Rome 7:18 - Takarata pɛ Sɔ Mbombe Mbon

¹⁸ Hazu mi ingɔ nde, mi nê wi sɔna, dedemɔ bo ha dea le ha tɛ mi na. Tangere, mi nɛ hɛl mɛ de dedemɔ, ma, mi bo nɛ ngatɛ mɛ de yo na.

Rome 7:18 ပူးပေါင်းရင်းမြစ်များ

Matthieu 15:19

Hazu hio gdanga takaramɔ gutɛ ha sila. Mɛgi hio wi gbɛa may, dea wanza, dea li bhoko, zuo mɔ, gɔna yɛlɛ ha tɛ may, nɛ fɛngsa may.

Dede Wen hazu Jésus-Christ ka Luc ngɛraka 11:13

Ngase ɛnɛ, ka dung nê gdanga wi, ɛnɛ ingɔ haa dedemɔ ha bem pɛ ɛnɛ. Mɛgi, pen fɛt Bafa ɛnɛ ha kuso ngɔn beha *Nzɔy-Sɔtɛ ha wi ndɔng ka gɔ wɛnɛ.»

Jean 3:6

Wi ka ɛ bhɛ nɛ wal multɛ, wɛnɛ nɛ tunɔ nɛ wal multɛ. Nɛ wi ka ɛ bhɛ nɛ wal Nzɔy-Sɔtɛ, wɛnɛ nɛ tunɔ nɛ wal Nzɔy-Sɔtɛ.

Rome 13:14

Ma, ɛnɛ aku *Kongawan Jésus-Christ tuka mɔ-bibulo pɛ ɛnɛ. Ka ɛnɛ agde tɛ ɛnɛ ha hio wɔ tɛ ɛnɛ na.

Rome 7:15

Mɔ ka mi de, mi ing zu mi nɛ yo na. Mɔ ka mi ngoy mɛ de, mi de yo na. Ma, mɔ ka mi sɛn, yo nê ɛngi ka mi de.

Rome 7:19

Mi bo ha dea dedemɔ ka mi ngoy mɛ de na, ma, mi kpala tɛ de nɛ gdangamɔ ka mi kafa.

Rome 7:25

Mi ha lukoso Sɔ, hazu yo nê wɛnɛ ka kpasasa mi ang nɛ wal Jésus-Christ, *Kongawan pɛ ɔ. Mi zɔka nde, nɛ wal takaramɔ pɔm mi ngoy de tom ha mbonga pɛ Sɔ, ma, nɛ wal tɛ mi, mi ha dea tom ha mbonga pɛ gdangamɔ.

Rome 7:5

Sɔngsi, ha ngimɔ ka ɔ bade mɔ tuka sila ɔ ngoya, ɔ badung nɛ hɛl mɛ de hio ngbak gdangamɔ ndɔng ka mbonga kafi mɛ de yo. Hɛl dea mɛgi dea tom ha gbakɔtɛ ɔ fɛt, nɛ yo daka ɔ nɛnɛ ha fio.

Galasi 5:17

Hazu hɛl ndɔkitɛ ɔ sungiri nɛ mɔ ka Nzɔy-Sɔtɛ ngoya. Nɛ mɔ ka Nzɔy-Sɔtɛ ngoya, yo sungiri nɛ hɛl ndɔkitɛ ɔ. Hio mɔ ndɔng bwa ha bio bulo sungiri nɛ may. Hazu ɛngi, dedemɔ ka ɛnɛ bheki mɛ de, ɛnɛ lɛm de yo na.

Galasi 5:24

Hio wi pɛ Jésus-Christ gbɛa hio gdanga hɛl ndɔkitɛ mbwa fɛt ha getakate.

Filipe 2:13

Hazu yo nê Sɔ ka lɛmsiri mɔ ha tɛ ɛnɛ nde, ɛnɛ adung nɛ hɛl, nɛ ngatɛ mɛ lɛmsiri hio tom ka wɛnɛ weka hazu ɛnɛ.

Filipe 3:12

Mi tɛ lɛmsiri ka mɔ ndɔng soya na, nɛ mi tɛ lɛm ka wɛɛ na. Ma, mi bhɔna ha gbɛngsa tɛ mi mɛ lɛmsiri mɔ ndɔng, hazu Jésus-Christ lɛmsara mɔ fɛt nde, mi atɛ wi pɛa.

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

1 Pierre 4:2

Angiri sising, ha ngimɔ fɛt ka ɛnɛ bhɔna nɛ zutunɔ, dea nde, ɛnɛ ade sɔna nɛ mɔ ka Sɔ ngoya. Ka ɛnɛ ade fin hio mɔ ka tɛ ɛnɛ ngoya na.