Tite 3:3 - Takarata pɛ Sɔ Mbombe Mbon

³ Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

Tite 3:3 ပူးပေါင်းရင်းမြစ်များ

Matthieu 21:29

Nɛ wɛnɛ kiforo wen: ‹Mi ngoy na.› Ma, hapata, a kiforo sila wa, nɛ wɛnɛ nɛa ha fɔ.

Dede Wen hazu Jésus-Christ ka Luc ngɛraka 21:8

Wɛnɛ tɔa ha mbwa: «Ɛnɛ pangay, ka ma wi aosili ɛnɛ na. Hazu dɔka wi betɛ nɛ ling mi, nɛ mbwa betɔ: ‹Mi nê *Mesi!› nɛ mbwa betɔ fin: ‹Kpogio ngimɔ koka kari!› Ka ɛnɛ andari mbwa na.

Jean 8:34

Jésus kiforo wen ha mbwa: «Mi tɔ kpasawen ha ɛnɛ nde, wi ndang ndang fɛt ka de gdangamɔ, mbwa nê bala ha si gdangamɔ.

Rome 11:30

Ha ngimɔ sɔngsi, ɛnɛ bakafi nu Sɔ. Ma, sising Sɔ tɛ bo ha dea kobhe tɛ ɛnɛ hazu hio zuife kafa nu wa kari.

Rome 6:12

Ɛnɛ agdɔki wal ha gdangamɔ mɛ gan zu kilitɛ ɛnɛ ka befe bin, yu nde, ɛnɛ betɛ de mɔ tuka wɔ kilitɛ ɛnɛ ngoya.

Rome 6:17

Sɔngsi, ɛnɛ badung nê hio bala ha si gdangamɔ. Ma, sising, ɔ tɔ oeba ha Sɔ hazu ɛnɛ tɛ bo ha pama nɛ sila ɛnɛ fɛt mbombe osamɔ, ka Sɔ osa ha ɛnɛ.

Rome 6:22

Sising, ɛnɛ bo fin nê bala ha si gdangamɔ na, ma, ɛnɛ tɛ bo nê bala pɛ Sɔ. Mɔ ka ɛnɛ kpaa ha lia, yo nde, ɛnɛ tɛ bo ha dea mɔ nɛ nzɔya, nɛ ɛnɛ bekpa *tunɔ kpoo ha kpogioa.

Rome 6:6

Ɔ ingɔ nde, mɔa wi ka ɔ badung sɔngsi, fea hinɛ Christ gbesi ha getakate. Kilitɛ ɔ ka ngoy de gdangamɔ, bhonda kari, ɔ bo fin nê bala ha si gdangamɔ na.

2 Korente 12:20

Mi yu nde, ha ngimɔ ka mi behɔ ha pɛ ɛnɛ, mi betɛ kpa nde, deamɔ pɛ ɛnɛ bo tuka mi ngoya na, nɛ ɛnɛ betɛ kpa nde, deamɔ pɔm bo tuka ɛnɛ ngoya na. Mi yu nde, mi betɛ kpa ɛnɛ mana ha mɔya, mana ha dea silamɔ, mana ha dea ngambi, mana ha dea kpakpay, mana ha fɛngsa may, mana ha tɔa gdanga lingtɛ may, mana ha suotɛ, mana ha dea woto-wotomɔ.

Galasi 6:3

Ka ma wi zɔk tɛ wa tuka zio wi, ma, wɛnɛ nê gele wi sɔna, a osala tɛ wa nɛ pɛa tɛ.

Kolose 1:21

Sɔngsi, ɛnɛ badung nɛ yɛa nɛ Sɔ, ɛnɛ badung nê hio ngana pɛa hazu hio takaramɔ pɛ ɛnɛ nɛ hio deamɔ pɛ ɛnɛ dungɔ nɛ gdangaa.

Kolose 3:7

Ɛnɛ fin, ɛnɛ badung se ha dea hio mɔ nzan ndɔng, ha ngimɔ ka mɔ ndɔng badon sila ɛnɛ.

2 Timothée 3:13

Ma, hio gdanga wi nɛ hio wan-osili wi, mbwa bebhɔn ha dea gdangamɔ nɛnɛ pen mɔ sɔngsi. Mbwa beosili hio wi, nɛ hio wi beosili mbwa fin.

2 Timothée 3:6

Hio ma ha soko mbwa ha lea twa nɛnɛ, nɛ mbwa ha baa ha pɔndɔ pɛ mbwa hio mɔka bhoko ndɔng ka dona nɛ dɔka gdangamɔ, nɛ ka hio tili hɛl mɔ gana zu mbwa.

Tite 1:16

Mbwa ha tɔa nde, mbwa ingɔ Sɔ. Ma, deamɔ pɛ mbwa osi nde, mbwa kafa Sɔ kari. Mbwa dung tuka mɔ nyɛl, mbwa nê wan-nga zala, nɛ mbwa lɛm de ma dedemɔ ndang na.

Tite 2:12

Nɛ wal dede sila pɛa, Sɔ osi mɔ ha ɔ nde, ɔ alak gdanga deamɔ nɛ hio wɔ mɔ nzan gde. Ha nzan ɛngɛ sising, lɛma nde, ɔ aba zu ha deamɔ pɛ ɔ, nɛ ɔ ade mɔ nzeng nɛ mboazu ha li Sɔ.

Jacques 1:26

Wi ka ba nu wa na, ma, ka takiri nde, tom Sɔ pɛa nɛdedea, wɛnɛ osala tɛ wa, nɛ tom Sɔ pɛa nɛgbelea.

1 Pierre 1:14

Ɛnɛ ze nu Sɔ hazu ɛnɛ nê hio bem pɛa. Sɔngsi, ha ngimɔ ka ɛnɛ tɛ ze ka *Dede Wen na, ɛnɛ dungɔ ha gdea tɛ ɛnɛ ha gola hio gdangamɔ. Ma, sising, ka ɛnɛ ade mɔ mɛgi fin na.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Gbasamɔ 13:14

A osala hio wi mɔ zu nu nɛ wal hio mɔweka ndɔng ka wɛnɛ kpaa ziomɔ mɛ de ha li bosi ngɔnzu. A tɔa ha hio wi mɔ zu nu nde, mbwa asɛk ma zizi bosi ngɔnzu ka bakpa dalɛ gbapa nɛ ka bakifiri nɛ zutunɔ.

Gbasamɔ 18:2

A gdɔra nɛ ngagɛl: «Gasa le Babilone teka, yo teka kari. Yo tɛ bo nê bhandi pɛ hio gdanga sɔtɛ. Yo tɛ bo nê bhandi wusi tɛ pɛ hio tili sɔtɛ fɛt mɔ nzing, nɛ pɛ hio tili nɔy fɛt mɔ nzing nɛ mɔ nyɛl.