Tite 1:3 - Takarata pɛ Sɔ Mbombe Mbon

³ Ka ngimɔ ka wɛnɛ baweki lɛma, a gbasa wen pɛa long. Nɛ Sɔ, *Wan-kpasisi ɔ, haa mi tom bul wen ɛngɛ.

Tite 1:3 ပူးပေါင်းရင်းမြစ်များ

Marc 1:15

a tɔa: «Ngimɔ lɛma kari. *Kongakandɔ pɛ Sɔ tɛ bo sanga nɛ ɛnɛ. Ɛnɛ kifiri sila nɛ ɛnɛ mɛkiri Dede Wen pɛ Sɔ.»

Marc 13:10

Ma, lɛma nde, hio wi pɔm abul *Dede Wen ha hio wi mɔ nzan fɛt ing, ki kpogio ngimɔ tɛ hɔ.

Marc 16:15

Nɛ wɛnɛ tɔa ha mbwa fin: «Ɛnɛ nɛ ha nzan fɛt, nɛ bul *Dede Wen ha hio wi fɛt.

Dede Wen hazu Jésus-Christ ka Luc ngɛraka 1:47

Sila mi de totɛ ha Sɔ, ka dung *wan-kpasisi mi.

Deamɔ 10:36

Sɔ tomsa *Dede Wen ha hio wi mɔ *Israel nde, ɔ lɛma kpa gaamɔ ha soko ɔ hinɛ wɛnɛ nɛ wal Jésus-Christ, ka dung nê *Kongawan pɛ hio wi fɛt.

Deamɔ 17:26

Sɔ dea ma wi ndang, nɛ hio kandɔ ndang ndang ka de le ha zu nu fɛt nê bezang pɛa. Sɔ gɔna ngimɔ ha mbwa, nɛ a gbaa lingia le pɛ mbwa.

Rome 15:19

nɛ wal hio *mɔweka nɛ hio *mɔbhana, nɛ wal ngatɛ pɛ Nzɔy-Sɔtɛ. Yo nê tuka ɛngi, ka mi dungɔ ha bulo Dede Wen tɛ Jésus-Christ fɛt nɛnɛ, angiri ha Jérusalem hɔ ha kandɔnu Iliri.

Rome 16:25

Ɔ lukisi Sɔ! A lɛma mɛ ngasisi ɛnɛ ha wal pɛa lɛm nɛ *Dede Wen ka mi bul wena. Dede Wen ɛngɛ tɔ wen tɛ Jésus-Christ, nɛ yo gbasi wen mɔ ka Sɔ babhɔngiri se. A bawusi yo sɔngsi bhee,

Rome 16:26

ma, sising, a gdea yo ha saamɔ nɛ wal takarata pɛ hio *wan-tɔkuliwen. Sɔ, Wan-kpo, baha nu mɛ gbasi yo ha hio kandɔ fɛt tuka nde, mbwa amɛkiri wɛnɛ nɛ ze nu wa.

Rome 5:6

Sɔngsi, ha ngimɔ ka ɔ tɛ kpa ka ngatɛ na, Christ tɛa tɛ fe gɔn zu ɔ, hio *wan-de gdangamɔ, ha ngimɔ ka Sɔ baweki.

1 Korente 9:17

Ka bo se nde, mi nɛ pɔm tɛ aweki mɛ de tom ɛngɛ, ki mi lɛma mɛ kpa mɔ-kɛ mi. Ma, yo bo nê mi ha weki mɛ de toma na. Mi de kanɛ tom ka Sɔ gdea ha kɔ mi.

Galasi 4:4

Ma, ka ngimɔ ka Sɔ baweki lɛma kari, a tomsa Bewei pɛa. Bhoko bhɛa wɛnɛ, nɛ a dungɔ ha si *mbonga pɛ Moïse.

Efeze 1:10

Mɔ ɛngɛ ka Sɔ belɛmsiri ha dede ngimɔ, yo nde, a bewesiri hio mɔ ha zang ngɔn nɛ zu nu fɛt gde ha kɔ Christ nde, wɛnɛ adung wan hazua.

