Rome 8:10 - Takarata pɛ Sɔ Mbombe Mbon

¹⁰ Ka Christ ang ha tɛ ɛnɛ, yo ngoy tɔ nde, ngase ka tɛ ɛnɛ befe hazu gdangamɔ ka ɛnɛ dea, Sɔtɛ pɛ Christ begde ɛnɛ nɛ zutunɔ hazu ɛnɛ tɛ bo nê *nzeng wi ha li Sɔ.

Rome 8:10 ပူးပေါင်းရင်းမြစ်များ

Jean 14:23

Jésus kiforo wen ha wɛnɛ: «Wi ka ngoy mi, wɛnɛ bede mɔ lɛm nɛ wen pɔm, nɛ Bafa mi bengoy wɛnɛ. Mɛgi, mi nɛ Bafa mi, ɔ betɛ ha pɛa, nɛ ɔ bede le ha sila wa.

Jean 15:5

«Mi nê gunte, nɛ ɛnɛ nê hio gbakɔa. Wi ka bhɔn ha tɛ mi, nɛ ka mi bhɔn ha tɛ wa, wia beway nɛdɔka. Hazu ka mi bo ha tɛ ɛnɛ na, ki ɛnɛ lɛm de ma mɔ na.

Jean 17:23

mi ang ha tɛ mbwa, nɛ mɛ ang ha tɛ mi. Mɛgi, mbwa bedung tɛ ndang nɛkpasa, tuka nde, hio wi mɔ nzan aing nde, yo nê mɛ ka tomsa mi, nɛ nde, mi ngoya mbwa gbesi tuka ka mɛ ngoya nɛ mi.

Jean 4:14

Ma, wi ka benɔ li ka mi beha ha wɛnɛ, wɔ li lɛm mɛ de wɛnɛ fin na. Hazu li ka mi beha ha wɛnɛ, yo bekifiri nzɔngɛ nawuya ha sila wa ka ha wɛnɛ *tunɔ kpoo.»

Jean 6:54

Wi kɛ ka yɔng multɛ mi, nɛ ka nɔ tɔktɛ mi, wɛnɛ bekpa tunɔ kpoo. Nɛ mi betunsi wɛnɛ ha soko hio fiowi ha kpogio ngimɔ.

Jean 6:56

Wi ka yɔng multɛ mi nɛ ka nɔ tɔktɛ mi, wɛnɛ bebhɔn ha mi, nɛ mi bebhɔn ha wɛnɛ.

Rome 5:12

Yo gbesi tuka ɛngɛ: Gdangamɔ lea zang nzan nɛ wal ma wei ndang ka dea gdangamɔ. Ling wei ɛngɛ nde, Adam. Nɛ gdangamɔa daka fio tɛ pi ha soko hio wi, hazu mbwa fɛt dea gdangamɔ.

Rome 5:21

Sɔngsi, gdangamɔ dungɔ nɛ ngatɛ mɛ gde hio wi ha fio. Sising, dede sila pɛ Sɔ nɛ ngatɛ mɛ gde hio wi nzeng ha li wa. Sɔ ha dea dede sila ha tɛ ɔ mɛgi nde, ɔ akpa *tunɔ kpoo nɛ wal *Kongawan pɛ ɔ, Jésus-Christ.

Rome 8:11

Nɛ wal Nzɔy-Sɔtɛ pɛa, Sɔ guo Jésus ha soko hio fiowi. Nɛ Sɔtɛ ɛngɛ ha dea le ha sila ɛnɛ. Yo ngoy tɔ nde, Sɔ ka guo Christ ha soko hio fiowi, a begde bin tɛ ɛnɛ ka befe, nɛ zutunɔ. A bede mɛgi nɛ wal Sɔtɛ pɛa ka de le ha sila ɛnɛ.

1 Korente 15:45

Yo nê ɛngi ka ɛ ngɛraka ha takarata pɛ Sɔ: «Bosi wi, Adam, tɛ bo nê tunɔ wi.» Ma, kpogio Adam, Christ, tɛ bo nê Sɔtɛ ka ha tunɔ ha wi.

