Rome 8:26 - Takarata pɛ Sɔ Mbombe Mbon

²⁶ Tuka ɛngi, Nzɔy-Sɔtɛ fin ha gbakara ɔ, hazu ɔ nê hio mɔka wi ha wal mɔ Sɔ. Ɔ ing gɔa Sɔ nɛ wala na. Ma, yo nê Nzɔy-Sɔtɛ ha gɔ Sɔ ha olo nu ɔ nɛ gɔfi, ka wi ndang lɛm mɛ tɔ longoa na.

Rome 8:26 ပူးပေါင်းရင်းမြစ်များ

Matthieu 10:20

Yo bo nê ɛnɛ ka bewolmɔ na. Ma, yo nê *Nzɔy-Sɔtɛ pɛ Bafa ɛnɛ ka bewol wen nɛ wal nu ɛnɛ.

Matthieu 20:22

Nɛ Jésus tɔa ha bem pɛa bwa: «Ɛnɛ ing mɔ ka ɛnɛ ani na. Ɛnɛ lɛma nɔ kɔpɔ yimtɛ ka mi benɔ, nde?» Nɛ mbwa kiforo wen: «Ɔ lɛma de yo.»

Dede Wen hazu Jésus-Christ ka Luc ngɛraka 22:44

Jésus tɛ bo nɛ nɔzang pentɛ, mɛgi a angara gɔa Sɔ nɛngaya pen mɔ sɔngsi. Nɛ gbɛngamɔ tɛ wa sɛa ha nu tuka mbɔrɔ tɔk.]

Jean 14:16

Mi beani Bafa mi ka wɛnɛ atomsi ma mbing wan-gbakiri ɛnɛ ka bedung hinɛ ɛnɛ kpoo nɛ kpoo.

Rome 15:1

Ɔ ka dung nê hio ngawi ha wal mɔ Sɔ, lɛma nde, ɔ agbakiri hio mɔka wi ha mɔ ka mbwa takiri tɛ ang. Ka ɔ ade nɛ mɔ ka ha totɛ ha tɛ ɔ nɛ pɛ ɔ tɛ na.

Rome 7:24

Oee, mi nê kpasa wan-ngɔtɛ! Tɛ mi ha kuo mi nɛnɛ ha fio! Nge wi ha bekpasisi mi ang, o nde?

Rome 8:15

Ɛnɛ kpaa Nzɔy-Sɔtɛ bo hazu gde ɛnɛ bala ka dung fin nɛ ke na, ma, hazu gde ɛnɛ hio bem pɛ Sɔ. Yo nê Nzɔy-Sɔtɛ ka ha ɔ wal mɛ sa Sɔ nde, Abba, Bafa ɔ.

2 Korente 5:2

Sising ɔ ha gɔfa hazu ɔ nɛ hɛl mɛ le ha zang mbombe twa mɔ ngɔn.

2 Korente 5:4

Ha ngimɔ fɛt ka ɔ ha zang gbamsa, ɔ ha gɔfa hazu yo ha yimtɛ nɛ yeksamɔ ha ɔ pentɛ. Yo bo nde, ɔ ngoya gbo ha zang gbamsa ɛngɛ na, ma, ɔ ngoya le ha zang mbombe twa mɔ ngɔn, tuka nde, mɔ ka befe akifiri ha mɔ ka bebhɔn nɛ zutunɔ.

Galasi 4:6

Sɔ tomsa Sɔtɛ pɛ Bewei pɛa ha zang sila ɔ, hazu osi nde, ɔ nê hio bem pɛa nɛkpasa. Nɛ Sɔtɛ ɛngɛ ha gdɔra: «Abba» ka tɔ nde, Bafa mi!

Efeze 2:18

Yo nê hazu Christ ka ɔ fɛt, hio zuife nɛ hio olo kandɔ, lɛma mɛ tiki nɛ hapɛtɛ Sɔ, Bafa ɔ, nɛ wal ndanga *Nzɔy-Sɔtɛ.

Efeze 6:18

Ɛnɛ gɔ Sɔ ngimɔ fɛt, nɛ ɛnɛ lokitɛ ha wɛnɛ nɛ wal ngatɛ pɛ Nzɔy-Sɔtɛ. Ɛnɛ ayang la, nɛ ɛnɛ bhɔn ka ha gɔa Sɔ nɛ yikosila hazu hio wi pɛa fɛt.

Hebro 4:15

Gasa wan-hasadaka pɛ ɔ ingɔ pɔsa pɛ ɔ, nɛ wɛnɛ ha dea kobhe tɛ ɔ, hazu *Satan wea sila wa tuka pɛ ɔ. Ma, pɛa, a tɛ de gdangamɔ ndang na.

Hebro 5:2

Gasa wan-hasadaka ingɔ dea kobhe tɛ hio tam-tum wi ka yɔa wal, hazu wɛnɛ fin nɛ mɔkaa gbesi tuka mbwa.

Jacques 4:3

Nɛ ka ɛnɛ gɔ mɔ ha kɔ Sɔ, a lɛm ha yo ha ɛnɛ na, hazu ɛnɛ gɔ yo nɛ gdanga takaramɔ. Ɛnɛ gɔ yo sɔna hazu gdangsi yo lɛm nɛ golamɔ pɛ ɛnɛ.