ಅಪೊಸ್ತಲ್ 15:32 - ದೆವಾಚಿ ಖರಿ ಕಬರ್ ನವಾ ಕರಾರ್

³² ಯುದ್, ಸೀಲ್ ಆಪ್ನುಸ್ ಪ್ರವಾದಿ ಜಾ಼ಲ್ತ ಮನ್ಹುನ್ ಬಾವ್ಹಾನಾ ಖುಬ್ ಬೊಲ್ಯಾಂಚಾನಿ ಧೀರ್ ಆನಿ ಬಳ್ ದಿವುನ್ ಘಟ್ಕೆಲಾ.

गवली उनाई नियम

³² यहूदा एठा सीलास नी जो हेज्का परमेश्वर गा कोनेटे मंडीमिठाच डा, घोनेच बातो टे विश्वासकु डाईचो के शिक्षा जीटे पक्का केनेच।

ಅಪೊಸ್ತಲ್ 15:32 ပူးပေါင်းရင်းမြစ်များ

ಮತ್ತಾಯ್ 23:34

ಮಿ ತುಮಾನಾ ಸಾಂಗಾಚ಼ ಕ್ಯಾ ಮಂಜೆ ತುಮ್ಚಿಪ ಪ್ರವಾದಿನಾ ಜ್ಞಾನಿನಾ ಸಿಕಿವ್ನಾರ‍್ಯಾನಾ ಲಾವುನ್ ದೇತೊ. ತುಮಿ ತ್ಯಾತ್‌ಲ್ಯಾ ಥೊಡ್ಯಾನಾ ಮಾರುನ್ ಟ್ಯಾಕ್ನಾರ್; ಆನಿ ಥೊಡ್ಯಾನಾ ಶಿಲ್ಬೆವ ಗ್ಯಾಲ್ನಾರ್; ದುಸ್‌ರ‍್ಯಾ ಥೊಡ್ಯಾನಾ ತುಮ್ಚಾ ಸಭಾಸ್ಥಾನಾತ್ ಬಡಿವ್ನಾರ್; ತುಮಿ ತ್ಯನಾ ಗಾವಾತ್ನಿ ಗಾವಾತ್ ಪಾಠಿ ಲಾಗ್ನಾರ್.

लूका 11:49

ಮನ್ಹುನ್ ದೇವಾಚ಼ ಗಿನ್ಯಾನ್ ಕ್ಯಾ ಸಾಂಗ್ತ ಮನ್‌ಲ್ಯಾವ “ಮಿ ತ್ಯಂಚಿಪ ಪ್ರವಾದಿನಾ ಆನಿ ಚಾ಼ಂಗ್ಲಿ ಖಬರ್ ಸಾಂಗ್‌ತ್ಯಾಲ್ಯಾನಾ ಲಾವುನ್ ದೇನಾರ್ ತ್ಯಾತ್‌ಲ್ಯಾ ಥೊಡ್ಯಾನಾ ಮಾರುನ್ ಟ್ಯಾಕ್ನಾರ್ ಆನಿ ಥೊಡ್ಯಾನಾ ತರಾಸ್ ದೇನಾರ್.

ಅಪೊಸ್ತಲ್ 11:23

ಬಾರ್ನಬಾ ತಿಥ ಯವುನ್ ಪೊಚ್ಲಾ಼ ತವಾ ದೇವಾಚೆ ಕ್ರಪೆನಿ ಕಸ್ಲ ಕಾಮ ಕೆಲ್ಯಾ ಮನ್ಹುನ್ ಬಗುನ್ ಆನಿ ತ್ಯೊ ಸಂತೊಶ್ ಜಾ಼ಲ್ಹಾ ಆನಿ ತ್ಯನಾ ಸಗ್‌ಳ್ಯಾನಾ ಪ್ರಭುನಿ ಪುರ‍್ಯಾ ಮನಾನಿ ಪ್ರಭುಪ ರಾಹ್ಯಾಲಾ ಉಮೇದ್ ದಿಲಿ.

