Rome 9:3 - Takarata pɛ Sɔ Mbombe Mbon

³ Ka bo se nde, Sɔ ngoya foma mi nɛ kɛtana soko mi hinɛ Christ hazu kpasisi hio ya mi mɔ kandɔ pɔm, ki mi mɛkara yo.

Rome 9:3 ပူးပေါင်းရင်းမြစ်များ

Deamɔ 13:26

«Hio ya mi, bezang pɛ Abraham, nɛ hio wi fɛt ka lukisi Sɔ. Ɛnɛ ze, Sɔ tomsa kasara ɛngɛ hazu kpasisi ɔ fɛt.

Deamɔ 22:5

*Wan-zu hio wan-hasadaka nɛ hio kotowi mɔ Jérusalem lɛma mɛkiri nde, wena nê tɛwen. Ka mi nɛa ha gasa le Damas, mbwa haa mi takarata ka osa ha hio wan-zu *twa gɔ Sɔ haki nde, mi nɛ ziomɔ mɛ sang hio wi pɛ Christ sinɛ ha Jérusalem hazu ndulsi mbwa.»

Deamɔ 28:21

Hio zuife ndɔng tɔa ha wɛnɛ: «Ɔ tɛ kpa ma takarata pɛ hio wi mɔ Judée hazu mɛ na. Ma ya ɔ ndang tɛ hɔ hakɛ tɛ ba kasi tɛ mɛ, mana tɛ tɔ gdanga wen ha tɛ mɛ na.

Rome 1:3

Dede Wen ɛngɛ tɔ nɛ wen tɛ Bewei pɛa, Jésus-Christ, *Kongawan pɛ ɔ. A tɛa tuka wi, nɛ ɛ bhɛa wɛnɛ ha zang nam pɛ *kongapora David.

Rome 11:1

Mɛgi, mi ani mɔ nde, Sɔ mulo nɛ kandɔ pɛa pi nde? Way! A tɛ de mɛgi na. Hazu mi fin, mi nê kandɔ *Israel, bezang pɛ Abraham. Ɛ bhɛa mi ha nugala pɛ Benjamin.

Rome 11:14

Mi ngoya nde, hio zuife, kandɔ pɔm, ade silamɔ tɛ hio olo kandɔ. Mɛgi, ka wal ang, mi bekpasisi hio ma ha soko mbwa nɛ wal silamɔ pɛ mbwa.

Rome 16:11

Ɛnɛ fan nam pɔm, Herodion. Ɛnɛ fan hio wi mɛ twa pɛ Narcisse, mbwa ka mɛkara Kongawan.

Rome 16:21

Timothée, sɔy-tom pɔm fana ɛnɛ. Hio nam pɔm, Lusius, Yason, nɛ Sosipater, fana ɛnɛ.

Rome 16:7

Ɛnɛ fan hio nam pɔm, Andronikus hinɛ Yunias, ka badung hinɛ mi ha zang twa zɔbhɔ. Mbwa bwa fɛt nê hio *wan-nɛtom ka hio wi tɔ dede lingtɛ mbwa pentɛ. Nɛ mbwa mɛkara Christ sɔngsi nɛ mi.

Rome 9:2

Mi nɛ ngɔtɛ gdang, nɛ sila mi nɛ kɔsa ka lɛm mɛ kari na.

1 Korente 12:3

Hazu ɛngi, mi gbasi ha ɛnɛ long nde, wi ka dona nɛ Sɔtɛ pɛ Sɔ, lɛm tɔ nde, fomi aba Jésus, na. Nɛ yo sɔna nê wi ka don nɛ Nzɔy-Sɔtɛ, ka lɛma tɔ nde, Jésus nê *Kongawan.

1 Korente 16:22

Ka ma wi ngoy Kongawan na, fomi pɛ Sɔ aba wɛnɛ. Maranata! Kongawan pɛ ɔ, mɛ tɛ!

2 Korente 12:15

Pɔm, mi nɛ totɛ mɛ gdangsi hio mɔ pɔm fɛt hazu ɛnɛ, ngase tɛ mi. Mi ngoya ɛnɛ pentɛ. Hazu ge ɛnɛ ngoy mi tikiring sɔna, ge nde?

Galasi 1:8

Ka ma wi tɔ ma mbing Dede Wen ha ɛnɛ ka dung nɛtɛ nɛ ɛngɛ ka ɔ tɔa ha ɛnɛ, fomi aba wɛnɛ, ngase yo nê ɔ nɛ pɛ ɔ tɛ mana ma *telenge ka guotɛ ha ngɔn tɛnɛ.

Galasi 1:9

Ɔ tɔa yo ha ɛnɛ kari, nɛ sising, mi ha putoro yo fin nde: Ka ma wi tɔ ma mbing Dede Wen ha ɛnɛ ka dung nɛtɛ nɛ ɛngɛ ka ɛnɛ zea ha nu ɔ, fomi aba wɛnɛ!

Galasi 3:10

Ma, ka bo nê pɛ wi ndɔng ka gde tazu mbwa ha dea mɔ lɛm nɛ mbonga, fomi pɛ Sɔ baa mbwa kari. Hazu takarata pɛ Sɔ tɔa: «Fomi aba wi ɛngɛ ka bo ha dea mɔ lɛm nɛ hio wen ha zang takarata mbonga pɛ Moïse wɛɛ na.»

Galasi 3:13

Christ gbosasa ɔ ha si fomi pɛ mbonga. A guo yo ha zu ɔ gde ha zu wa. Tuka takarata pɛ Sɔ tɔa: «Fomi baa wi ɛngɛ ka ɛ gɛsa ha te.»

Efeze 6:5

Ɛnɛ, hio bala, dea nde, ɛnɛ aze nu hio wan pɛ ɛnɛ mɔ nzan ɛngɛ. Ɛnɛ ayu ke mbwa, nɛ tɛ ɛnɛ ayak ha li mbwa. Ɛnɛ de tom ha mbwa nɛ sila ɛnɛ fɛt mɛ ze nde, ɛnɛ de yo ha Jésus-Christ.