Tite 2:7 - Takarata pɛ Sɔ Mbombe Mbon

⁷ ha deamɔ pɛ mbwa fɛt. Pɛ mɛ, lɛma nde, ha zang mɔ fɛt, hio olo wi azɔk hio dede deamɔ pɛ mɛ hazu de nɛ pɛ mbwa. Wal ka mɛ osi nɛ mɔ adung nɛ zioa nɛ kpasa ha li wi.

Tite 2:7 ပူးပေါင်းရင်းမြစ်များ

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

2 Korente 2:17

Dɔka wi ku Wen pɛ Sɔ de nɛ gɛnɛ, ma, pɛ ɔ, ɔ de mɛgi na. Yo nê Sɔ ha tomsi ɔ, nɛ ɔ ha dea sɔy hinɛ Christ. Mɛgi ɔ bul wen nɛ saa sila ha li Sɔ.

2 Korente 4:2

Ɔ kafa dea mɔ foy nɛ mɔ wuso. Ɔ osili wi na, nɛ ɔ bul wen pɛ Sɔ nɛ dalo ha zanga na. Ma, ɔ gbasi nɛ tɛwen long ha hio wi. Mɛgi ingɔmɔ sila pɛ mbwa being nde, ɔ nê hio mboazu wi ha li Sɔ.

2 Korente 8:8

Mi tɛ ha nu ha ɛnɛ mɛ de mɛgi na. Ma, mi osi ha ɛnɛ hɛl ka hio mbinga de nɛ tom, hazu zɔk nde, mana ɛnɛ ngoya hio ya ɛnɛ nɛkpasa.

Efeze 6:24

Sɔ ade *dede sila ha tɛ wi ndɔng fɛt ka bhɔn ka ha ngoya Kongawan pɛ ɔ, Jésus-Christ, nɛ ngoy ka kpogioa bona.

Filipe 1:10

Hazu mi ngoy nde, ɛnɛ aing mɔ ndɔng, ka dung nɛdedea nɛkpasa, tuka nde, ɛnɛ adung nɛ saa, gdangamɔ bona, kanɛ swe ka Jésus-Christ bepe nɛ.

2 Tesalonike 3:9

Kpasawen, ɔ lɛma mɛ nɔsisi ɛnɛ mɛ kpa mɔ ha kɔ ɛnɛ. Ma, ɔ tɛ de mɛgi na, hazu ɔ ngoya nde, ɛnɛ azɔk deamɔ pɛ ɔ de nɛ pɛ ɛnɛ.

1 Timothée 4:12

Ka ma wi abhɛsiri mɛ hazu mɛ bhɔna ka nê pɔlɔmbɔ wi na. Ma, dea nde, wolamɔ pɛ mɛ, deamɔ pɛ mɛ, ngoy pɛ mɛ, mɛkaramɔ pɛ mɛ, nɛ saa sila pɛ mɛ, adung nê wekamɔ hazu hio wi fɛt ka mɛkiri Christ.

1 Timothée 5:10

Nɛ lɛma fin nde, hio wi akɛ wen dede tom pɛa mɛgɛ: A dungɔ ha pama hio bem pɛa nɛdedea, ha baa hio gɛnɛ nɛ dede kɔ, ha fala nanga hio wi pɛ Sɔ, ha gbakara hio wan-ngɔtɛ, nɛ ha gdea tɛ wa fɛt ha dea dedemɔ.

Tite 3:8

Wen ndɔng ka mi tɔa, yo nê tɛwen. Mi ngoya nde, mɛ aputiri yo swe fɛt ha wi ndɔng ka mɛkara Sɔ, tuka nde, mbwa agbɛngsi tɛ nɛkpasa ha dea dedemɔ. Ɛngi nɛ dedea, nɛ yo ha gbakara hio wi.

1 Pierre 5:3

Ka ɛnɛ aba tɛ ɛnɛ tuka wan hazu giliwi ka Christ gdea ha kɔ ɛnɛ, na. Ma, ɛnɛ osi mɔ ha mbwa nɛ wal dede deamɔ pɛ ɛnɛ.