ಅಪೊಸ್ತಲ್ 11:27

ತ್ಯಾ ಕಾಲಾತ್ ಥೊಡ ಪ್ರವಾದಿ ಯೆರುಸಲೆಮಿತ್ನಿ ಅಂತಿಯೊಕ್ಯಾತ್ ಗೇಲ.

ಅಪೊಸ್ತಲ್ 13:1

ಅಂತಿಯೊಕ್ಯಾತ್ಲೆ ಸಭೆತ್ ಪ್ರವಾದಿ ಆನಿ ಸಿಕಿವ್ನಾರ ಹುತ್ತ. ತೇ ಕೊನ್ ಮಂಜೆ ಬಾರ್ನಬ್, ನೀಗರ್ ಮಂಥ್ಯಾಲಾ ಸಿಮೆಯೊನ್, ಕುರೇನ್ಯಾಚಾ಼ ಲುಕ್ಯ, ಸಾಮಂತ ಹೆರೊದಾಚೆ ಸಂಗವಾಡಲ್ಯಾಲಾ ಮೆನಹೇನ್, ಸೌಲ್ ಹೇಸ್.

ಅಪೊಸ್ತಲ್ 14:22

ತಿಥ ಶಿಶಾಂಚಿ ಮನ ಘಟ್ ಕರುನ್ ಕ್ರಿಸ್ತಾಚಾ ಇಸ್ವಾಸಾತ್ ಘಟ್ ಉಬ ರಾವ್ಹಾ ಮನ್ಹುನ್ ಉಮೆದ್ ದೆತ್ಯಾತ. ಆಮಿ ಖುಬ್ ತರಾಸ್ ಖಾವುನ್ ದೇವಾಚಾ ರಾಜಾತ್ ಜಾ಼ಯಾವ್ಹಯಿ ಮನ್ಹುನ್ ಸಿಕಿವ್‌ತ್ಯಾತ.

ಅಪೊಸ್ತಲ್ 15:1

ನಂತರ್ ಥೊಡಜಾ಼ನ್ ಯುದಾಯಾತ್ನಿ ಅಂತಿಯೊಕ್ಯಾತ್ ಯವುನ್; “ತುಮಿ ಮೊಶೆಚಾ ಧರ್ಮಶಾಸ್ತಾರಾತ್ ಸಾಂಗ್‌ಲ್ಯಾಲ್ಯಾ ನೆಮಾಚೆ಼ಗತ್ ಮುಂಜಿ಼ ಕರುನ್ ಗೆತಲ್ಯಾ ನಸ್‌ಲ್ಯಾವ ತುಮಾನಾ ರಕ್ಶನ್ ವ್ಹನಾರ್ ನಾಹಿ” ಮನ್ಹುನ್ ಬಾವ್ಹಾನಾ ಸಿಕ್ವಿತ.

ಅಪೊಸ್ತಲ್ 15:22

ತವಾ ಅಪೊಸ್ತಲ್, ಸಬೆಚ಼ ಜಾಂತ ಸಗ್‍ಳ್ಯಾ ಸಭೆಚಾ ಹುಕ್ಮಾನಿ ಆಪ್‌ಲ್ಯಾತಲ್ಯಾ ಥೊಡ್ಯಾನಾ ನಿವ್ಡುನ್ ಪೌಲ್ ಆನಿ ಬಾರ್ನಬಾ ಸಂಗ ಅಂತಿಯೊಕ್ಯಾತ್ ಲಾವುನ್ ದಿಯಾಚ಼ ಬರ ಮನ್ಹುನ್ ನಿರ್ಧಾರ್ ಕರ್ತ್ಯಾತ. ತ್ಯಚಿಸ್ ಲಾಗುನ್ ಇಸ್ವಾಸಿಂಚಾತ್ ಫುಡಾರಿ ಜಾ಼ಲ್ಯಾಲ್ಯಾ ಬಾರ್ಸಬ್ಬ ಮಂಥ್ಯಾಲ್ಯಾ ಯುದಾಲಾ, ಸೀಲಾಲಾ ನಿವ್ಡುನ್ ಗಿಹುನ್,

ಅಪೊಸ್ತಲ್ 15:27

ಮನ್ಹುನ್ ಯುದಾಲಾ, ಸೀಲಾಲಾ ಲಾವುನ್ ದೆತ್ಯಾವ್. ತ್ಯಂಚಾನಿ ಆಮಿ ಲಿವ್‌ಲ್ಯಾಲ್ಯಾ ಹ್ಯಾ ಗುಶ್ಟಿ ತೊಂಡಾನಿ ಸಾಂಗನಾರ್.

