Tite 3:7 - Takarata pɛ Sɔ Mbombe Mbon

⁷ tuka nde, Sɔ aha ɔ likɔ ka ɔ gde tazu ɔ ang. Yo nde, a beha ɔ *tunɔ kpoo hazu a gdea ɔ nzeng ha li wa nɛ wal *dede sila pɛa.

Tite 3:7 ပူးပေါင်းရင်းမြစ်များ

Matthieu 25:34

Nɛ mi, *Kongawan, betɔ ha wi ndɔng ha wekɔ mi: ‹Sɔ, Bafa mi, wola dede wen ha zu ɛnɛ. Mɛgi ɛnɛ tɛ tɛ kpa dede mɔ pɛ *Kongakandɔ pɛ Sɔ, ka wɛnɛ bhɔngara bingiri hazu ɛnɛ ha ngimɔ ka wɛnɛ dea nɛ nzan.

Marc 10:17

Ka Jésus ha pena ha wal, ma wi sɔawi, tɛ ngbi zigolo ha li wa nɛ a ana wɛnɛ: «Dede wan-osimɔ, mi bede nɛ ge hazu kpa *tunɔ kpoo ge?»

Rome 11:6

A weka mbwa bo hazu dede deamɔ pɛ mbwa na, ma, a weka mbwa nɛ wal dede sila pɛa. Ka bo se mɛgi na, ki dede sila pɛ Sɔ bo fin nê dede sila nɛkpasa na.

Rome 3:24

Ma, nɛ wal *dede sila pɛa, Sɔ gde mbwa nzeng ha li wa nɛ gangtɛ. A de mɛgi nɛ wal Jésus-Christ ka guo *sɛmbɔ pɛ mbwa yunɛ.

Rome 3:28

Hazu ɔ ingɔ nde, Sɔ gde wi nzeng ha li wa hazu wia mɛkara Jésus, bo hazu wia dea mɔ lɛm nɛ mbonga na.

Rome 4:16

Mɛgi, gɔnanu pɛ Sɔ, yo sɔna hazu wi ndɔng ka mɛkiri wɛnɛ, tuka nde, yo adung nê mɔ ka Sɔ ha ha mbwa nɛ gangtɛ. A ngoya mɛ ha yo ha hio bezang pɛ Abraham fɛt mburr. Yo bo sɔna ha wi ndɔng ka pam mbonga pɛ Moïse, na, ma, yo ha wi fɛt ka mɛkiri Sɔ tuka Abraham, hazu Abraham nê bafa ɔ fɛt.

Rome 4:4

Wan ha kɛa wan-tom pɛa, bo hazu a ngoya mɛ de yo nɛ sila wa na, ma, hazu lɛma ka lɛm nde, wɛnɛ akɛ wan-tom pɛa.

Rome 8:17

Tuka ɔ tɛ bo nê hio bem pɛ Sɔ, ɔ tɛ bo fin nê hio wan-ba likɔ pɛa. A beha ɔ likɔ ɛngɛ hinɛ Christ gbesi, hazu ɔ ha kpaa yeksamɔ gbesi tuka wɛnɛ. Mɛgi, ɔ bedung fin hinɛ wɛnɛ ha lɛkɛ-lɛkɛ bhandi pɛa.

1 Korente 6:11

Hio ma wi ha soko ɛnɛ bade tili gdangamɔ ndɔng sɔngsi. Ma, sising, Sɔ pɛ ɔ fala gdangamɔ pɛ ɛnɛ yunɛ fɛt kari, a dea ɛnɛ hio nzɔy wi pɛa, nɛ a gdea ɛnɛ nzeng ha li wa. Sɔ dea mɛgi nɛ wal ling *Kongawan, Jésus-Christ, nɛ fin nɛ wal *Nzɔy-Sɔtɛ pɛa.

Galasi 2:16

Tangere ɔ ingɔ nde, yo sɔna nɛ wal mɛkara Jésus-Christ ka Sɔ gde wi nzeng ha li wa, yo bo nɛ wal dea mɔ lɛm nɛ *mbonga pɛ Moïse na. Mɛgi, ɔ fin, ɔ mɛkara Jésus-Christ tuka nde, Sɔ agde ɔ nzeng ha li wa bo hazu ɔ dea mɔ lɛm nɛ mbonga na, ma, hazu ɔ mɛkara Christ. Kpasawen, ma wi ndang lɛm dung nzeng ha li Sɔ nɛ wal dea mɔ lɛm nɛ mbonga na.

