Tite 1:12 - Takarata pɛ Sɔ Mbombe Mbon

¹² Yo nê ma wi pɛ mbwa, ma *wan-tɔkuliwen mɔ kisi Krete, ka batɔ se: «Hio wi mɔ Krete nê hio wan-tɔ dalo, hio gdanga sari bɛlɛ, hio wan-pɔsa ka zɔk sɔna nɛ zang mbwa.»

Tite 1:12 ပူးပေါင်းရင်းမြစ်များ

Deamɔ 17:28

Hazu nɛ wal wɛnɛ, ɔ dung nɛ tunɔ, ɔ fesi tɛ ɔ, nɛ ɔ ang. Gbesi tuka ka hio ma wan-ngɛriki gima pɛ ɛnɛ batɔ: ‹Ɔ fin nê hio bem pɛa.›

Deamɔ 2:11

nɛ hio ma mɔ kisi Krete nɛ kandɔnu Arabi. Ha soko ɔ, hio ma nê tɛ zuife, hio ma nê wi ka kiforo sila hazu mɛkiri Sɔ pɛ hio zuife. Ngase ɛngi, ɔ ha zea mbwa nɛ hio nu le pɛ ɔ fɛt ha bulo wen gasa mɔ ka Sɔ dea.»

Deamɔ 27:12

Nukolo ɛngɛ bo nɛ dedea mɛ dung ang ha ngimɔ gangmɔ na. Mɛgi, sulo ɔ mɛkara nde, ɔ akimbili mɛ hɔ ha Fenize, ma nukolo mɔ kisi Krete, ka dung long ha wal gare ɔnu swe nɛ ha wal wekɔ ɔnu swe sɔna. Yo osi nde, nukolo ɛngi nɛdedea mɛ dung ang ha ngimɔ gangmɔ.

Deamɔ 27:13

Bebe bok guotɛ ha wal gdɔk, nɛ wi fɛt takara nde, mbwa bepen gele. Mɛgi, mbwa guo mɔ-yolsi kuga gde ha zang kuga. Mbwa angara nɛa, ma, mbwa baa nɛ nu ngindi kisi Krete nɛnɛ.

Deamɔ 27:7

Ɔ dea dɔka yala ha li li ha nɛa nɛhɔn-nɛhɔn ha zang yeksamɔ. Ka ɔ hɔa sanga nɛ le Kinide, bok yuo nɛngaya sungiri nɛ ɔ. Mɛgi, ɔ sɔsa pen nɛ wal Salmone, ma bhandi mɔ kisi Krete.

Rome 16:18

hazu hio tili wi mɛgi de tom ha Christ, *Kongawan pɛ ɔ, na. Ma, mbwa de nɛ tom zang mbwa. Nɛ wal yefa wen nɛ dede gɛl mbwa, mbwa ha osala hio wi ndɔng ka li mbwa bha na.

Filipe 3:19

Sɔ bebhondisi mbwa ha kpogio ngimɔ. Zang mbwa tɛ bo nê sɔ pɛ mbwa, mbwa ha suotɛ hazu deamɔ foy pɛ mbwa, nɛ mbwa takiri mɔ sɔna ha zu hio mɔ nzan.

1 Timothée 4:2

Mbwa bede mɛgi hazu dambari pɛ hio wan-tɔ dalo beosili mbwa. Ingɔmɔ sila pɛ hio wan-tɔ dalo ndɔng fea kari tuka mɔ ka bea we.

Tite 1:5

Mi gdea mɛ haki ha kisi Krete hazu nde, mɛ alɛmsiri hio olo tom ka mi tɛ karsi na, nɛ nde, mɛ aweki hio ma kotowi mɔ eglize ha hio le ndang ndang fɛt gbesi tuka mi baosi yo ha mɛ.

2 Pierre 2:12

Ma, hio wi ndɔng de mɔ nɛ wal multɛ tuka hio sari bɛlɛ, ka ɛ bhɛ mbwa nde, hio wi aba mbwa gbɛ. Mbwa ha fɛngsa hio mɔ ka mbwa ing na. Sɔ bebhondisi mbwa tuka hio sari bɛlɛ.

2 Pierre 2:15

Mbwa yɔamɔ lak nzeng wal pɛ Sɔ gde. Mbwa tɛ bo ha ndara wal pɛ Balaam, bewei pɛ Bosor, ka ngoya mɛ kpa mbɔli nɛ wal dea gdangamɔ.