ಅಪೊಸ್ತಲ್ 15:3

ಆನಿ ಸಭೆತ್‌ಲ್ಯಾಂಚಾನಿ ತ್ಯನಾ ಲಾವುನ್ ದಿಲ ತವಾ ತ್ಯೆ ಪೊಯಿನಿಕೆ ಆನಿ ಸಮಾರ‍್ಯಾ ಸೀಮಾ ವಲ್ಯಾಂಡುನ್ ಜಾ಼ತಾನಾ ಯೆಹುದಿ ನಸ್‌ಲ್ಯಾಲಿ ಪ್ರಭುಕ್ಡ ಪರಾತ್‌ಲ್ಯಾಲ್ಯಾ ಖನ್ಕತಿ ತಿತಲ್ಯಾ ಇಸ್ವಾಸಿನಾ ಉಗ್ಡುನ್ ಸಾಂಗಲ್ಯಾ ತವಾ ತ್ಯನಾ ಸಗ್‌ಳ್ಯಾನಾ ಖುಬ್ ಸಂತೊಶ್ ಜಾ಼ಲ್ಹಾ.

ಅಪೊಸ್ತಲ್ 15:31

ಲೊಕಾಂಚೆ ಮೊರ‍್ಹ ಜೊ಼ರಾನಿ ವಾಚ್ವು಼ನ್ ಆನಿ ತ್ಯಾತ್ ಆಸ್‌ಲ್ಯಾಲ ಉಮೆದಿಚಾ಼ ಸಂದೆಶ್ ಐಕುನ್ ದಿರಾನಿ ಆನಂದ್ ಜಾ಼ಲ್ಹ.

ಅಪೊಸ್ತಲ್ 15:41

ತ್ಯೊ ನಿಗುನ್ ಸಿರಿಯಾ ಆನಿ ಕಿಲಿಕ್ಯಾ ಸೀಮತ್ನಿ ಫಿರತ್ ಸಬೆ ಘಟ್ ಕರ್ತೊ.

ಅಪೊಸ್ತಲ್ 18:23

ಪೌಲ್ ಅಂತಿಯೊಕ್ಯಾತ್ ಥೊಡ ದಿಸ್ ರಾಹುನ್ ಪರತ್ ತಿತ್ನಿ ನಿಗುನ್ ಗಲಾತ್ಯ ಸೀಮತ್, ಪ್ರುಗ್ಯಾತ್ ಪಿರತ್ ಸಗಳ್ಯಾ ಇಸ್ವಾಸಿನಾ ಗಟ್ ಕಿಲಿತ.

ಅಪೊಸ್ತಲ್ 2:40

ಪೆತ್ರಾನಿ ಆನಿಕ್ ದುಸರ‍್ಯಾ ಸಬ್ದಾಂಚಾನಿ ತ್ಯನಾ ಖಡ್ಯಾವುನ್ ಹೇ ಬುರ್ಸೆ ಪಿಳ್ಗಿಚೆ ಶಿಕ್ಷಾತ್ನಿ ತುಮಿ ಚು಼ಕ್ವುನ್ ಗೆವ್ಹಾ ಮನ್ಲಾ.

ಅಪೊಸ್ತಲ್ 20:2

ತ್ಯೆ ಸೀಮತ್ ಪಿರತ್ ತಿತಲ್ಯಾನಾ ಖುಬ್ ಸಂದೇಶಾನಿ ಧಿರ್ ದಿವುನ್ ಗ್ರಿಸ್ ದೆಶಾತ್ ಆಲಾ.

