Tite 2:12 - Takarata pɛ Sɔ Mbombe Mbon

¹² Nɛ wal dede sila pɛa, Sɔ osi mɔ ha ɔ nde, ɔ alak gdanga deamɔ nɛ hio wɔ mɔ nzan gde. Ha nzan ɛngɛ sising, lɛma nde, ɔ aba zu ha deamɔ pɛ ɔ, nɛ ɔ ade mɔ nzeng nɛ mboazu ha li Sɔ.

Tite 2:12 ပူးပေါင်းရင်းမြစ်များ

Matthieu 12:32

Nɛ ka ma wi tɔ gdanga wen sungiri mi, *Bewei pɛ Wi, Sɔ lɛma ha *tiso ha wɛnɛ. Ma, ka ma wi tɔ gdanga wen sungiri Nzɔy-Sɔtɛ, Sɔ lɛm ha tiso ha wɛnɛ na. Ngase ha nzan ɛngɛ, ngase ha mbombe nzan ka betɛ.»

Matthieu 16:24

Nɛ Jésus tɔa ha hio *wan-yambimɔ pɛa: «Ka ma wi ngoy mɛ ndari mi, lɛma nde, wɛnɛ akafi wɔ mɔ nzan fɛt, wɛnɛ agu getakate pɛa gde ha zu bhaka wa, nɛ wɛnɛ andari mi.

Matthieu 28:20

Nɛ ɛnɛ osi ha mbwa wal mɛ pam hio mɔ fɛt ka mi haa nua ha ɛnɛ. Nɛ ɛnɛ aing nde, mi dung hinɛ ɛnɛ swe fɛt tee, hɔ ha kpogio nzan.»

Dede Wen hazu Jésus-Christ ka Luc ngɛraka 1:6

Mbwa bwa fɛt dungɔ nzeng ha li *Kongawan Sɔ. Nɛ mbwa dea mɔ fɛt lɛm nɛ *mbonga nɛ mbɔla pɛ Sɔ.

Dede Wen hazu Jésus-Christ ka Luc ngɛraka 1:75

Mɛgi ɔ bedung nɛ nzɔya ha li Kongawan Sɔ. Nɛ ɔ bede hio nzeng mɔ, ka wɛnɛ ngoya kpoo nɛ kpoo.

Jean 14:30

Mi lɛm fin wolmɔ hinɛ ɛnɛ nɛting na, hazu wan-le nzan ha tɛa. Wɛnɛ bo nɛ ma ngaya mɛ gan zu mi ndang na.

Jean 6:25

Hio giliwi kpaa Jésus ha kuli tɔ, nɛ mbwa ana wɛnɛ: «Wan-osimɔ, mɛ hɔa hakɛ ha nge ngimɔ ge nde?»

Deamɔ 24:16

Yo nê ɛngi, ka mi gbɛngsi tɛ mi hazu pam sila mi swe fɛt nɛ saa ha li Sɔ nɛ ha li hio wi.

Deamɔ 24:25

Ma, ka Paul ha tɔa wen dea mɔ nzeng, wen gana zu tili wɔ mɔ fɛt, nɛ wen kita pɛ Sɔ ka betɛ, ke baa Félix nɛ a tɔa: «Sising, mɛ kifiri si ha twa zɔbhɔ. Mi besa mɛ fin, ka mi kpa dede ngimɔ.»

Rome 12:2

Ka ɛnɛ azɔk nɛ ndɔki deamɔ pɛ wi mɔ nzan hazu de nɛ pɛ ɛnɛ na. Ma, ɛnɛ gde Sɔ aha ɛnɛ mbombe ndɔki takaramɔ hazu kpali ɛnɛ nɛ mbombe wi. Ka ɛnɛ de mɛgi, ɛnɛ being gbaa soko mɔ ka Sɔ ngoy. Wɛnɛ ngoy mɔ ka dung nɛ dedea, ka ha totɛ ha wɛnɛ, nɛ ka lɛm wɛɛ.