Efeze 2:17

Christ tɛa ha nzan ha tɔa *Dede Wen ha ɛnɛ ka badung nɛ yɛa nɛ Sɔ, nɛ ha hio zuife ka dung sanga nɛ Sɔ nde, a gdea gaamɔ ha soko ɔ kari.

Filipe 1:13

Yo nê ɛngi, ka hio nasara pam twa pɛ gɔfɔrma nɛ hio mbing wi fɛt ingɔ nde, mi ha twa zɔbhɔ hazu mi nê wan-tom pɛ Christ.

Kolose 1:23

Tangere, dea nde, ɛnɛ abhɔn ka ha mɛkara Christ nɛ nɔa ngi-ngi-ngi, nɛ ɛnɛ azati ha gdea tazu ɛnɛ ha *Dede Wen ka ɛnɛ zea yo. Ɛ bulo yo dam nzan fɛt, nɛ mi, Paul, tɛ bo nê wan-tom pɛ Dede Wen ɛngɛ.

Kolose 1:6

Dede Wen ka hɔa ha pɛ ɛnɛ, ha yambala dam zu nzan fɛt, nɛ yo ha waya nɛ dede waya ha bhandi fɛt. Yo ha dea fin gbesi ha soko ɛnɛ, angiri ha bosi ngimɔ ka ɛnɛ zea wena, nɛ ka ɛnɛ ingɔ tɛwen nde, Sɔ ha dea *dede sila ha tɛ hio wi.

1 Tesalonike 2:4

Hazu Sɔ wea ɔ nɛ a kpaa nde, ɔ lɛma ha li wa ka wɛnɛ agde tom bulo Dede Wen ha kɔ ɔ. Mɛgi ɔ ha wolamɔ bo hazu ha totɛ ha wi na, ma, hazu ha totɛ ha Sɔ ka we takaramɔ sila pɛ ɔ.

1 Timothée 1:1

Yo nê mi, Paul, ha ngɛriki takarata ɛngɛ. Sɔ, *Wan-kpasisi ɔ, hinɛ Jésus-Christ, ka ɔ gde tazu ɔ ha tɛ wa, mbwa gdea mi *wan-nɛtom pɛ Jésus-Christ.

1 Timothée 1:11

Kpasa osamɔ ɛngɛ, yo tɛ nɛ wal lɛkɛ-lɛkɛ *Dede Wen, ka Sɔ ka dung nɛ totɛ fɛt, gdea ha kɔ mi.

1 Timothée 2:3

Deamɔ mɛgi nɛ dedea, nɛ yo ha totɛ ha Sɔ, *Wan-kpasisi ɔ,

1 Timothée 4:10

Ey, ɔ ha gbɛngsa tɛ nɛ ɔ ha bio bulo, hazu ɔ gdea tazu ɔ ha tɛ tunɔ Sɔ, ka dung nê *wan-kpasisi hio wi fɛt, pen mɔ fɛt, wan-kpasisi hio wi ndɔng ka mɛkara wɛnɛ.

2 Timothée 4:17

Ma, Kongawan lea gdong mi, nɛ a haa mi ngatɛ. Mɛgi, mi kpaa wal mɛ bul *Dede Wen lɛm fɛt, nɛ hio kandɔ fɛt zea yo. Ey, Kongawan gbosasa mi ha nu gbabio yunɛ.

Tite 2:10

Ka mbwa azu mɔ na. Ma, mbwa agbasi tɛ mbwa nɛ dedea nɛ mboazu tuka nde, hio wi alukisi osamɔ hazu Sɔ, *wan-kpasisi ɔ.

Tite 2:13

Ɔ ade mɛgi keri nɛ swe totɛ ka ɔ gde tazu ɔ ang. Ha swea, Jésus-Christ, gasa Sɔ pɛ ɔ nɛ Wan-kpasisi ɔ, begbasi tɛ nɛ *lɛkɛ-lɛkɛmɔ pɛa.

Gbasamɔ 14:16

Mɛgi, wɛnɛ ka dungɔnu ha zu buswe, gɔna kpalmɔ ha zu nu nɛ pa pɛa, nɛ a wesara kpalmɔ mɔ zu nu fɛt.