रोमियो 12:6

ಆಮಿ ಸಗ್‍ಳ್ಯಾಂಚಾನಿ ದುಸ್ರಿ ದುಸ್ರಿ ವರ ಗೆತಲ್ಯಾತ. ದೇವಾನಿ ಆಮಾನಾ ದಿಲ್ಯಾಲೆ ಕ್ರಪೆನಿ ಪರತೇಕ್ ವರ ದಿಲ್ಯಾ. ಪ್ರವಾದಿಚ಼಼ ವರ ದಿಲ ಆಸ್ಲತ ತ್ಯ ಆಪ್‍ಲ್ಯಾ ಇಸ್ವಾಸಾಸಾರ ತ್ಯೊ ವರ ಉಪೇಗ್ ಕರಾಯಾ ವ್ಹಯಿ.

रोमियो 12:8

ಉಮೇದ್ ದೇತ್ಯಾಲ ವರ ಆಸ್ಲತ ತಸಸ್ ಕರುನಿ. ಕೋನ್ ವ್ಯಾಡ್‍ತ್ಯಾಲಾ ಹಾ ತ್ಯೊ ಉದಾರ್ ಮನಾನಿ ವಾಡುನಿ. ಜಾಂತಿಕ್ ಚಾ಼ಲಿವತ್ಯಾಲ್ಯಾನಿ ಜಾಂತಿಕ್ ಕರ್ತಾನಾ ಕಶ್ಟಾನಿ ರಾಬಾಯಾ ವ್ಹಯಿ. ಕನಿಕರ್ ದ್ಯಾವ್‌ತ್ಯಾಲ್ಯಾನಿ ಸಂತೋಶಾನಿ ತೀ ಕಾಮ ಕರಾಯಾ ವ್ಹಯಿತ.

1 ಕೋರಿಂಥ್ 1:8

ಯೇಸು ತುಮಾನಾ ಸರ್ತ್ಯಾಪರೆತ್ ಧಿರ್ ದಿವುನ್ ರ‍್ಯಾಕ್ನಾರ್. ಆಮಚ಼ಾ ಪ್ರಭು ಜಾ಼ಲ್ಯಾಲಾ ಯೇಸು ಕ್ರಿಸ್ತ್ ನ್ಯಾಯಿ ನಿವ್ಡಾಚಾ ದಿಸಾತ್ ತುಮಿ ನಿರ್ದೊಶಿ ವ್ಹವುನ್ರಾನಾರ್.

1 ಕೋರಿಂಥ್ 14:29

ದೊಗ ತಿಗ ಪ್ರವಾದಿ ಬುಲುನ್ತ, ಬಾಕಿಚ಼ ಐಕಿತ್ ಇಚಾರ್ ಕರುಂತ.

1 ಕೋರಿಂಥ್ 14:3

ಫನ್ ಪ್ರವಾದನ್ ಸಾಂಗ್ನಾರಾ ತ್ಯಚಾ ಬೊಲನ್ಯಾನಿ, ಪ್ರಭುಚೆ ಭಕ್ತಿತ್ ವಾಡಾಯಾ, ಉಮೆದ್ ಸಮ್ಜಾವ್ನ ಉತ್ಪನ್ ಕರ್ತ್ಯಾತ.

1 ಕೋರಿಂಥ್ 14:32

ಪ್ರವಾದಿಂಚಿ ಆತ್ಮ ಪ್ರವಾದಿಂಚಾ ತಾಬ್ಯಾತ್ ಆಸ್‌ತ್ಯಾತ.

इफिसियों 3:5

ತೀ ಗುಟ್ ಹ್ಯಾ ಕಾಲಾತ್ ದೇವಾಚಾ ಪವಿತ್ರ ಅಪೊಸ್ತಲಾನಾಬಿ ಪ್ರವಾದಿನಾಬಿ ಪವಿತ್ರಾತ್ಮಾನಿ ಸಾಂಗ್‌ಲ್ಯಾ ಶಾರ್ಕ ದುಸ್‌ರ‍್ಯಾ ಕಾಲಾತ್ ಆಸ್‌ಲ್ಯಾಲ್ಯಾ ಲೊಕಾನಾ ಸಾಂಗ್ಲನಾಹಿ.

