನ್ ಸಾಂಗಾಯಾ ವ್ಹಯಿತ್ನಾಹಿ ತಸ್ಲೆ ಮೈಮಾಚಾ ಸಂತೊಶಾನಿ ಹಾವ್ಸಿ ವ್ಹತಾಸಾ.

1 ಯೊಹಾನ್ 2:25

ತ್ಯನಿ ತುಮಾನಾ ಕೇಲ್ಯಾಲ ವಾಗ್ದಾನ್ ತ್ಯ ಕ್ಯಾ ಮಂಜೆ ಶಾಶ್ವತ್ ಜೀವ್ ಜಾ಼ಲ್ಯಾ.

यहूदा 1:21

ಶಾಶ್ವತ್ ಜೀವಾಸಾಟಿ ಆಮ್ಚಾ ಪ್ರಭು ಯೇಸು ಕ್ರಿಸ್ತಾಚಿ ಕರ್ನಾ ಮೊರ‍್ಹ ಬಗಿತ್, ತುಮಾನಾ ದೇವಾಚೆ಼ ಮಾಯಾತ್ ರಾಕಾ.