Rome 6:12

Ɛnɛ agdɔki wal ha gdangamɔ mɛ gan zu kilitɛ ɛnɛ ka befe bin, yu nde, ɛnɛ betɛ de mɔ tuka wɔ kilitɛ ɛnɛ ngoya.

Rome 6:19

Mi ku wen tom bala tɔ nɛ wen pɔm tuka nde, ɛnɛ aze zanga nɛhasa. Sɔngsi ɛnɛ bagde hio gbakɔtɛ ɛnɛ tuka bala hazu de nɛ mɔ nzing nɛ tili kpandele nɛtɛ-nɛtɛ. Ma, sising dea nde, ɛnɛ agde hio gbakɔtɛ ɛnɛ fɛt tuka bala ha kɔ Sɔ hazu de nɛ nzengmɔ tuka nde, ɛnɛ atɛ nê hio nzɔy wi pɛa.

Rome 8:13

Ka ɛnɛ de mɔ nɛ tɛ ɛnɛ, ɛnɛ befe. Ma, ka ɛnɛ gbɛ hio gdanga ndɔkitɛ ɛnɛ nɛ wal ngatɛ pɛ Nzɔy-Sɔtɛ, ɛnɛ bedung nɛ zutunɔ.

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Galasi 1:4

Tuka Sɔ, Bafa ɔ, ngoya, Christ fea gɔn zu hio *sɛmbɔ pɛ ɔ, hazu gbosisi ɔ ha gdanga nzan ɛngɛ mɔ sising yunɛ.

Galasi 5:24

Hio wi pɛ Jésus-Christ gbɛa hio gdanga hɛl ndɔkitɛ mbwa fɛt ha getakate.

Efeze 1:4

Sɔngsi bhee gde ka Sɔ tɛ de ka nzan na, a weka ɔ nɛ wal ngoy pɛa tuka nde, ɔ adung nê hio wi pɛa nɛ wal dea sɔy hinɛ Christ, nɛ fin nde, ɔ adung nɛ nzɔya nɛ ma wen bo ha zu ɔ ha li wa na.

Efeze 2:2

Ɛnɛ dungɔ ha dea mɔ gbesi tuka wi mɔ nzan ɛngɛ. Ɛnɛ dungɔ ha zea nu *Satan, wan hazu hio gdanga sɔtɛ ka dung ha soko ngɔn nɛ nu, sɔtɛ ɛngɛ ka de tom ha tɛ wi ndɔng ka ze nu Sɔ na.

Kolose 1:22

Ma, sising nɛ wal Bewei pɛa ka yola tɛ wi nɛ ka fea, Sɔ bhɔngara soko ɛnɛ hinɛ wɛnɛ hazu gde ɛnɛ ha li wa nɛ nzɔya, nɛ saa, nɛ wen bo ha zu ɛnɛ na.

1 Tesalonike 4:7

Hazu Sɔ tɛ sa ɔ nde, ka ɔ ade hio mɔ nzing na. Ma, a saa ɔ nde, ka ɔ ade mɔ nɛ nzɔya.

1 Tesalonike 4:9

Ɔ lɛm ngɛriki fin ha ɛnɛ ma wen hazu ngoy ha soko hio ya ha Christ na. Hazu ɛnɛ nɛ pɛ ɛnɛ tɛ yamba ha kɔ Sɔ wal mɛ ngoy may kari.

1 Timothée 4:12

Ka ma wi abhɛsiri mɛ hazu mɛ bhɔna ka nê pɔlɔmbɔ wi na. Ma, dea nde, wolamɔ pɛ mɛ, deamɔ pɛ mɛ, ngoy pɛ mɛ, mɛkaramɔ pɛ mɛ, nɛ saa sila pɛ mɛ, adung nê wekamɔ hazu hio wi fɛt ka mɛkiri Christ.

1 Timothée 6:17

Mɛ ha nu ha hio wan-kpamɔ ha zang nzan ɛngɛ nde, ka mbwa asutɛ na, nɛ ka mbwa agde tazu mbwa ha kpaamɔ ɛngɛ ka bepen na. Ma, lɛma nde, mbwa agde tazu mbwa ha tɛ Sɔ ka ha ɔ yɛbhɛ-yɛbhɛ mɔ fɛt nde, ka ɔ adung nɛ totɛ.

