Tite 1:15 - Takarata pɛ Sɔ Mbombe Mbon

¹⁵ Ka sila hio ma wi nɛ saa ha li Sɔ, mɔ fɛt nɛ saa ha wal pɛ mbwa. Ma, pɛ wi ndɔng ka sila mbwa nɛ nzing, nɛ ka tɛ mɛkiri Sɔ na, ma mɔ ndang bo nɛ saa ha wal pɛ mbwa na. Hazu, takaramɔ pɛ mbwa nɛ ingɔmɔ sila pɛ mbwa nɛ nzing ha li Sɔ.

Tite 1:15 ပူးပေါင်းရင်းမြစ်များ

Matthieu 15:18

Ma, mɔ ka gbo ha nu wi, yo gutɛ ha sila wa. Ɛngɛ nê mɔ ka de nzing ha tɛ wi ha li Sɔ.

Deamɔ 10:15

Gɛl ɛngɛ wolamɔ mɔ zebwa ha wɛnɛ nɛ tɔa: «Mɔ ka Sɔ sasasa kari, ka mɛ azɔk yo tuka mɔ nzing fin na!»

Rome 14:14

Nɛ wal sɔy ka mi de hinɛ *Kongawan Jésus, mi ingɔ nɛdedea fɛt nde, yɔngamɔ ndang bo nɛ nzing ha li Sɔ na. Ma, ka ma wi takiri pɛa nde, ma tili yɔngamɔ nɛ nzing ha li Sɔ, yɔngamɔ ɛngɛ tɛ bo nɛ nzing ha li wia.

Rome 14:20

Ka mɛ agdangsi tom pɛ Sɔ ha wen yɔngamɔ na. Kpasawen, ma yɔngamɔ ka de nde, wi adung nɛ nzing ha li Sɔ ndang bona. Ma, yo nɛ gdangaa mɛ yɔng ma mɔ, ka teksi ma wi ha wal mɔ Sɔ.

Rome 14:23

Ma, ka ma wi yɔng ma tili yɔngamɔ nɛ takaratɛ, Sɔ begɔn kita ba nɛ wɛnɛ hazu a dea mɔ ka tɛ lɛm nɛ mɛkaramɔ pɛa na. Hio mɔ fɛt ka ma wi de, nɛ ka lɛm nɛ mɛkaramɔ pɛa na, yo nê gdangamɔ.

1 Korente 10:23

Hio ma wi ha tɔa: «Mi lɛma mɛ de mɔ fɛt tuka mi ngoya.» Ma, yo bo nê mɔ fɛt ka de dedemɔ ha tɛ wi na. Mi lɛma mɛ de mɔ fɛt, ma, yo bo nê mɔ fɛt ka gbakiri *giliwi mɔ eglize na.

1 Korente 10:25

Ɛnɛ lɛma mɛ yɔng hio sari fɛt ka hio wi gdongi ha zando. Ka ɛnɛ a-ani nde, mana ɛ haa yo nɛ sadaka ha gbele sɔ, na. Mɛgi ingɔmɔ sila pɛ ɛnɛ bedung nɛ gaa.

1 Korente 10:31

Mɛgi, ka ɛnɛ yɔng ma mɔ, mana ɛnɛ nɔ ma mɔ, mana ɛnɛ de ma mɔ, lɛma nde, deamɔ pɛ ɛnɛ fɛt alukisi Sɔ.

1 Korente 8:7

Ma, yo bo nê hio wi pɛ Christ fɛt ka ing mɔ mɛgi na. Hio ma bhɔna ha takara mɔ lɛm nɛ mɔa ndɔkitɛ mbwa. Ka mbwa yɔng sari ka hio wi haa nɛ sadaka, mbwa takiri nde, mbwa tɛ bo nɛ nzing ha li Sɔ. Nɛ ingɔmɔ sila pɛ mbwa, ka dung nɛ mɔka ha wal mɔ Sɔ, ha ngɔtɛ ha mbwa.

1 Timothée 6:5

ha zanga wen ndɛng-ndɛng hinɛ hio wi ka takiri mɔ nɛ gdanga, nɛ ka ing fin tɛwen na. Mbwa takiri pɛ mbwa nde, dea tom Sɔ, yo nê wal mɛ tɛ wan-kpamɔ.

Hebro 10:22

Wɛnɛ sasasa sila ɔ kari, ingɔmɔ sila pɛ ɔ bo fin nɛ nzing na, nɛ a zosa tɛ ɔ nɛ ngɛnza li. Hazu ɛngi, ɔ tiki nɛ hapɛtɛ Sɔ nɛ kpasa sila, ka dona don nɛ mɛkaramɔ.

Hebro 12:15

Ɛnɛ pangay yu nde, ma wi betɛ kɔpi *dede sila ka Sɔ de ha tɛ hio wi. Nɛ ɛnɛ pangay fin yu nde, ma wi ha soko ɛnɛ betɛ dung tuka panga te, ka kpɔtɛ nɛ bhunziki sila hio dɔka wi nɛ wal gdanga yina pɛa.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.