Tite 1:16 - Takarata pɛ Sɔ Mbombe Mbon

¹⁶ Mbwa ha tɔa nde, mbwa ingɔ Sɔ. Ma, deamɔ pɛ mbwa osi nde, mbwa kafa Sɔ kari. Mbwa dung tuka mɔ nyɛl, mbwa nê wan-nga zala, nɛ mbwa lɛm de ma dedemɔ ndang na.

Tite 1:16 ပူးပေါင်းရင်းမြစ်များ

Rome 1:28

Nɛ tuka ka mbwa kafa ingɔ tɛwen hazu Sɔ, Sɔ gdea mbwa ha zang kalbho-kalbho takaramɔ pɛ mbwa. Mɛgi, mbwa ha dea hio mɔ foy nɛnɛ.

Efeze 5:6

Hio ma wi ha tɔa hio tum wen nde, ɛnɛ ade hio gdangamɔ ndɔng ki. Ka mbwa aosili ɛnɛ na! Yo nê hazu tili gdangamɔ ndɔng ka Sɔ de ngambi sungiri nɛ wi ndɔng ka ze nu wa na.

1 Timothée 1:9

Ɔ aing nde, Sɔ tɛ bhɔngiri mbonga hazu *nzeng wi na. Ma, a bhɔngara yo hazu hio wan-de kpandele, wan-ngazu, *wan-kafi Sɔ, *wan-de gdangamɔ, wan-sɛn Sɔ nɛ nzɔy mɔ, nagbɛ gdibafa nɛ gdinana, nagbɛwi,

1 Timothée 5:8

Ka ma wi pam hio nam pɛa nɛdedea na, pen fɛt, ka wɛnɛ pam hio wi mɔ twa pɛa nɛdedea na, wɛnɛ kafa mɛkara Christ kari. Nɛ wɛnɛ tɛ bo nɛ gdangaa pen wi ɛngɛ ka tɛ mɛkiri Christ swe ndang na.

2 Timothée 3:17

Mɛgi takarata pɛ Sɔ de nde, wi pɛ Sɔ alɛm wɛɛ, nɛ akpa ngatɛ hazu de nɛ hio tili dede tom fɛt.

Tite 3:1

Mɛ gba tazu hio wi pɛ Christ nde, mbwa agde tɛ mbwa ha si hio wan-le nɛ hio nasara. Lɛma nde, mbwa aze nu mbwa, nɛ mbwa adung sanga ha dea dedemɔ kpoo.

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

1 Jean 2:4

Wi ka tɔ nde, a ingɔ Sɔ, ma, a pam hio mbonga pɛ Sɔ na, wɛnɛ nê wan-tɔ dalo, nɛ tɛwen bo ang ha tɛ wa na.

Jude 1:4

Mi tɔ mɛgi hazu hio ma wi ka tɛ mɛkiri Sɔ na, lea ha soko ɛnɛ nɛ wuso. Mbwa ha kio wal mɛ tukili wen *dede sila ka Sɔ ha dea ha tɛ ɔ. Mbwa tɔ nde, ka ɔ de mɔ nɛ tum, yo de ma mɔ ndang na, hazu Sɔ ha dea dede sila ha tɛ ɔ swe fɛt. Nɛ wal deamɔ mɛgi, mbwa kafa Jésus-Christ ka dung nê ndanga wan-osimɔ nɛ ndanga *Kongawan pɛ ɔ. Sɔ weka wal ka wɛnɛ begɔn kita ba nɛ hio wi ndɔng sɔngsi bhee kari.

Gbasamɔ 21:27

Ma, ma mɔ nzing ndang lɛm le ha zang lea na, hio wan-de mɔ nyɛl nɛ hio wan-tɔ dalo lɛm le ang na. Yo sɔna nê hio wi ndɔng ka Sɔ ngɛraka ling mbwa ha Takarata Tunɔ pɛ Besami ha bele ang.

Gbasamɔ 21:8

Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»