Rome 7:4 - Takarata pɛ Sɔ Mbombe Mbon

⁴ Hio ya mi, yo fin gbesi nɛ ɛnɛ. Ɛnɛ tɛ bo nê hio fiowi ha li mbonga, hazu Christ fea gɔn nɛ zu ɛnɛ. Sising, ɛnɛ nê hio wi pɛ Christ, ka Sɔ guo wɛnɛ ha soko hio fiowi. Yo nê ɛngi, ka ɔ lɛma mɛ de dede tom ha Sɔ.

Rome 7:4 ပူးပေါင်းရင်းမြစ်များ

Matthieu 26:26

Ka mbwa boka ha yɔngamɔ, Jésus baa mampa. Wɛnɛ wola dede wen ha zua, nɛ a gbinɔ yo ha hio wan-yambimɔ pɛa nɛ tɔa: «Ɛnɛ ku yo yɔng, ɛngɛ nê tɛ mi.»

Marc 4:20

Fin, hio ma wi ang ka ba wen pɛ Sɔ tuka kpalmɔ ka teka ha dede nu. Yo nê wi ndɔng ka zea nɛ mɛkara wen pɛ Sɔ. Nɛ mbwa waya, ma bhukɔa tar, ma waya bhukɔa mɔrkɔ zu bhukɔa ndang, nɛ ma waya gɔmmay ndang.»

Jean 15:8

Ka ɛnɛ nê hio kpasa *wan-yambimɔ pɔm, ɛnɛ way dɔka waya. Yo nê mɛgi, ka ɛnɛ gbasi *lɛkɛ-lɛkɛmɔ pɛ Bafa mi ha hio wi.

Jean 3:29

Yo nê wan-sibhoko ka besi ko pɛa. Ma, dan mɛ wan-sibhoko nɛ totɛ ka wɛnɛ ze gɛl wa. Mɛgi, mi dung tuka dan mɛ wan-sibhoko, nɛ totɛ pɔm lɛma wɛɛ kari.

Jean 6:51

Mi nê yɔngamɔ ka ha tunɔ, ka zilo ha ngɔn tɛ. Wi ka beyɔng yo, bedung nɛ tunɔ kpoo. Yɔngamɔ ka mi beha, yo nê multɛ mi. Mi ha yo nde, hio wi mɔ nzan akpasi.»

Rome 6:11

Yo gbesi fin nɛ ɛnɛ. Ɛnɛ zɔk tɛ ɛnɛ tuka hio fiowi ka bo fin nê bala ha si gdangamɔ na, nɛ tuka hio tunɔ wi hazu Sɔ nɛ wal dea sɔy hinɛ Jésus-Christ.

Rome 6:14

Lɛma nde, gdangamɔ adung fin nɛ wan hazu ɛnɛ na, hazu ɛnɛ dung ha si dede sila pɛ Sɔ, bo fin ha si *mbonga na.

Rome 6:2

Way! Yo bo mɛgi na. Ɔ tɛ bo nê hio fiowi ka bo fin nê bala ha si gdangamɔ na. Ɔ bede fin mɛng mɛ bhɔn ha dea gdangamɔ, ge nde?

Rome 6:22

Sising, ɛnɛ bo fin nê bala ha si gdangamɔ na, ma, ɛnɛ tɛ bo nê bala pɛ Sɔ. Mɔ ka ɛnɛ kpaa ha lia, yo nde, ɛnɛ tɛ bo ha dea mɔ nɛ nzɔya, nɛ ɛnɛ bekpa *tunɔ kpoo ha kpogioa.

Rome 7:3

Ka wei bhɔna nɛ zutunɔ, nɛ ka ko pɛa ndari tɛ ha ma mbing wei, bhoko ɛngɛ dea wanza. Ma, ka wei fea kari, ko pɛa bo fin ha si mbonga ɛngɛ na. Ka wɛnɛ si ma mbing wei, yo bo fin nê dea wanza na.

Rome 7:6

Sising, ɔ bo fin nê bala ha si mbonga na, ɔ tɛ bo nê fiowi ha lia. Mbonga bo fin nɛ ziomɔ ha zu ɔ na. Mɛgi, ɔ ha dea tom ha Sɔ nɛ wal mbombe ndɔki deamɔ ka *Nzɔy-Sɔtɛ osi ha ɔ, yo bo fin nɛ wal mɔa ndɔki deamɔ pɛ mbonga pɛ Moïse na.

Rome 8:2

Hazu *mbonga ɛngɛ ka tɛ nɛ wal Nzɔy-Sɔtɛ, yo ha tunɔ ha wi ka de sɔy hinɛ Jésus-Christ. Mbonga ɛngɛ gbosasa mi ha si mbonga pɛ gdangamɔ, ka gde wi ha fio.

1 Korente 10:16

Ha tabolo pɛ *Kongawan, ɔ wol dede wen ha zu kɔpɔ. Bo nê kɔpɔ ɛngɛ osi nde, ɔ ha dea sɔy hinɛ Christ nɛ wal tɔktɛ wa, na nde? Bo nê mampa ka ɔ gbin, osi nde, ɔ ha dea sɔy hinɛ Christ nɛ wal multɛ wa, na nde?

