Rome 9:22 - Takarata pɛ Sɔ Mbombe Mbon

²² Hio ma wi dung tuka kpana ka Sɔ bhuo hazu osi ha mbwa nde, wɛnɛ nɛ ngambi, nɛ wɛnɛ nɛ ziomɔ. Ngase ɛngi, wɛnɛ baa sila wa pentɛ nɛ mbwa ka lɛma nɛ ngambi pɛa, nɛ ka dung sanga nɛ bhonda.

Rome 9:22 ပူးပေါင်းရင်းမြစ်များ

Rome 1:18

Kpasawen, Sɔ gbasa long nde, wɛnɛ nɛ ngambi ka gutɛ ha ngɔn, sungiri nɛ wi fɛt hazu mbwa kafa wɛnɛ, nɛ hazu mbwa ha dea kalbho-kalbho mɔ. Nɛ hio kalbho-kalbho deamɔ pɛ mbwa de nde, ɛ azɔk tɛwen pɛ Sɔ nɛ saa na.

Rome 9:17

Ha takarata pɛa, Sɔ batɔ ha *kongapora mɔ kandɔnu Ezipte: «Mi gdea mɛ kongapora hazu osi gasa ngatɛ pɔm nɛ wal mɛ tuka nde, kasi tɛ mi ayambili dam nzan fɛt.»

Rome 9:20

Woo, ya mi, mɛ ka kifiri wen ha Sɔ mɛgi, mɛ nê o? Kpana lɛm mɛ tɔ ndang na ha wan-bhu wɛnɛ nde, a bhuo wɛnɛ mɛgɛ hazu ge?

Rome 9:21

Wan-bhu kpana lɛma mɛ ku mbɔrɔ ge de nɛ mɔ ka sila wa ngoya. Nɛ ndanga mbɔrɔa ndang a lɛma bhu ma kpana ndang mɔ swe yenga, nɛ ma ndang mɔ gbele swe.

1 Tesalonike 2:16

Ɔ ha bulo wen ha hio kandɔ ka bo nê zuife na, tuka nde, mbwa akpasi. Nɛ hio zuife ngoy mɛ dol ɔ. Mɛgi, mbwa bhɔna ka swe fɛt ha yɛbhasa gdangamɔ pɛ mbwa. Ma, sising, Sɔ ha dea ngambi sungiri mbwa.

1 Tesalonike 5:9

Sɔ weka ɔ bo hazu de ngambi sungiri ɔ na, ma, a weka ɔ hazu kpasisi ɔ nɛ wal Kongawan pɛ ɔ, Jésus-Christ.

2 Timothée 2:20

Ha zang gasa twa hio tili kpana nɛtɛ-nɛtɛ ang. Hio ma mɔ gbɛbolo mana mɔ bubolo ang, nɛ hio ma mɔ ge mana mɔ te ang fin. Hio ma de tom ha swe yenga, nɛ hio ma ha gbele swe.

1 Pierre 2:8

Nɛ ɛ bangɛriki fin: «Ta ɛngɛ tɛ bo nê ta kɔ nanga, yo tɛ bo nê ta ka teksi hio wi pi ha nu.» Mbwa kɔa nanga ang tek, hazu mbwa kafa zea wen pɛ Sɔ. Sɔ babhɔngiri mɔ hazu mbwa mɛgi sɔngsi bhee.

1 Pierre 3:20

Hio sɔtɛ wi ndɔng bade kpandele sungiri nɛ Sɔ ha ngimɔ ka Noe dungɔ ha dea kuga. Sɔ kera nɛ yikosila kanɛ Noe karsa dea yo. Hio wi tikiring, yo tɔ nde, hio wi mɔrkɔ zanga tar sɔna lea kuga ɛngɛ, nɛ mbwa kpasa ha mbeng li.

2 Pierre 2:3

Hio wan-osimɔ dalo ndɔng ha dea hɛl mbɔli pentɛ. Mɛgi, mbwa bendɔmbili ɛnɛ nɛ dede gɛl hazu yɔng ɛnɛ. Ma, Sɔ gɔna kita ba nɛ mbwa bhee, nɛ ngimɔ ka wɛnɛ bebhondisi nɛ mbwa koka kari.

2 Pierre 2:9

Hio mɔ ndɔng osi nde, Sɔ ingɔ wal mɛ kpasisi ha zang yeksamɔ hio wi ka dung nɛ mboazu ha li wa. Nɛ a ingɔ fin mɛ pam hio kalbho-kalbho wi keri nɛ swe kita ka wɛnɛ bendulsi mbwa ang.

2 Pierre 3:15

Ɛnɛ ing nde, Kongawan pɛ ɔ ha kera pea nde, ɛnɛ akpa ngimɔ mɛ kpasi. Ɛngi nê ndangtɛ wen, ka ndɔngsila ya ɔ, Paul, ngɛraka ha ɛnɛ nɛ wal mbaramɔ ka Sɔ haa ha wɛnɛ.

Jude 1:4

Mi tɔ mɛgi hazu hio ma wi ka tɛ mɛkiri Sɔ na, lea ha soko ɛnɛ nɛ wuso. Mbwa ha kio wal mɛ tukili wen *dede sila ka Sɔ ha dea ha tɛ ɔ. Mbwa tɔ nde, ka ɔ de mɔ nɛ tum, yo de ma mɔ ndang na, hazu Sɔ ha dea dede sila ha tɛ ɔ swe fɛt. Nɛ wal deamɔ mɛgi, mbwa kafa Jésus-Christ ka dung nê ndanga wan-osimɔ nɛ ndanga *Kongawan pɛ ɔ. Sɔ weka wal ka wɛnɛ begɔn kita ba nɛ hio wi ndɔng sɔngsi bhee kari.