1 Timothée 6:9

Ma, wi ndɔng ka ngoy kpaamɔ nɛdɔka, kpaamɔ ɛngɛ besɛbhili mbwa, nɛ mbwa betek ha wal mɔ Sɔ. Hɛl dɔka tum mɔ nɛ gdangamɔ baa mbwa tuka pɔndɔ. Hio mɔ ndɔng ha gdangsa wi gde ha bhonda.

2 Timothée 3:12

Ey, hio wi benamili ɛ ndɔng fɛt ka ngoy dung nɛ mboazu ha li Sɔ nɛ wal dea sɔy hinɛ Jésus-Christ.

2 Timothée 4:10

Hazu Demas laka mi gde hazu a gdea sila wa ha mɔ nzan ɛngɛ. A pena si ha le Tesalonike. Kresan nɛa pɛa ha kandɔnu Galasi, nɛ Tite pena pɛa nɛ ha kandɔnu Dalmasi.

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

Hebro 8:11

Ma wi ndang ha soko mbwa lɛm mɛ osi mɔ ha ma wa mana ha ya wa nde, wɛnɛ aing Kongawan, na. Hazu, mbwa fɛt being mi, angiri ha bebe wi hɔ ha gasaa.

Jacques 1:27

Wi ka ngoy de kpasa nɛ nzeng tom ha li Sɔ, Bafa ɔ, lɛma nde, wɛnɛ apam hio begula nɛ hio nagula ha zang yeksamɔ, nɛ wɛnɛ akafi mɛ de hio gdangamɔ pɛ nzan.

2 Pierre 2:9

Hio mɔ ndɔng osi nde, Sɔ ingɔ wal mɛ kpasisi ha zang yeksamɔ hio wi ka dung nɛ mboazu ha li wa. Nɛ a ingɔ fin mɛ pam hio kalbho-kalbho wi keri nɛ swe kita ka wɛnɛ bendulsi mbwa ang.

2 Pierre 3:11

Tuka hio mɔ fɛt bepen nɛ wal mɛgi, dea nde, deamɔ pɛ ɛnɛ adung nɛ nzɔya, nɛ ɛnɛ adung nɛ mboazu ha wal mɔ Sɔ.

1 Jean 2:27

Pɛ ɛnɛ, Christ haa ɛnɛ Nzɔy-Sɔtɛ ka de le ha zang sila ɛnɛ. Mɛgi, ɛnɛ lɛm ki fin ma wan-osimɔ na, hazu Nzɔy-Sɔtɛ ha osamɔ fɛt ha ɛnɛ. Nɛ hio mɔ ndɔng ka wɛnɛ osi ha ɛnɛ, yo nê tɛwen, dalo bo ang na. Mɛgi, ɛnɛ abhɔn ha dea sɔy hinɛ Jésus-Christ tuka ka Nzɔy-Sɔtɛ ha osa ha ɛnɛ.

1 Jean 2:6

Wi ka tɔ nde, wɛnɛ ha dea sɔy hinɛ Sɔ, lɛma nde, deamɔ pɛa adung gbesi tuka deamɔ pɛ Jésus-Christ.

1 Jean 5:19

Ɔ ingɔ nde, ɔ nê hio wi pɛ Sɔ, ma, nzan fɛt dung ha si ziomɔ pɛ gdanga sɔ.

Jude 1:18

Mbwa batɔ ha ɛnɛ nde, ha kpogio ngimɔ, hio ma wi ka ing Sɔ na, bemam ɛnɛ, nɛ mbwa bede gdangamɔ tuka sila mbwa ngoya.

Gbasamɔ 14:12

Yo nê ɛngi, lɛma nde, hio wi pɛ Sɔ adung nɛ yikosila, mbwa fɛt ka pam hio wen *mbonga pɛa, nɛ ka mɛkiri Jésus nɛ mboazu.