Tite 3:8 - Takarata pɛ Sɔ Mbombe Mbon

⁸ Wen ndɔng ka mi tɔa, yo nê tɛwen. Mi ngoya nde, mɛ aputiri yo swe fɛt ha wi ndɔng ka mɛkara Sɔ, tuka nde, mbwa agbɛngsi tɛ nɛkpasa ha dea dedemɔ. Ɛngi nɛ dedea, nɛ yo ha gbakara hio wi.

Tite 3:8 ပူးပေါင်းရင်းမြစ်များ

Matthieu 20:4

A tɔa ha mbwa: ‹Ɛnɛ nɛ ha gɔma fɔ pɔm, nɛ mi beha ɛnɛ mbɔli ka lɛma.›

Jean 12:44

Mɛgi Jésus tɔa ha mbwa: «Wi kɛ ka mɛkara mi, a mɛkiri nɛ mi sɔna na. Ma, a mɛkara fin wi ka tomsa mi tɛnɛ hakɛ ha nzan.

Jean 5:24

«Kpasawen, mi tɔ ha ɛnɛ nde, wi ka ze wen pɔm nɛ ka mɛkiri Sɔ ka tomsa mi, a bedung nɛ *tunɔ kpoo. Sɔ lɛm gɔn kita ba wɛnɛ fin na. Mɛgi, wia laka fio gde kari, nɛ a tɛ bo nɛ tunɔ.

Deamɔ 12:15

Mbwa tɔa ha wɛnɛ: «Bili ha dea mɛ!» Ma, a bhɔna ka ha ndangtɛ wen pɛa. Mɛgi, mbwa tɔa: «Yo nê sɔtɛ wa.»

Rome 4:5

Pɛ Sɔ yo nɛtɛ, wɛnɛ gde wi nzeng ha li wa, bo hazu tom pɛ wia na, ma, hazu wia mɛkara wɛnɛ, wɛnɛ ka de nde, hio wan-kafi wɛnɛ atɛ hio nzeng wi ha li wa.

2 Korente 4:13

Takarata pɛ Sɔ tɔa nde: «Mi mɛkara Sɔ. Yo nê ɛngi ka mi tɔ wen.» Ndangtɛ mɛkaramɔ ha dea tom ha tɛ ɔ, ɔ mɛkara Sɔ fin gbesi. Yo nê ɛngi ka ɔ ha bulo Dede Wen.

Efeze 4:28

Hio wan-zu azu mɔ fin na. Ma, dea nde, mbwa ade dede tom nɛ kɔ mbwa hazu gbakiri fin nɛ wi ndɔng ka mɔ kɔpi mbwa.

1 Timothée 1:15

Lɛma nde, hio wi fɛt amɛkiri kpasa wen mɛgɛ: Jésus-Christ tɛa ha nzan hazu kpasisi hio *wan-de gdangamɔ. Nɛ mi nê gasa wan-de gdangamɔ pen hio mbinga fɛt.

1 Timothée 2:8

Mɛgi, mi ngoya nde, hio wei agɔ Sɔ ha bhandi fɛt nɛ yafafa kɔ ha ngɔn nɛ saa sila, bo nɛ ngambi mana siokafɛ ha sila mbwa na.

1 Timothée 5:10

Nɛ lɛma fin nde, hio wi akɛ wen dede tom pɛa mɛgɛ: A dungɔ ha pama hio bem pɛa nɛdedea, ha baa hio gɛnɛ nɛ dede kɔ, ha fala nanga hio wi pɛ Sɔ, ha gbakara hio wan-ngɔtɛ, nɛ ha gdea tɛ wa fɛt ha dea dedemɔ.

2 Timothée 1:12

Yo nê hazu ɛngi, ka mi ha kpaa nɛ yeksamɔ ndɔng. Ma, mi de foy na, hazu mi ingɔ wi kɛ ka mi gde tazu mi ha tɛ wa. Nɛ mi ingɔ nɛdedea nde, wɛnɛ nɛ ngatɛ mɛ pam mɔ ka wɛnɛ gdea ha kɔ mi, kanɛ swe ka wɛnɛ bepe nɛ.

Tite 1:9

Wɛnɛ apam osamɔ ka wɛnɛ yamba hazu wen mɛkaramɔ. Mɛgi, a lɛma mbo hio wi nɛ wal dede osamɔ ɛngɛ, nɛ a lɛma gan zu hio wan-sungiri osamɔ pɛa.

Tite 2:14

Jésus-Christ fea gɔn zu ɔ hazu yangi ɔ ha dea tili kpandele fɛt, nɛ hazu sasisi ɔ tuka nde, ɔ adung nê kandɔ pɛa, ka gbɛngsi tɛ swe fɛt ha dea dedemɔ.

Tite 2:7

ha deamɔ pɛ mbwa fɛt. Pɛ mɛ, lɛma nde, ha zang mɔ fɛt, hio olo wi azɔk hio dede deamɔ pɛ mɛ hazu de nɛ pɛ mbwa. Wal ka mɛ osi nɛ mɔ adung nɛ zioa nɛ kpasa ha li wi.

Tite 3:1

Mɛ gba tazu hio wi pɛ Christ nde, mbwa agde tɛ mbwa ha si hio wan-le nɛ hio nasara. Lɛma nde, mbwa aze nu mbwa, nɛ mbwa adung sanga ha dea dedemɔ kpoo.

Tite 3:14

Lɛma nde, hio wi pɛ ɔ fin ayambi mɛ gbɛngsi tɛ ha dea dedemɔ hazu gbakiri wi ndɔng ka mɔ kɔpi mbwa nɛkpasa. Mɛgi, hio wi pɛ ɔ beway nɛ dede waya.

Philémon 1:11

Sɔngsi, wɛnɛ tɛ gbakiri mɛ na. Ma, sising, wɛnɛ ha gbakara ɔ hinɛ mɛ.

Hebro 10:24

Ɔ azɔk wal pɛ may, nɛ ɔ aha da ha may mɛ ngoy may nɛ mɛ de dedemɔ.

1 Pierre 1:21

Ɛnɛ mɛkara Sɔ nɛ wal Christ. Sɔ guo wɛnɛ ha soko hio fiowi, nɛ a haa wɛnɛ *lɛkɛ-lɛkɛmɔ. Yo nê ɛngi, ka ɛnɛ kpaa wal mɛ mɛkiri Sɔ, nɛ mɛ gde tazu ha tɛ wa.