2 Korente 11:2

Mi ha dea gula tɛ ɛnɛ, nɛ gula ɛngɛ tɛ nɛ wal Sɔ. Hazu ɛnɛ dung tuka bhinzi bhoko ka mi gɔna nu mɛ ha ha ma wei ndang, ka dung nê Christ.

Galasi 3:13

Christ gbosasa ɔ ha si fomi pɛ mbonga. A guo yo ha zu ɔ gde ha zu wa. Tuka takarata pɛ Sɔ tɔa: «Fomi baa wi ɛngɛ ka ɛ gɛsa ha te.»

Galasi 5:18

Ma, ka yo nê Nzɔy-Sɔtɛ ha ngbɔsi ɛnɛ, ɛnɛ bo fin ha si *mbonga na.

Efeze 2:15

A tukolo hio haanu nɛ hio mbɔla pɛ *mbonga pɛ hio zuife yunɛ. A dea mɛgi hazu wesiri hio zuife nɛ ɛ ndɔng ka bo nê zuife na, gde tuka mbombe wi ndang, ka de sɔy hinɛ wɛnɛ. Nɛ wal dea mɛgi a gdea gaamɔ ha soko mbwa.

Filipe 1:11

Ha swe ɛngi, tunɔ pɛ ɛnɛ bedon nɛ nzeng deamɔ ka Jésus-Christ dea nɛ wal ɛnɛ tuka nde, Sɔ akpa *lɛkɛ-lɛkɛmɔ nɛ lukosomɔ ang.

Filipe 4:17

Mi ngoy kpa mɔ ha kɔ ɛnɛ na, ma, mi ngoya nde, Sɔ akɛ ɛnɛ hebhe hazu hio dedemɔ ka ɛnɛ de.

Kolose 1:10

Mɛgi, ɛnɛ lɛma mɛ de mɔ ka Kongawan ngoya, nɛ ka ha totɛ fɛt ha wɛnɛ. Ɛnɛ bede nɛ hio tili dedemɔ fɛt, nɛ ɛnɛ being Sɔ nɛnɛ sɔngsi.

Kolose 1:22

Ma, sising nɛ wal Bewei pɛa ka yola tɛ wi nɛ ka fea, Sɔ bhɔngara soko ɛnɛ hinɛ wɛnɛ hazu gde ɛnɛ ha li wa nɛ nzɔya, nɛ saa, nɛ wen bo ha zu ɛnɛ na.

Kolose 1:6

Dede Wen ka hɔa ha pɛ ɛnɛ, ha yambala dam zu nzan fɛt, nɛ yo ha waya nɛ dede waya ha bhandi fɛt. Yo ha dea fin gbesi ha soko ɛnɛ, angiri ha bosi ngimɔ ka ɛnɛ zea wena, nɛ ka ɛnɛ ingɔ tɛwen nde, Sɔ ha dea *dede sila ha tɛ hio wi.

Kolose 2:14

Takarata ka fundi ɔ hazu hio sɛmbɔ ka ɔ de sungiri nɛ *mbonga, Sɔ ngbaa yo ha getakate. Mɛgi, wɛnɛ lɛm zɔk yo fin na.

Kolose 2:20

Ɛnɛ fea hinɛ Christ gbesi. Ɛnɛ bo fin ha si ziomɔ pɛ hio sɔtɛ mɔ nzan ɛngɛ na. Ma, ɛ dea mɛng, ka ɛnɛ ha dea mɔ tuka wi mɔ nzan ɛngɛ, ge nde? Hazu ge ɛnɛ mɛkara hio haanu tuka ɛngɛ, ka tɔ nde,

Hebro 10:10

Ɔ tɛ bo nɛ nzɔya ha li Sɔ, hazu Jésus-Christ haa tɛ wa nɛ sadaka ze ndang hireng tuka Sɔ ngoya.

1 Pierre 2:24

Ha getakate, Christ nɛ pɛa tɛ kuo *sɛmbɔ pɛ ɔ gde ha tɛ wa. A dea mɛgi tuka nde, ɔ adung tuka fiowi ka lɛm de gdangamɔ fin na, nɛ nde, ɔ adung tuka tunɔ wi ka de mɔ ka dung nzeng ha li Sɔ. Ɛnɛ kpasa nɛ wal dalɛ ndɔng ka wɛnɛ baa.

Gbasamɔ 19:7

Ɔ ade totɛ nɛ ɔ ade gaga! Ɔ aha *lɛkɛ-lɛkɛmɔ ha wɛnɛ! Hazu ngimɔ sio bhoko pɛ Besami hɔa kari, nɛ ko pɛa bhɔngara tɛ wa fɛt kari.

Gbasamɔ 21:9

Hapata, ma *telenge ndang tɛa ha pɔm. Wɛnɛ nê ma ndang ha soko ɛ ndɔng mɔrkɔ zanga bwa, ka baa ha kɔ mbwa hio kɔpɔ mɔrkɔ zanga bwa, ka dona nɛ hio kpogio kemɔ mɔrkɔ zanga bwa. A tɔa ha mi: «Mɛ tɛ ka mi aosi ha mɛ bhinzi bhoko ka bedung nê ko pɛ Besami.»