Rome 6:23 - Takarata pɛ Sɔ Mbombe Mbon

²³ Kpasawen, mɔ-kɛ *wan-de gdangamɔ, yo nê fio. Ma, dede haamɔ ka Sɔ ha nɛ gangtɛ, yo nê tunɔ kpoo ha dea sɔy hinɛ Jésus-Christ, *Kongawan pɛ ɔ.

Rome 6:23 ပူးပေါင်းရင်းမြစ်များ

Matthieu 25:46

Nɛ wi ndɔng benɛ ha bhandi ndulsi mɔ kpoo. Ma, hio nzeng wi benɛ ha bhandi *tunɔ kpoo.»

Jean 10:28

Mi ha mbwa *tunɔ kpoo. Mbwa lɛm fe na, nɛ ma wi lɛm zin mbwa ha kɔ mi yunɛ na,

Jean 17:2

Mɛ haa mi ziomɔ ha zu hio wi fɛt tuka nde, mi aha *tunɔ kpoo ha hio wi ndɔng ka mɛ gdea ha kɔ mi.

Jean 3:36

Wi ka mɛkiri Bewei, wɛnɛ nɛ *tunɔ kpoo. Ma, wi ka ze nu Bewei na, a lɛm kpa tunɔ na. Ma, ngambi pɛ Sɔ bebhɔn ha zu wa.»

Jean 4:14

Ma, wi ka benɔ li ka mi beha ha wɛnɛ, wɔ li lɛm mɛ de wɛnɛ fin na. Hazu li ka mi beha ha wɛnɛ, yo bekifiri nzɔngɛ nawuya ha sila wa ka ha wɛnɛ *tunɔ kpoo.»

Jean 4:36

Wan-bhi kpalmɔ kpa kɛamɔ sising, nɛ wɛnɛ ha bhio mɔ hazu tunɔ kpoo. Mɛgi, wan-pɛ kpalmɔ nɛ wan-bhi waya, mbwa bede totɛ gbesi.

Jean 5:24

«Kpasawen, mi tɔ ha ɛnɛ nde, wi ka ze wen pɔm nɛ ka mɛkiri Sɔ ka tomsa mi, a bedung nɛ *tunɔ kpoo. Sɔ lɛm gɔn kita ba wɛnɛ fin na. Mɛgi, wia laka fio gde kari, nɛ a tɛ bo nɛ tunɔ.

Jean 6:27

Ka ɛnɛ agbɛngsi tɛ hazu kpa nɛ yɔngamɔ ka beyek na. Ma, ɛnɛ gbɛngsi tɛ hazu kpa yɔngamɔ ka bebhɔn nɛ ka beha ɛnɛ *tunɔ kpoo. Mi, *Bewei pɛ Wi, beha yo ha ɛnɛ, hazu Sɔ, Bafa mi, gdea ziomɔ pɛa ha kɔ mi.»

Jean 6:40

Bafa mi ngoya nde, wi ndang ndang fɛt ka zɔk Bewei pɛa, nɛ ka mɛkiri wɛnɛ, akpa tunɔ kpoo. Nɛ mi betunsi mbwa ha soko hio fiowi ha kpogio ngimɔ.»

Jean 6:68

Nɛ Simon Pierre kiforo wen ha wɛnɛ: «*Kongawan, ɔ betɛ lak mɛ gde, tɛ nɛ ha pɛ o? Yo nê wen pɛ mɛ, ka dung nê wen ka ha tunɔ kpoo.

Rome 1:32

Hio wi ndɔng ki ingɔ *mbonga pɛ Sɔ, ka tɔ nde, hio wi ka de tili deamɔ mɛgi, mbwa lɛma nɛ kita fio. Ngase ɛngi, mbwa bhɔna ka ha dea mɔ ndɔng. Nɛ pen fɛt, ka mbwa zɔk hio ma wi ha dea gdangamɔ, mbwa ha lukoso hio wia.

Rome 2:7

Hio wi ndɔng ka de dedemɔ nɛ yikosila tuka nde, mbwa akpa ha kɔ Sɔ lukosomɔ, *lɛkɛ-lɛkɛmɔ, nɛ tunɔ ka bebhɔn, Sɔ beha mbwa *tunɔ kpoo.

Rome 5:12

Yo gbesi tuka ɛngɛ: Gdangamɔ lea zang nzan nɛ wal ma wei ndang ka dea gdangamɔ. Ling wei ɛngɛ nde, Adam. Nɛ gdangamɔa daka fio tɛ pi ha soko hio wi, hazu mbwa fɛt dea gdangamɔ.