Galasi 3:29

Ka ɛnɛ nê hio wi pɛ Christ, ɛnɛ tɛ bo nê hio bezang pɛ Abraham. Mɛgi, Sɔ beha ha ɛnɛ hio dedemɔ fɛt ka wɛnɛ bagɔn nua ha Abraham.

Galasi 4:7

Ɛngi osi nde, mɛ bo fin nê bala na, ma, mɛ tɛ bo nê bem longo-longo. Nɛ mɔ fɛt ka Sɔ bhɔngara hazu hio bem pɛa, wɛnɛ beha yo ha mɛ, hazu mɛ tɛ bo nê bem pɛa kari.

2 Tesalonike 2:16

Sɔ, Bafa ɔ ngoya ɔ, mɛgi nɛ wal *dede sila pɛa, wɛnɛ ha yɔkala ɔ kpoo, nɛ a haa dede *mɔgdetazu ha ɔ. Wɛnɛ hinɛ Kongawan pɛ ɔ, Jésus-Christ,

Tite 1:2

Mɛgi hio wi ndɔng begde tazu mbwa ha tɛ Sɔ nde, a beha mbwa *tunɔ kpoo. Gde ka Sɔ tɛ de ka nzan na, a bagɔn nu mɛ ha ɔ tunɔ kpoo. Nɛ Sɔ bo nê wan-tɔ dalo na.

Tite 2:11

Ey, Sɔ gbasa long nde, wɛnɛ de *dede sila ha tɛ hio wi hazu wɛnɛ ngoy kpasisi mbwa fɛt.

Tite 2:13

Ɔ ade mɛgi keri nɛ swe totɛ ka ɔ gde tazu ɔ ang. Ha swea, Jésus-Christ, gasa Sɔ pɛ ɔ nɛ Wan-kpasisi ɔ, begbasi tɛ nɛ *lɛkɛ-lɛkɛmɔ pɛa.

Hebro 1:14

Mɛgi, hio telenge nê o? Mbwa sɔna nê hio sɔtɛ ka de tom ha Sɔ, nɛ ka Sɔ tomsi nɛ nɛ gbakiri wi ndɔng ka wɛnɛ ngoy mɛ kpasisi mbwa.

Hebro 11:7

Nɛ wal mɛkara Sɔ, Noe zea nu Sɔ, ka gbaa tazu wa nɛ mbengli ka behɔ. Ngase ka wɛnɛ tɛ zɔk ka mbenglia na, a dea gasa kuga. Nɛ wɛnɛ hinɛ hio nam pɛa kpasa ang. Nɛ wal dea mɛgi, a gɔna kita ha zu hio wi mɔ nzan, nɛ a tɛ bo nzeng ha li Sɔ nɛ wal mɛkara wɛnɛ.

Hebro 11:9

Nɛ wal mɛkara Sɔ, Abraham dea le tuka tombɔ ha kandɔnu ka Sɔ gɔna nua mɛ ha ha wɛnɛ hinɛ Isaac nɛ Jacob gbesi. Mbwa fɛt dungɔ ha ɔa haki ha zang hio twa ka ɛ dea nɛ la, ndoti nɛnɛ nɛ ngɔn.

Hebro 6:17

Sɔ ngoya osi ha hio wi ka bekpa mɔ ka wɛnɛ gɔna nua, long nde, ka wɛnɛ bheka ma mɔ kari, a lɛm mɛ kpali nu wa ang fin na. Yo nê ɛngi ka wɛnɛ kana nɛ mɔ.

Jacques 2:5

Hio ya mi ka mi ngoya gdang, ɛnɛ ze nɛdedea: Sɔ weka hio fabha wi mɔ nzan nde, mbwa adung nê wan-kpamɔ nɛ wal mɛkara Jésus-Christ, nɛ nde, mbwa akpa Kongakandɔ pɛa, ka wɛnɛ bagɔn nua mɛ ha nɛ likɔ ha hio wi ka ngoy wɛnɛ.

1 Pierre 3:7

Yo fin gbesi nɛ ɛnɛ, hio wei. Ha dea le hinɛ ko pɛ ɛnɛ, ɛnɛ aing nde, mbwa bo nɛ ngaya tuka ɛnɛ na. Ɛnɛ ba mbwa nɛ zioa, hazu ndangtɛ tunɔ ka Sɔ beha ha ɛnɛ nɛ gangtɛ, a beha yo ha mbwa fin gbesi. Ɛnɛ de mɛgi tuka nde, ma mɔ adol Sɔ mɛ ze gɔamɔ pɛ ɛnɛ ndang na.