1 ತೆಸಲೊನಿಕ್ 2:11

ತುಮಾನಾ ಠಾವ ಹಾ ಕಸಾ ಯೊಕ್ ಬಾ ಆಪ್‌ಲ್ಯಾ ಪ್ಯೊರ್‌ಗ್ಯಾ ಸಂಗ ಚಾ಼ಲ್ತೊ ಆಮಿ ಸಾಹಿತ್ ಪರತೇಕಾ ಸಂಗ್ನಿ ಚಾ಼ಲ್ಲಾವ್.

1 ತೆಸಲೊನಿಕ್ 3:2

ಆನಿ ಆಮಿ ಕ್ರಿಸ್ತಾಪ ಬಾಹು ಜಾ಼ಲ್ಯಾಲ ಆನಿ ದೇವಾಸಾಟಿ ಕ್ರಿಸ್ತಾಚೆ ಬರಿ ಖಬರ್ ಸಾಂಗಾಚೆ ಗುಶ್ಟಿತ್ ಮಾಜೆ ಸಂಗಚಾ಼ ಕಾಮ್ಗಾರಿ ತಿಮೊತ್ಯಾಲಾ ತುಮಾನಾ ಘಟ್ ಕರಾಯಾ ಆನಿ ಇಸ್ವಾಸಾತ್ ಉಮೇದ್ ದಿಯಾ ತುಮ್ಚಿಪ ಲಾವುನ್ ದಿಲ್ಯಾ.

1 ತೆಸಲೊನಿಕ್ 4:1

ಸರ್ತ, ಬನ್ಹಿ ಬಾವ್ಹಾನು ಆಮಿ ಪ್ರಬು ಯೆಸುಪ್ನಿ ತುಮಾನಾ ದಿಲ್ಯಾಲ್ಯಾ ಆಜ್ಞಾ ಸಮಾಜ಼ಲ್ಯಾಸಾ.

1 ತೆಸಲೊನಿಕ್ 5:14

ಆಮ್ಚಾ ಬನ್ಹಿ ಬಾವ್ಹಾನು, ಮೀ ತುಮ್ಚಿಪ ಮಾಗುನ್ ಗಿಹ್ಯಾಚ಼ ಕ್ಯಾ ಮಂಜೆ ಕಾಮ್ ಕರಿ ನಸ್ನಾರ‍್ಯಾನಾ ಜಾ಼ಗಿ ಕರಾ ಬಳ್ ನಸ್‌ಲ್ಯಾಲ್ಯಾನಾ ಮಜ಼ತ್ ಕರಾ ಸಗ್‌ಳ್ಯಾಂಚಿ ಸಂಗ ಸಮಾದಾನಾನಿ ರಾವ್ಹಾ.

1 ತೆಸಲೊನಿಕ್ 5:20

ದೇವಾಪ್ನಿ ಆಲ್ಯಾಲ್ಯಾ ಸಾಂಗ್‌ನ್ಯಾಚಾ಼ ಆವ್ಮಾನ್ ಕರು ನಕೊಸಾ;

2 ತೆಸಲೊನಿಕ್ 3:12

ಆಸ್‌ಲ್ಯಾ ಲೊಕಾನಾ ಆಮಿ ಪ್ರಭು ಯೇಸು ಕ್ರಿಸ್ತಾಚಾ ನಾವಾನಿ ಆಮಿ ತಾಕಿತ್ ದಿವುನ್ ಆಜ್ಞೆ ದೆತಾವ್ ತೇ ಆಪ್ಲೆ ರಾಬ್ನುಕಿನಿ ಆಪ್ಲ ಆನ್ ಆಪ್ನುಸ್ ಕಮ್ವಾಯಾ ಸಾಂಗ್ತಾವ್.

