Tite 2:13 - Takarata pɛ Sɔ Mbombe Mbon

¹³ Ɔ ade mɛgi keri nɛ swe totɛ ka ɔ gde tazu ɔ ang. Ha swea, Jésus-Christ, gasa Sɔ pɛ ɔ nɛ Wan-kpasisi ɔ, begbasi tɛ nɛ *lɛkɛ-lɛkɛmɔ pɛa.

Tite 2:13 ပူးပေါင်းရင်းမြစ်များ

Matthieu 16:27

Hazu mi, *Bewei pɛ Wi, betɛ hinɛ hio *telenge pɔm ha zang *lɛkɛ-lɛkɛmɔ pɛ Bafa mi. Nɛ mi bekɛ wi ndang ndang fɛt lɛm nɛ deamɔ pɛ mbwa.

Matthieu 25:31

«Ha ngimɔ ka mi, *Bewei pɛ wi, betɛ hinɛ hio nzɔy *telenge ha zang *lɛkɛ-lɛkɛmɔ pɔm, mi bedung ha zu lɛkɛ-lɛkɛ solowan pɔm.

Matthieu 26:64

Jésus kiforo wen ha wɛnɛ: «Ey, mɛ tɔa yo. Mi tɔ ha ɛnɛ fin nde, ɛnɛ bezɔk mi, *Bewei pɛ Wi, ha dungɔnu ha wekɔ Sɔ ka dung nɛ ngatɛ fɛt. Nɛ ɛnɛ bezɔk mi bin ha ngimɔ ka mi betɛ ha zu buswe.»

Marc 14:62

Jésus mɛkara yo: «Ey, yo nê mi! Nɛ ɛnɛ bezɔk mi, *Bewei pɛ Wi, ha dungɔnu ha wekɔ Sɔ ka dung nɛ ngatɛ fɛt. Nɛ ɛnɛ bezɔk mi bin ha ngimɔ ka mi betɛ ha zang buswe.»

Marc 8:38

Hio wi mɔ ngimɔ ɛngɛ bo nɛ mboazu na, nɛ mbwa nê *wan-de gdangamɔ. Ka mɛ de foy ha li mbwa hazu ling mi nɛ hazu wen pɔm, mɛgi mi, *Bewei pɛ Wi, mi bede foy fin hazu mɛ, ha ngimɔ ka mi betɛ hinɛ hio nzɔy *telenge ha zang *lɛkɛ-lɛkɛmɔ pɛ Bafa mi.»

Deamɔ 24:15

Mi gde tazu mi ha tɛ Sɔ gbesi tuka mbwa fin nde, hapata fio, wɛnɛ betunsi bin hio *nzeng wi nɛ hio *kalbho-kalbho wi fɛt.

Rome 15:13

Sɔ ka de nde, hio wi agde tazu mbwa ha tɛ wa, wɛnɛ adonsi sila ɛnɛ nɛ totɛ nɛ gaamɔ fɛt nɛ wal mɛkaramɔ, ka ɛnɛ mɛkiri nɛ wɛnɛ. Mɛgi, nɛ wal ngatɛ pɛ *Nzɔy-Sɔtɛ ɛnɛ bebhɔn ka ha gdea tazu ɛnɛ ha tɛ wa swe fɛt.

Rome 5:5

Ka ɔ gde tazu ɔ ha tɛ Sɔ, mɔa lɛm pen nɛ gbelea na. Hazu, Sɔ donsa sila ɔ nɛ ngoy pɛa nɛ wal *Nzɔy-Sɔtɛ ka wɛnɛ haa ha ɔ.

Rome 8:18

Mi ingɔ nde, yeksamɔ ka ɔ kpa ha ngimɔ ɛngɛ, yo tuka gbelemɔ, hazu yo lɛm may nɛ *lɛkɛ-lɛkɛmɔ ka Sɔ beha ɔ bin na.

1 Korente 1:7

Mɛgi, ma dedemɔ pɛ Sɔ kɔpi ɛnɛ ndang na, ɛnɛ ka keri ngimɔ ka *Kongawan pɛ ɔ, Jésus-Christ, begbasi tɛ wa.

2 Korente 4:4

*Satan, gdanga sɔ mɔ nzan ɛngɛ, bhunzoko takaramɔ pɛ hio *wan-kafi Sɔ. Mɛgi, mbwa lɛm zɔk yolo saamɔ pɛ Dede Wen na. Dede Wen ɛngɛ tɔ wen *lɛkɛ-lɛkɛmɔ pɛ Christ, ka dung nê kpasa zizi tɛ Sɔ.

