Rome 9:4 - Takarata pɛ Sɔ Mbombe Mbon

⁴ Mbwa nê hio kandɔ pɛ Israel, ka Sɔ weka tuka hio bem pɛa. A osa *lɛkɛ-lɛkɛmɔ pɛa ha mbwa, a nɔa *mbon hinɛ mbwa, a haa *mbonga pɛa ha mbwa, a osa ha mbwa wal mɛ lukisi wɛnɛ, nɛ a gɔna nu nɛdɔka ha mbwa.

Rome 9:4 ပူးပေါင်းရင်းမြစ်များ

Matthieu 21:33

«Ɛnɛ ze ma mbing towen. Ma wan-fɔ bagun se te vigne ha fɔ pɛa. Wɛnɛ dea ngalɔ zikiri nɛ yo fɛt. A zaa ma kɔ ha zang gogo ta hazu bhal nɛ li vigne. Wɛnɛ bɛa ma kuso twa mɛ pɛm nɛ fɔ. Nɛ a gdea fɔ ɛngɛ ha kɔ hio ma wan-tom, nɛ wɛnɛ nɛa gɛnɛ ha ma bhandi nɛyɛa.

Jean 1:17

Sɔ baha *mbonga ha ɔ nɛ wal Moïse. Ma, nɛ wal Jésus-Christ wɛnɛ dea dede sila ha tɛ ɔ, nɛ a osa tɛwen ha ɔ.

Jean 1:47

Ka Jésus zɔka Natanael ha tɛa, a tɔa wen tɛ wa nde: «Zɔk, ɛngɛ nê tɛ ngbak wi mɔ *Israel ka bo nɛ likisi na.»

Deamɔ 2:39

Sɔ bagɔn se nu mɛ tomsi Nzɔy-Sɔtɛ. Gɔnanu ɛngɛ hazu ɛnɛ nɛ hio bem pɛ ɛnɛ. Yo fin hazu hio wi ndɔng ka dung nɛ yɛa nɛ ka Kongawan, Sɔ pɛ ɔ, besa mbwa.»

Rome 3:2

Ey, mbwa kpaa dedemɔ ang nɛ wal fɛt. Hazu, ha bosia, Sɔ gdea hio wen pɛa ha kɔ mbwa, hio zuife.

Rome 8:15

Ɛnɛ kpaa Nzɔy-Sɔtɛ bo hazu gde ɛnɛ bala ka dung fin nɛ ke na, ma, hazu gde ɛnɛ hio bem pɛ Sɔ. Yo nê Nzɔy-Sɔtɛ ka ha ɔ wal mɛ sa Sɔ nde, Abba, Bafa ɔ.

Rome 9:6

Wen ka mi tɔ ha ɛnɛ, yo bo nde, gɔnanu pɛ Sɔ tɛ bo nê gbelemɔ, na. Ma, yo bo nê hio kandɔ pɛ Israel fɛt ka dung nê tɛ kpasa kandɔ pɛ Sɔ, na.

2 Korente 11:22

Mbwa nê kandɔ *Hebro nde? Mi fin fɛt. Mbwa nê bem pɛ *Israel nde? Mi fin fɛt. Mbwa nê bezang pɛ Abraham nde? Mi fin fɛt.

Galasi 3:16

Tuka ɛngi fin, Sɔ bagɔn nu ha Abraham nɛ ha bezang pɛa. Takarata pɛ Sɔ tɛ tɔ nde, hio bezang pɛa, na. Yo tɛ tɔ wen dɔka bezang na, ma, yo tɔ ka sɔna nɛ wen ndanga bezang ndang. Nɛ ndanga bezang ɛngɛ, yo nê Christ.

Efeze 2:12

Ha ngimɔ ɛngi, ɛnɛ tɛ ing ka Christ na. Ɛnɛ dungɔ tuka hio gɔn-gɛnɛ wi, ɛnɛ bo nê hio wi mɛ kandɔ *Israel, kandɔ pɛ Sɔ na. Hio mɔ ka Sɔ gɔna nua ha mbwa nɛ wal nɔa *mbon hinɛ mbwa, mɔ ndɔng tɛ dung hazu ɛnɛ na. Ɛnɛ tɛ dung nɛ ma mɔ hazu gde tazu ɛnɛ ang na. Ɛnɛ dungɔ ha zang nzan, nɛ ɛnɛ tɛ ing Sɔ na.

Hebro 9:1

Hio wi mɔ bosi *mbon dungɔ nɛ *mbonga ka osi wal mɛ de tom Sɔ, nɛ mbwa dungɔ fin nɛ ma twa Sɔ hakɛ ha nu.

Hebro 9:10

Hio mɔ ndɔng, yo sɔna nê hio mbonga pɛ wi hazu hio yɔnga nɛ nɔa mɔ, nɛ hazu hio tili wal mɛ sasisi tɛ ha li Sɔ. Nɛ tom pɛ hio mbonga ndɔng kara ha ngimɔ ka Sɔ gdea kpasa mɔ ha bhandia.

Hebro 9:3

Ha gdong zebwa gasa la ka gɛ ha zang twa Sɔ ɛngɛ, ma bhandi ang, ka ɛ sa linga nde, nzɔy bhandi fɛt.

Hebro 9:5

Ha zu kubha ɛngɛ, ɛ gdea zizi hio lɛkɛ-lɛkɛ sheruben bwa. Hio bhaka mbwa goka nu kubha, bhandi ka ɛ zosi *sɛmbɔ ang. Ma, sising bo nê ngimɔ ka mi betɔ nɛ wen mɔ ndɔng fɛt ndɛr-ndɛr na.

Hebro 9:6

Ka ɛ bhɔngara mɔ fɛt mɛgi kari, hio wan-hasadaka lea ha bosi gdɔkua yala fɛt hazu de tom pɛ mbwa ang.