Rome 7:15 - Takarata pɛ Sɔ Mbombe Mbon

¹⁵ Mɔ ka mi de, mi ing zu mi nɛ yo na. Mɔ ka mi ngoy mɛ de, mi de yo na. Ma, mɔ ka mi sɛn, yo nê ɛngi ka mi de.

Rome 7:15 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 11:48

Yo osi nde, ɛnɛ ha mɛla mbanzi hazu gdangamɔ ka hio ngbabafa ɛnɛ bade. Mbwa gbɛa hio wan-tɔkuliwen, nɛ ɛnɛ bhɔngara zupisia.

Jean 15:15

Mi sa ɛnɛ nde, hio wan-tom pɔm fin na, hazu wan-tom ing mɔ ka wan pɛa ha dea na. Ma, mi sa ɛnɛ nde, hio dan mi, hazu mi osa ha ɛnɛ hio mɔ fɛt ka Bafa mi osa ha mi.

Rome 12:9

Ɛnɛ ngoy hio wi nɛ ngoy ka bo nɛ sila bwa na. Ɛnɛ bhɛsiri dea gdangamɔ nɛkpasa. Nɛ ɛnɛ dolsi tɛ ɛnɛ ha mɔ ka dung nɛ dedea.

Rome 14:22

Mɔ ka mɛ nɛ pɛ mɛ tɛ mɛkiri ha wena, mɛ pam yo ha soko mɛ hinɛ Sɔ sɔna. Totɛ ha wi ka de mɔ ka wɛnɛ mɛkiri tuka dedemɔ, nɛ ka sila wa gɔn kita ba nɛ tɛ wa hazua na.

Rome 7:16

Ka mi de nɛ mɔ ka mi sɛn, yo osi nde, mi mɛkara mbonga tuka dedemɔ.

Galasi 5:17

Hazu hɛl ndɔkitɛ ɔ sungiri nɛ mɔ ka Nzɔy-Sɔtɛ ngoya. Nɛ mɔ ka Nzɔy-Sɔtɛ ngoya, yo sungiri nɛ hɛl ndɔkitɛ ɔ. Hio mɔ ndɔng bwa ha bio bulo sungiri nɛ may. Hazu ɛngi, dedemɔ ka ɛnɛ bheki mɛ de, ɛnɛ lɛm de yo na.

2 Timothée 2:19

Ma, tɛwen pɛ Sɔ dung tuka nga nanga twa ka ɛ gɔna ha tɛa nde, «*Kongawan ingɔ hio wi pɛa», nɛ nde, «Hio wi fɛt ka sa ling Kongawan hazu dung nê pɛa, mbwa alak dea gdangamɔ gde.»

Hebro 1:9

Mɛ ngoy nɛ nzengmɔ, nɛ mɛ sɛn kpandele. Yo nê hazu ɛngi ka Sɔ, Sɔ pɛ mɛ, hɔnga mɛ nɛ nɔ yenga ha soko hio sɔy pɛ mɛ.»

Jacques 3:2

Ɔ hinɛ ɛnɛ fɛt ha yɔa mɔ nɛdɔka. Ka ma wi yɔ mɔ nɛ wal wen nu wa na, wɛnɛ lɛma wɛɛ, nɛ a ingɔ gana zu tɛ wa fɛt.

Jude 1:23

Ɛnɛ akpasisi hio ma gbo ha we mɔ kita pɛ Sɔ. Hio ma wi ang fin ka ɛnɛ lɛma mɛ de kobhe tɛ mbwa. Ma, ɛnɛ pangay, yu nde mbwa betɛ dak ɛnɛ pi ha dea gdangamɔ.