2 Korente 4:6

Sɔ batɔ se: «Saamɔ aba ha zang tutum.» Nɛ yo nê wɛnɛ fin, ka dea nde, saamɔ aba ha zang sila ɔ. Mɛgi, a gbosasa li ɔ tuka nde, ɔ aing lɛkɛ-lɛkɛmɔ pɛa, ka ba ha zang li Christ.

Kolose 1:23

Tangere, dea nde, ɛnɛ abhɔn ka ha mɛkara Christ nɛ nɔa ngi-ngi-ngi, nɛ ɛnɛ azati ha gdea tazu ɛnɛ ha *Dede Wen ka ɛnɛ zea yo. Ɛ bulo yo dam nzan fɛt, nɛ mi, Paul, tɛ bo nê wan-tom pɛ Dede Wen ɛngɛ.

Kolose 1:27

Sɔ ngoya nde, mbwa aing lɛkɛ-lɛkɛ kpaamɔ ka wɛnɛ bhɔngara nɛ wuso hazu hio kandɔ fɛt. Kpaamɔa, yo nde, Christ ha dea le ha zang sila ɛnɛ. Yo nê ɛngi ka ɛnɛ lɛma gde tazu ɛnɛ ha tɛ wa nɛkpasa nde, wɛnɛ bekapini *lɛkɛ-lɛkɛmɔ pɛa hinɛ ɛnɛ.

Kolose 1:5

Ɛnɛ de mɛgi hazu ɛnɛ bhɔna ka ha gdea tazu ɛnɛ ha hio dedemɔ ka Sɔ bhɔngara gde ha ɛnɛ ha zang ngɔn, tuka ɛnɛ baze yo ha zang *Dede Wen ka dung nê tɛwen.

Kolose 3:4

Ey, tunɔ pɛ ɛnɛ, yo nê Christ. Mɛgi, ha ngimɔ ka wɛnɛ begbasi nɛ tɛ wa, ɛnɛ fin bedung hinɛ wɛnɛ ha zang *lɛkɛ-lɛkɛmɔ pɛa.

2 Tesalonike 2:16

Sɔ, Bafa ɔ ngoya ɔ, mɛgi nɛ wal *dede sila pɛa, wɛnɛ ha yɔkala ɔ kpoo, nɛ a haa dede *mɔgdetazu ha ɔ. Wɛnɛ hinɛ Kongawan pɛ ɔ, Jésus-Christ,

2 Tesalonike 2:8

Ha ngimɔ ɛngi Wan-kafi mbonga begbasi tɛ. Nɛ Kongawan Jésus begbɛ wɛnɛ nɛ bubu nu wa, nɛ a beyangili wɛnɛ nɛ yolo lɛkɛ-lɛkɛ gbasa tɛ pɛa.

1 Timothée 1:1

Yo nê mi, Paul, ha ngɛriki takarata ɛngɛ. Sɔ, *Wan-kpasisi ɔ, hinɛ Jésus-Christ, ka ɔ gde tazu ɔ ha tɛ wa, mbwa gdea mi *wan-nɛtom pɛ Jésus-Christ.

2 Timothée 1:2

Mi tomsi takarata ɛngɛ ha mɛ, Timothée, bem pɔm ka mi ngoya pentɛ. Sɔ, Bafa ɔ, hinɛ Jésus-Christ, *Kongawan pɛ ɔ, ade *dede sila ha tɛ mɛ, mbwa ade kobhe tɛ mɛ, nɛ mbwa aha mɛ gaamɔ.

2 Timothée 4:1

Ha ngimɔ ka Jésus-Christ bepe nɛ tuka *kongapora, a begɔn kita ha zu hio fiowi nɛ hio tunɔwi. Mɛgi, mi ha nu ha mɛ ha li Sɔ nɛ ha li Jésus-Christ nde,

2 Timothée 4:8

Mɔ sising, kɛamɔ pɛ wan-gan bulo ha kera mi hazu mi dea mɔ nzeng. Kongawan, nzeng wan-gɔn kita, beha mi kɛamɔ ɛngɛ ha swe ka wɛnɛ bepe nɛ. A lɛm ha yo sɔna ha mi gbatɛ na, ma, a beha yo fin ha hio wi ndɔng fɛt ka keri kiforo pɛa nɛ totɛ.

