Rome 8:32 - Takarata pɛ Sɔ Mbombe Mbon

³² Sɔ tɛ kafi nde, ngbak Bewei pɛa afe gɔn zu ɔ, na. A haa Bewei pɛa ha ɔ, yo osi long nde, a beha ɔ fin hio mbing mɔ fɛt.

Rome 8:32 ပူးပေါင်းရင်းမြစ်များ

Matthieu 3:17

Ma gɛl gboa ha liswe nɛ tɔa: «Wi kɛ nê bewei pɔm ka mi ngoya gdang. Wɛnɛ gdea totɛ ha sila mi.»

Matthieu 7:11

Ngase ɛnɛ, ka dung nê gdanga wi, ɛnɛ ingɔ haa dedemɔ ha bem pɛ ɛnɛ. Mɛgi pen fɛt Bafa ɛnɛ ha zang ngɔn beha dedemɔ ha wi ndɔng ka gɔ wɛnɛ.»

Jean 3:16

Hazu Sɔ ngoya nzan gdang, mɛgi a haa ndanga bewei pɛa, tuka nde, wi ndang ndang fɛt ka mɛkiri wɛnɛ afe na, ma, a bedung nɛ tunɔ kpoo.

Rome 11:21

Pangay, ka Sɔ tɛ pam hio zuife ka dung nê hio tɛ kpasa gbakɔte na, a lɛma de gbesi nɛ mɛ, na nde?

Rome 4:25

Sɔ haa wal nde, Jésus afe gɔn nɛ zu gdangamɔ ka ɔ dea. Nɛ a guo wɛnɛ ha soko hio fiowi tuka nde, ɔ akpa wal mɛ dung nzeng ha li wa.

Rome 6:23

Kpasawen, mɔ-kɛ *wan-de gdangamɔ, yo nê fio. Ma, dede haamɔ ka Sɔ ha nɛ gangtɛ, yo nê tunɔ kpoo ha dea sɔy hinɛ Jésus-Christ, *Kongawan pɛ ɔ.

Rome 8:28

Hio wi ndɔng ka ngoy Sɔ, nɛ ka Sɔ saa mbwa tuka sila wa bheka, ɔ ingɔ nde, Sɔ ha bhɔngara mɔ fɛt ka kpa may hinɛ mbwa, tuka nde, mɔ ndɔng adung nê dedemɔ hazu mbwa.

1 Korente 2:12

Pɛ ɔ, sɔtɛ ka de le ha sila ɔ, yo bo nê nzan ha gde yo ang na. Ma, yo nê Sɔ nɛ pɛa tɛ ha gde yo ang, tuka nde, ɔ aing hio dedemɔ ka wɛnɛ haa ha ɔ.

2 Korente 4:15

Mɔ ndɔng fɛt kpa may hinɛ ɔ hazu ɛnɛ, tuka nde, dɔka hio wi ka Sɔ de *dede sila ha tɛ mbwa ayɛbhi pen mɔ sɔngsi. Mɛgi, hio dɔka wi nɛnɛ beha oeba nɛ lukosomɔ ha Sɔ.

2 Korente 5:21

Christ tɛ de ma gdangamɔ ndang na. Ma, ngase ɛngi, Sɔ kuo gdangamɔ pɛ ɔ gde ha zu Christ tuka nde, ɔ adung nzeng ha li wa nɛ wal wɛnɛ.

2 Korente 6:10

Hio wi ha haa ngɔtɛ ha ɔ, ma, ɔ ha dea totɛ swe fɛt. Ɔ dung tuka fabha wi, ma, ɔ ha yɛbhasa kpaamɔ pɛ hio dɔka wi. Ɔ dung tuka wi ka bo nɛ mɔ na, ma, ɔ kpaa mɔ fɛt kari.

1 Jean 4:10

Ngoy nê ɛngɛ: Yo bo nê ɔ ha ngoy Sɔ na, ma, yo nê Sɔ ha ngoy ɔ. A tomsa Bewei pɛa tuka nde, wɛnɛ afe gɔn zu ɔ tuka sadaka, ka gu *sɛmbɔ pɛ ɔ yunɛ.

Gbasamɔ 21:7

Mi bekapini hio mɔ ndɔng ha hio wi fɛt ka gana zu mɔ. Nɛ mi bedung nê Sɔ pɛ mbwa, nɛ mbwa bedung nê hio bem pɔm.