Rome 8:3 - Takarata pɛ Sɔ Mbombe Mbon

³ Mbonga pɛ Moïse tɛ dung nɛ ngatɛ mɛ kpasisi ɔ na, hazu nɛ tɛ ɔ, ɔ lɛm mɛ pam yo na. Ma, mɔ ka mbonga lɛm mɛ de na, Sɔ dea yo nɛ wal Bewei pɛa ka wɛnɛ tomsa tɛ hakɛ ha nu. Bewei pɛa yola ngbak tɛ wi, ka dungɔ tuka pɛ ɔ, hio *wan-de gdangamɔ. Sɔ gdea wɛnɛ ha fio gɔn nɛ zu gdangamɔ pɛ ɔ. Nɛ wal dea mɛgi, Sɔ gɔna kita ha zu gdangamɔ, ka de tom ha tɛ ɔ.

Rome 8:3 ပူးပေါင်းရင်းမြစ်များ

Marc 15:27

Nɛ ɛ ngbaa hio nagbɛwi bwa hinɛ Jésus. Getakate pɛ ma ndang ha wal wekɔ wa, nɛ pɛ mbinga ha wal gare wa. [

Jean 1:14

Nɛ Wen kifo wi, ka dung nɛ multɛ nɛ gbalatɛ fɛt. A dea le ha soko ɔ. A dona nɛ *dede sila nɛ tɛwen fɛt. Ɔ zɔka *lɛkɛ-lɛkɛmɔ pɛa, ka Bafa wa haa ha wɛnɛ, ndanga Bewei pɛa.

Jean 9:24

Mɛgi, hio Farizien saa fin wei kɛ ka li wa gboa, nɛ mbwa ana wɛnɛ: «Mɛ tɔ kpasawen ha li Sɔ. Ɔ ingɔ pɛ ɔ nde, wei kɛ nê wan-de gdangamɔ.»

Deamɔ 13:39

Ma, wi ndang ndang fɛt ka mɛkara Jésus, Sɔ dea nde, mbwa apen sɛɛ ha li kita pɛa kari.

Rome 3:20

Nɛ wal dea mɔ lɛm nɛ wen mbonga, ma wi ndang lɛm dung nzeng ha li Sɔ na. Mbonga ha sɔna nɛ wal ha hio wi mɛ ing nde, mbwa fɛt ha dea gdangamɔ.

Rome 6:6

Ɔ ingɔ nde, mɔa wi ka ɔ badung sɔngsi, fea hinɛ Christ gbesi ha getakate. Kilitɛ ɔ ka ngoy de gdangamɔ, bhonda kari, ɔ bo fin nê bala ha si gdangamɔ na.

Rome 7:18

Hazu mi ingɔ nde, mi nê wi sɔna, dedemɔ bo ha dea le ha tɛ mi na. Tangere, mi nɛ hɛl mɛ de dedemɔ, ma, mi bo nɛ ngatɛ mɛ de yo na.

Rome 8:32

Sɔ tɛ kafi nde, ngbak Bewei pɛa afe gɔn zu ɔ, na. A haa Bewei pɛa ha ɔ, yo osi long nde, a beha ɔ fin hio mbing mɔ fɛt.

Rome 9:3

Ka bo se nde, Sɔ ngoya foma mi nɛ kɛtana soko mi hinɛ Christ hazu kpasisi hio ya mi mɔ kandɔ pɔm, ki mi mɛkara yo.

2 Korente 5:21

Christ tɛ de ma gdangamɔ ndang na. Ma, ngase ɛngi, Sɔ kuo gdangamɔ pɛ ɔ gde ha zu Christ tuka nde, ɔ adung nzeng ha li wa nɛ wal wɛnɛ.

Galasi 3:13

Christ gbosasa ɔ ha si fomi pɛ mbonga. A guo yo ha zu ɔ gde ha zu wa. Tuka takarata pɛ Sɔ tɔa: «Fomi baa wi ɛngɛ ka ɛ gɛsa ha te.»

Galasi 3:21

Ɛngi ngoy tɔ nde, mbonga sungiri nɛ hio gɔnanu pɛ Sɔ nde? Way, yo bo mɛgi na! Ka bo se nde, mbonga ka Sɔ haa ha Moïse, nɛ ngatɛ mɛ ha tunɔ ha hio wi, ki mbwa lɛma dung nzeng ha li Sɔ nɛ wal dea mɔ lɛm nɛ yo.

Filipe 2:7

Ma, a laka mɔ pɛa fɛt gde, nɛ a gdea tɛ wa tuka wan-tom. A tɛ bo gbesi tuka hio wi fɛt. Nɛ mbwa ingɔ nde, wɛnɛ nê tɛ wi.

Hebro 10:12

Ma, Christ haa ma sadaka ndang hazu bisi nɛ sɛmbɔ pɛ hio wi bhɔn. Hapata, a dungɔnu ha wekɔ Sɔ.

Hebro 10:14

Kpasawen, nɛ wal ndanga sadaka ndang, a dea nde, hio wi ndɔng ka tɛ bo nɛ nzɔya, alɛm wɛɛ bhɔn.

Hebro 2:14

Wɛnɛ yola tɛ wi ka ba may nɛ pɛ hio bem ndɔng, hazu mbwa fɛt nê wi nɛ multɛ nɛ tɔktɛ. A dea mɛgi tuka nde, nɛ wal fio pɛa, wɛnɛ ayangili *Satan ka dung nɛ ngatɛ hazu gde wi ha fio.

Hebro 2:17

Hazu ɛngi, lɛma ka se nde, wɛnɛ atɛ gbesi tuka hio ya wa ha hio mɔ fɛt. Mɛgi wɛnɛ tɛ bo nê gasa wan-hasadaka ka dung nɛ mboazu ha tom Sɔ, ka de kobhe tɛ hio wi, nɛ ka bisi *sɛmbɔ pɛ mbwa yunɛ.

Hebro 4:15

Gasa wan-hasadaka pɛ ɔ ingɔ pɔsa pɛ ɔ, nɛ wɛnɛ ha dea kobhe tɛ ɔ, hazu *Satan wea sila wa tuka pɛ ɔ. Ma, pɛa, a tɛ de gdangamɔ ndang na.

1 Pierre 2:24

Ha getakate, Christ nɛ pɛa tɛ kuo *sɛmbɔ pɛ ɔ gde ha tɛ wa. A dea mɛgi tuka nde, ɔ adung tuka fiowi ka lɛm de gdangamɔ fin na, nɛ nde, ɔ adung tuka tunɔ wi ka de mɔ ka dung nzeng ha li Sɔ. Ɛnɛ kpasa nɛ wal dalɛ ndɔng ka wɛnɛ baa.