1 ತಿಮೊತಿ 2:1

ಸಗ್‌ಳ್ಯಾಂಚೆ ಆಂದಿ ಮಿ ತುಮಾನಾ ಸಾಂಗಾಚ಼ ಕ್ಯಾ ಮಂಜೆ ಸಗ್‌ಳ್ಯಾ ಲೊಕಾಂಚಿಸಾಟಿ ದೇವಾಪ ಮಾಗ್ನ ಕರಾ ವಿನಂತಿಕರಾ ತ್ಯನಾ ಉಪ್ಕಾರಾಚಾ಼ ಧನ್ಯಾವಾದ್ ಸಾಂಗಾ.

2 ತಿಮೊತಿ 4:2

ಬರಿ ಖಬರ್ ಲೊಕಾನಾ ಸಾಂಗ್. ಚಾ಼ಂಗಲ್ಯಾ ಯಳಾತ್ಬಿ ಆನಿ ಬುರ್ಶಾ ಯಳಾತ್ಬಿ ಸಿಕ್ವಿತ್ ರ‍್ಹಾ. ಲೊಕಾಂಚಾನಿ ಕರಾಯಾ ವ್ಹಯಿ ಜಾ಼ಲ್ಯಾಲ ತ್ಯನಾ ಸಾಂಗ್. ತ್ಯಂಚಾನಿ ಚು಼ಕ್ ಕಿಲಿಕಿ ತೀ ತ್ಯನಾ ದಾವುನ್ ದೇ. ತ್ಯನಾ ದಪ್‌ಕ್ಯಾವ್, ತ್ಯನಾ ಉಮೇದ್ ದೇ, ಹ್ಯ ಸಗ್ಳ ಖುಬ್ ಥಂಡ್ ಫನಾನಿ ಹುಶಾರಿನಿ ಕರ್.

1 पतरस 5:1

ಮಂಡಳಿಚಾ ಜಾ಼ಂತ್ಯಾನು, ಸಂಗಚಾ಼ ಜಾಂತಾ ಜಾ಼ಲ್ಯಾಲಾ ಮೀ ಕ್ರಿಸ್ತಾಚಾ಼ ತರಾಸ್ ಡೊಳ್ಯಾನಿ ಬಗ್ಲಾ, ಹಿತ್ನಿ ಮೊರ‍್ಹ ದಿಸ್ನಾರೆ ಮೈಮೆತ್ ವಾಟದಾರ್ ವ್ಹವುನ್ ತುಮಾನಾ ಉಮೇದ್ ದಿವುನ್ ಸಾಂಗಾಚ಼ ಕ್ಯಾ ಮಂಜೆ,

1 पतरस 5:10

ಕ್ರಿಸ್ತಾಪ ತುಮಾನಾ ಆಪ್ಲೆ ಖಾಯಿಮ್ಚೆ ಮೈಮೆತ್ ಹಾಕಟ್‌ಲ್ಯಾಲೆ ಕ್ರಪೆಚಾ಼ ದೇವ್ ಆಪ್ನುಸ್, ತುಮಿ ಥೊಡಾ ಯೊಳ್ ತರಾಸ್ ಖಾಲ್ಯಾ ನಂತರ್ ತುಮಾನಾ ಕಸ್ಲೆ ಪರಸ್ಥಿತಿತ್ ಆನುನ್ ಗಟ್ ಕರ್ನಾರ್.

1 पतरस 5:12

ತುಮಾನಾ ಉಮೇದ್ ದಿಯಾಲಾ ಹಿಸ್ ದೇವಾಚಿ ಖರಿ ಕ್ರಪಾ ಮನ್ಹುನ್ ಸಾಕ್ಷಿ ಸಾಂಗಾಯಾಬಿ ಮೀ ಶಾರ್ಕ ಲಿವುನ್, ಇಸ್ವಾಸಾಚಾ಼ ಬಾಹು ಮನ್ಹುನ್ ಮೀ ಮಂಥ್ಯಾಲ್ಯಾ ಸಿಲ್ವಾನಾಚಾ ಹಾತಾತ್ ಹ್ಯ ಲಾವುನ್ದಿಲ್ಯಾ. ಹೇ ಖರೆ ಕ್ರುಪೆತ್ ಉಬಿ ರಾವ್ಹಾ.