2 Korente 13:5

Ɛnɛ awe sila ɛnɛ nɛdedea hazu ing nde, mana ɛnɛ mɛkara Christ nɛkpasa. Bo nê ɛnɛ ha zɔka tɛ ɛnɛ tuka hio wi ka Jésus-Christ ang ha tɛ mbwa, na nde? Ma, ɛnɛ nɛ ma mɔ ka gbasi yo nde?

2 Korente 4:11

Ha ngimɔ tunɔ pɛ ɔ fɛt, ɔ dung ha li fio hazu Jésus, tuka nde, tunɔ pɛa agbasi fin tɛ ha tɛ ɔ ka befe.

2 Korente 5:21

Christ tɛ de ma gdangamɔ ndang na. Ma, ngase ɛngi, Sɔ kuo gdangamɔ pɛ ɔ gde ha zu Christ tuka nde, ɔ adung nzeng ha li wa nɛ wal wɛnɛ.

Galasi 2:20

Sising, mi bo fin nɛ zutunɔ na, ma, yo tɛ bo nê Christ ka dung nɛ zutunɔ ha tɛ mi. Ngimɔ fɛt ka mi bhɔn nɛ zutunɔ ha nzan ɛngɛ, mi ha mɛkara *Bewei pɛ Sɔ, ka ngoya mi nɛ ka fea gɔn zu mi.

Efeze 3:17

Mi gɔ Sɔ nde, Christ ade le ha zang sila ɛnɛ hazu ɛnɛ mɛkara wɛnɛ. Mi gɔ fin nde, ɛnɛ adung nɛ nɔa ngi-ngi-ngi ha zang ngoy.

Filipe 1:23

Hazu, mi ha soko mɔ bwa: Mi nɛ hɛl mɛ fe nde, mi adung hinɛ Christ, ɛngi nɛ dedea pentɛ pet.

Filipe 3:9

nɛ dung tɛ ndang hinɛ wɛnɛ. Mi bo nzeng ha li Sɔ hazu mi ha pama mbonga na, ma, mi tɛ bo nzeng hazu mi mɛkara Christ. Yo nɛ wal mɛkara Christ, ka Sɔ gde wi nzeng ha li wa.

Kolose 1:27

Sɔ ngoya nde, mbwa aing lɛkɛ-lɛkɛ kpaamɔ ka wɛnɛ bhɔngara nɛ wuso hazu hio kandɔ fɛt. Kpaamɔa, yo nde, Christ ha dea le ha zang sila ɛnɛ. Yo nê ɛngi ka ɛnɛ lɛma gde tazu ɛnɛ ha tɛ wa nɛkpasa nde, wɛnɛ bekapini *lɛkɛ-lɛkɛmɔ pɛa hinɛ ɛnɛ.

1 Tesalonike 4:16

Ha swe ɛngi, Sɔ beha nu nɛ ngagɛl, hio wi beze gɛl kagama pɛ hio *telenge, nɛ gɛl dɔma mbia pɛ Sɔ. Nɛ Kongawan begutɛ nɛ tɛ wa ha ngɔn zil tɛ. Hio wi ndɔng ka fea ha mɛkara Christ, mbwa begutɛ ha soko hio fiowi sɔngsi.

Hebro 12:23

Ɛnɛ tiko nɛ hapɛtɛ wesara may yenga pɛ hio kay bem pɛ Sɔ, ka ling mbwa ha zang takarata ha ngɔn. Ɛnɛ tiko nɛ hapɛtɛ Sɔ ka gɔn kita ha zu hio wi fɛt, nɛ fin hapɛtɛ sɔtɛ hio *nzeng wi ka Sɔ lɛmsara mbwa wɛɛ kari.

Hebro 9:27

Wi ndang ndang fɛt befe hireng, nɛ hapata Sɔ begɔn kita ha zu mbwa.

Gbasamɔ 14:13

Hapata, mi zea ma gɛl ha zang ngɔn ka tɔa: «Mɛ ngɛriki mɔ nde: Angiri ha ngimɔ sising, hio wi fɛt ka befe hazu mbwa de sɔy hinɛ *Kongawan, mbwa adung nɛ totɛ!» Nɛ *Nzɔy-Sɔtɛ kɔa: «Ey, kpasawen, mbwa aɔm tɛ mbwa ha ngatom pɛ mbwa, hazu dede tom pɛ mbwa ha kɛa wen tɛ mbwa.»