Tite 1:2

Mɛgi hio wi ndɔng begde tazu mbwa ha tɛ Sɔ nde, a beha mbwa *tunɔ kpoo. Gde ka Sɔ tɛ de ka nzan na, a bagɔn nu mɛ ha ɔ tunɔ kpoo. Nɛ Sɔ bo nê wan-tɔ dalo na.

Tite 1:4

Mi ngɛriki takarata ɛngɛ ha mɛ Tite, ka tɛa ngbak bem pɔm nɛ wal Jésus-Christ ka ɔ hinɛ mɛ mɛkara gbesi. Sɔ, Bafa ɔ, nɛ Jésus-Christ, Wan-kpasisi ɔ, mbwa ade *dede sila ha tɛ mɛ, nɛ mbwa aha gaamɔ ha mɛ.

Tite 3:4

Ma, Sɔ, *Wan-kpasisi ɔ, gbasa mɔ long nde, wɛnɛ ngoya hio wi, nɛ wɛnɛ ngoy de dedemɔ ha tɛ mbwa.

Hebro 9:28

Yo fin gbesi nɛ Christ. A fea ze ndang hireng tuka sadaka, hazu bisi nɛ sɛmbɔ pɛ hio dɔka wi. Ha zebwa tɛa pɛa, a begbasi tɛ bo hazu bisi sɛmbɔ pɛ wi na, ma, hazu kpasisi nɛ wi ndɔng ka keri wɛnɛ.

1 Pierre 1:3

Ɔ alukisi Sɔ, Bafa mɛ *Kongawan pɛ ɔ, Jésus-Christ! A bhɛa ɔ nɛ mbombea nɛ wal kpasa *dede sila pɛa. A guo Jésus-Christ ha soko hio fiowi. Mɛgi, ɔ gde tazu ɔ nde, ɔ betun fin hinɛ wɛnɛ.

1 Pierre 1:7

Ngase ka gbɛbolo bepen bin, hio wi ha wea yo ha zang we. Mɛkaramɔ pɛ ɛnɛ nɛ lɔkaa pen gbɛbolo. Yo nê ɛngi, ka mɔ ndɔng ha wea yo hazu zɔk nde, mana ɛnɛ mɛkara Sɔ nɛkpasa. Ka Sɔ kpa nde, ɛnɛ mɛkara wɛnɛ nɛkpasa, a beha ɛnɛ lukosomɔ, *lɛkɛ-lɛkɛmɔ, nɛ kongamɔ ha swe ka Jésus-Christ begbasi tɛ wa long.

2 Pierre 1:1

Yo nê mi, Simon-Pierre, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ fin *wan-nɛtom pɛa. Sɔ pɛ ɔ, nɛ *Wan-kpasisi ɔ, Jésus-Christ nɛ nzeng. Yo nê hazu ɛngi, ka ɔ hinɛ ɛnɛ fɛt gbesi, kpaa dede wal mɛ mɛkiri wɛnɛ.

2 Pierre 3:18

Ma, ɛnɛ bhɔn ha kpɔatɛ ha zang *dede sila pɛ Jésus-Christ, Kongawan pɛ ɔ nɛ Wan-kpasisi ɔ. Nɛ ɛnɛ bhɔn fin ha ingɔ wɛnɛ pen mɔ sɔngsi. *Lɛkɛ-lɛkɛmɔ ha kɔ wa sising, kpoo nɛ kpoo! Amen.

1 Jean 4:14

Pɛ ɔ, ɔ zɔka nɛ tɛ gbali ɔ nde, Sɔ, Bafa tomsa Bewei pɛa mɛ dung *wan-kpasisi hio wi mɔ nzan. Nɛ sising ɔ ha kɛa wena.

Jude 1:21

Nɛ ɛnɛ adung nɛ nɔa nging ha zang ngoy ka Sɔ ngoya nɛ ɛnɛ, keri nɛ ngimɔ ka Kongawan pɛ ɔ, Jésus-Christ, beha *tunɔ kpoo ha ɛnɛ nɛ wal dea kobhe tɛ ɛnɛ.

Gbasamɔ 1:7

Ɛnɛ zɔk, a betɛ ha zu buswe, nɛ wi fɛt bezɔk wɛnɛ, ngase wi ndɔng ka batok tɛ wa. Nɛ hio kandɔ mɔ nu fɛt gbi behe kwa hazu wa. Ey, mɔ behɔ mɛgi! Amen.