Rome 5:17

Kpasawen, nɛ wal wi ndang, nɛ wal gdangamɔ pɛa ndang, fio ha gana zu hio wi fɛt. Ma, nɛ wal wi ndang, Jésus-Christ, ɔ ha kpaa dedemɔ pentɛ pet. Yo tɔ nde, Sɔ ha dea dede sila ha tɛ ɔ nɛkpasa, nɛ wɛnɛ gdea ɔ nzeng ha li wa. Mɛgi, ɔ began zu gdangamɔ nɛ fio fɛt nɛ wal Jésus-Christ.

Rome 5:21

Sɔngsi, gdangamɔ dungɔ nɛ ngatɛ mɛ gde hio wi ha fio. Sising, dede sila pɛ Sɔ nɛ ngatɛ mɛ gde hio wi nzeng ha li wa. Sɔ ha dea dede sila ha tɛ ɔ mɛgi nde, ɔ akpa *tunɔ kpoo nɛ wal *Kongawan pɛ ɔ, Jésus-Christ.

Rome 6:16

Ɛnɛ ingɔ nɛdedea nde, wi ka ɛnɛ mɛkiri mɛ ze nu wa tuka wan pɛ ɛnɛ, ɛnɛ tɛ bo nê bala pɛa. Ɛngɛ tɔ nde, ka ɛnɛ mɛkiri mɛ dung ha si gdangamɔ, yo bedak ɛnɛ pi ha fio. Ma, ka ɛnɛ mɛkiri mɛ ze nu Sɔ, wɛnɛ begde ɛnɛ nzeng ha li wa.

Rome 6:21

Ɛnɛ dungɔ ha dea hio mɔ ka pi foy ha li ɛnɛ sising. Mɛgi, ɛnɛ kpaa nɛ nge tɛ mɔ ha lia ge? Mɔ ndɔng ki dak nɛ fio pi ha zu ɛnɛ.

Rome 8:13

Ka ɛnɛ de mɔ nɛ tɛ ɛnɛ, ɛnɛ befe. Ma, ka ɛnɛ gbɛ hio gdanga ndɔkitɛ ɛnɛ nɛ wal ngatɛ pɛ Nzɔy-Sɔtɛ, ɛnɛ bedung nɛ zutunɔ.

Rome 8:38

Hazu mi ingɔ nɛdedea nde, ngase fio, ngase tunɔ, ngase hio *telenge, ngase hio sɔtɛ gan zu mɔ, ngase hio mɔ ngimɔ ɛngɛ sising, ngasɛ hio mɔ ngimɔ ka betɛ bin, ngase hio nga sɔtɛ,

Rome 8:39

ngase hio mɔ ha kuso ngɔn, ngase hio mɔ ha si nu fɛt lɛm kɛtini soko ɔ hinɛ ngoy pɛ Sɔ na. A gbasa ngoy ɛngɛ nɛ wal *Kongawan pɛ ɔ, Jésus-Christ.

Rome 8:6

Wi ka de mɔ nɛ tɛ wa, wɛnɛ befe. Ma, wi ka de mɔ nɛ Nzɔy-Sɔtɛ, wɛnɛ bekpa tunɔ nɛ gaamɔ.

Galasi 3:10

Ma, ka bo nê pɛ wi ndɔng ka gde tazu mbwa ha dea mɔ lɛm nɛ mbonga, fomi pɛ Sɔ baa mbwa kari. Hazu takarata pɛ Sɔ tɔa: «Fomi aba wi ɛngɛ ka bo ha dea mɔ lɛm nɛ hio wen ha zang takarata mbonga pɛ Moïse wɛɛ na.»

Tite 1:2

Mɛgi hio wi ndɔng begde tazu mbwa ha tɛ Sɔ nde, a beha mbwa *tunɔ kpoo. Gde ka Sɔ tɛ de ka nzan na, a bagɔn nu mɛ ha ɔ tunɔ kpoo. Nɛ Sɔ bo nê wan-tɔ dalo na.

Jacques 1:15

Hapata gdanga golamɔ beba zang, nɛ yo bebhɛ *sɛmbɔ. Nɛ ka sɛmbɔ kpɔatɛ kari, yo bebhɛ fio.

1 Jean 2:25

Nɛ wal dea sɔy ɛngɛ ɔ kpaa *tunɔ kpoo, ka Bewei pɛ Sɔ gɔna nua mɛ ha yo ha ɔ.

Gbasamɔ 21:8

Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»