Rome 9:5 - Takarata pɛ Sɔ Mbombe Mbon

⁵ Hio ngbabafa mbwa badung nê hio gasa wi. Nɛ wal ndɔki bhɛ, Christ fin nê kandɔ pɛ mbwa. Wɛnɛ nê Sɔ ka dung nê wan hazu mɔ fɛt. Lukosomɔ nê pɛa kpoo nɛ kpoo. Amen!

Rome 9:5 ပူးပေါင်းရင်းမြစ်များ

Matthieu 28:20

Nɛ ɛnɛ osi ha mbwa wal mɛ pam hio mɔ fɛt ka mi haa nua ha ɛnɛ. Nɛ ɛnɛ aing nde, mi dung hinɛ ɛnɛ swe fɛt tee, hɔ ha kpogio nzan.»

Matthieu 6:13

Lesisi ɔ ha *sɛbhalamɔ na, ma, kpasisi ɔ gbo ha gdangamɔ. [Hazu kongakandɔ, nɛ ziomɔ, nɛ *lɛkɛ-lɛkɛmɔ dung ha kɔ mɛ kpoo. Amen.]›

Dede Wen hazu Jésus-Christ ka Luc ngɛraka 20:44

Mɛgi, ka David saa Mesi nde, Kongawan, Mesi bedung fin nê bezang pɛ David mɛng?»

Jean 10:30

Mi hinɛ Bafa mi, ɔ nê wi ndang sɔna.»

Deamɔ 20:28

Ɛnɛ pam tɛ ɛnɛ nɛ tɛ ɛnɛ. Nɛ ɛnɛ pam fin *giliwi mɔ eglize, ka Nzɔy-Sɔtɛ gdea ha kɔ ɛnɛ. Ɛnɛ pam mbwa nɛdedea, tuka ka zaoro sami pam nɛ sami, hazu Sɔ hɛa mbwa nɛ wal tɔktɛ Bewei pɛa.

Deamɔ 3:13

Ma, yo nê Sɔ pɛ Abraham, Isaac, Jacob, nɛ hio ngbabafa ɔ fɛt, ka gbasa *lɛkɛ-lɛkɛmɔ pɛ Jésus, wan-tom pɛa, nɛ wal kpasasa wei ɛngɛ. Ɛnɛ nɛ tɛ ɛnɛ gdea Jésus ha kɔ gɔfɔrma Pilate. Nɛ ɛnɛ kafa wɛnɛ long ha li wa, ngase wɛnɛ kpoa zuwen mɛ daksi kɔ ha tɛ wa kari.

Rome 1:25

Mbwa laka tɛwen pɛ Sɔ gde, nɛ mbwa tɛ bo ha ndara hio wen dalo. Ha bhandi pɛ Sɔ, mbwa gdea hio mɔ ka wɛnɛ dea, nɛ mbwa ha lukoso hio mɔ ndɔng, nɛ mbwa ha dea tom ha mɔ ndɔng. Ma, yo nê Sɔ ka dea mɔ fɛt, nɛ wɛnɛ lɛma nɛ lukosomɔ kpoo nɛ kpoo, Amen!

Rome 1:3

Dede Wen ɛngɛ tɔ nɛ wen tɛ Bewei pɛa, Jésus-Christ, *Kongawan pɛ ɔ. A tɛa tuka wi, nɛ ɛ bhɛa wɛnɛ ha zang nam pɛ *kongapora David.

Rome 10:12

Mɛgi, Sɔ gba soko hio *zuife nɛ hio olo kandɔ na. Hazu Kongawan pɛ mbwa fɛt ka nê ndang sɔna. Wɛnɛ ha kapana yɛbha kpaamɔ pɛa ha wi fɛt ka sa ling wa.

Rome 11:28

Hio zuife tɛ bo nê ngana pɛ Sɔ hazu mbwa kafa *Dede Wen. Mɔ hɔa mɛgi tuka nde, Sɔ akpasisi ɛnɛ ka bo nê zuife na. Ma, mbwa bhɔna nê hio ndɔngsila Sɔ, ka wɛnɛ weka gde tuka kandɔ pɛa, hazu a bagɔn nu mɛgi ha hio ngbabafa mbwa.

1 Korente 14:16

Hazu, ka mɛ lukisi Sɔ nɛ wal Nzɔy-Sɔtɛ sɔna, ma wi ha wesara may lɛm ing longoa na. Mɛgi, a betɔ «Amen» ha mɔ ka mɛ tɔ oeba hazua, mɛng? Hazu a ze goto wolamɔ pɛ mɛ na.

2 Korente 11:31

Sɔ, Bafa mɛ Kongawan Jésus, ka lukosomɔ nê pɛa kpoo nɛ kpoo, wɛnɛ ingɔ nde, mi tɔ dalo na.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

1 Timothée 6:15

A bepe ha ngimɔ ka Sɔ beosi. Sɔ ndang nê wan hazu mɔ fɛt, wɛnɛ nɛ totɛ fɛt, wɛnɛ nê *Kongapora ha zu hio kongapora fɛt, wɛnɛ nê Kongawan ha zu hio kongawan fɛt.

2 Timothée 2:8

Tazu mɛ agba nɛ Jésus-Christ, bezang pɛ *kongapora David. A fea, nɛ a guotɛ ha soko hio fiowi. Ɛngi nê goto *Dede Wen ka mi bul ha hio wi.

Hebro 7:24

Ma, Jésus nɛ zutunɔ kpoo. Mɛgi wɛnɛ bebhɔn nê wan-hasadaka kpoo fin.

1 Jean 5:20

Ɔ ingɔ nde, Bewei pɛ Sɔ tɛa tɛ ha ɔ mbaramɔ nde, ɔ aing kpasa Sɔ. Ɔ ang ha tɛ kpasa Sɔ hazu ɔ ang ha tɛ Bewei pɛa, Jésus-Christ. Wɛnɛ nê kpasa Sɔ, nɛ wɛnɛ nê tunɔ kpoo.

Gbasamɔ 1:18

Mi nɛ zutunɔ. Mi bafe, ma, sising mi bhɔna nɛ zutunɔ kpoo nɛ kpoo. Mi nɛ ziomɔ hazu fio nɛ hazu bhandi pɛ hio fiowi.

Gbasamɔ 22:16

«Mi, Jésus, mi tomsa telenge pɔm hazu kɛ hio wen ndɔng ha hio *giliwi mɔ eglize fɛt. Mi nê bezang nugala pɛ David, mi nê ngɛlɛ-ngɛlɛ sɔla gbandolo.»

Gbasamɔ 22:20

Wi ɛngɛ ka kɛ hio wen ndɔng fɛt, wɛnɛ tɔa: «Ey, mi betɛ nɛhasa!» Amen, mɛ tɛ, *Kongawan Jésus!

Gbasamɔ 5:14

Hio tunɔ mɔ ndɔng nar kɔa: «Amen!» Nɛ hio kotowi ndɔng fɛt ngbio zigolo ha si wi kɛ ka dungnu ha solowan, nɛ ha si Besami, hazu lukisi nɛ mbwa.