Rome 6:16 - Takarata pɛ Sɔ Mbombe Mbon

¹⁶ Ɛnɛ ingɔ nɛdedea nde, wi ka ɛnɛ mɛkiri mɛ ze nu wa tuka wan pɛ ɛnɛ, ɛnɛ tɛ bo nê bala pɛa. Ɛngɛ tɔ nde, ka ɛnɛ mɛkiri mɛ dung ha si gdangamɔ, yo bedak ɛnɛ pi ha fio. Ma, ka ɛnɛ mɛkiri mɛ ze nu Sɔ, wɛnɛ begde ɛnɛ nzeng ha li wa.

Rome 6:16 ပူးပေါင်းရင်းမြစ်များ

Matthieu 20:4

A tɔa ha mbwa: ‹Ɛnɛ nɛ ha gɔma fɔ pɔm, nɛ mi beha ɛnɛ mbɔli ka lɛma.›

Matthieu 6:24

«Bala ndang lɛm dung nɛ wan bwa na. Hazu, a bengoy ma ndang nɛ sɛn mbinga, mana a beze nu ma ndang nɛ de kpandele sungiri nɛ mbinga. Ɛnɛ lɛm de tom ha kɔ Sɔ nɛ ha kɔ mbɔli na.»

Jean 8:34

Jésus kiforo wen ha mbwa: «Mi tɔ kpasawen ha ɛnɛ nde, wi ndang ndang fɛt ka de gdangamɔ, mbwa nê bala ha si gdangamɔ.

Rome 11:2

Kandɔ pɛa ka wɛnɛ baweki sɔngsi bhee, Sɔ tɛ mul mbwa pi na. Takarata pɛ Sɔ tɔa wen hazu *wan-tɔkuliwen *Elie, ka taatɛ ha Sɔ hazu gdanga deamɔ pɛ kandɔ Israel. Bo nê ɛnɛ ingɔ wen ɛngɛ na nde? A tɔa:

Rome 12:1

Hio ya mi, Sɔ dea *dede sila ha tɛ ɔ, mɛgi mi mbo ɛnɛ nde, ɛnɛ aha tɛ ɛnɛ fɛt ha Sɔ tuka nzɔy sadaka ka dung nɛ tunɔ. Tili sadaka ɛngɛ ha totɛ ha wɛnɛ. Ɛngɛ nê tɛ kpasa wal pɛ ɛnɛ mɛ de tom Sɔ.

Rome 6:17

Sɔngsi, ɛnɛ badung nê hio bala ha si gdangamɔ. Ma, sising, ɔ tɔ oeba ha Sɔ hazu ɛnɛ tɛ bo ha pama nɛ sila ɛnɛ fɛt mbombe osamɔ, ka Sɔ osa ha ɛnɛ.

1 Korente 3:16

Bo nê ɛnɛ ingɔ nde, ɛnɛ nê twa pɛ Sɔ, nɛ Sɔtɛ pɛ Sɔ ha dea le ha sila ɛnɛ, na nde?

1 Korente 5:6

Ma mɔ ka ɛnɛ lɛma sutɛ hazua bona. Ɛnɛ ingɔ zɛngwen ka tɔ nde: «Yina hasisi mampa tikiring lɛma hasisi gasa mbɔrɔa fɛt.»

1 Korente 6:2

Ɛnɛ tɛ ing nde, yo nê hio wi pɛ Sɔ ha begɔn bin kita ha zu hio wi mɔ nzan, na nde? Nɛ ka yo nê ɛnɛ ka begɔn bin kita ha zu hio wi mɔ nzan, hazu ge ɛnɛ lɛm gɔn kita ha zu hio bebe wen ndɔng na, ge nde?

1 Korente 6:3

Nɛ ɛnɛ tɛ ing nde, yo nê ɔ hinɛ ɛnɛ ha begɔn bin kita ha zu hio *telenge pɛ Sɔ, na nde? Ey, ɛngi osi nde, ɔ lɛma gɔn kita ha zu hio wen mɔ nzan ɛngɛ nɛdedea.

1 Korente 6:9

Ɛnɛ ingɔ nɛdedea nde, hio *wan-de gdangamɔ lɛm mɛ kpa bhandi ha *Kongakandɔ pɛ Sɔ na. Ka ɛnɛ aosili tɛ ɛnɛ na. Hio wi ka de mɔ nyɛl, ka de tom gbele sɔ, ka de wanza, ka ɔnu nɛ bhobem mana nɛ ma mbwa wei,

1 Korente 9:13

Hio wi ndɔng ka de tom ha zang *gasa twa Sɔ, mbwa kpa yɔngamɔ ha mɔ-kɔ ka hio wi ha haki. Nɛ hio wi ndɔng ka de tom ha bhandi ha sadaka, mbwa kpa fin ma bhalkɔ sadaka mɛ yɔng. Ɛnɛ ingɔ yo, na nde?

1 Korente 9:24

Ɛnɛ ingɔ nde, yo nê dɔka wi ha sɔwi ha kpakpay. Ma, wan-gan kpakpay ka kpa kɛamɔ, wɛnɛ nê ndang sɔna. Mɛgi, ɛnɛ ngasisi tɛ ɛnɛ tuka nde, ɛnɛ akpa kɛamɔ.

2 Pierre 2:19

Hio wan-osimɔ dalo ndɔng ha gɔna nu ha mbwa nde, mbwa bedung sɛɛ. Ma, mbwa nɛ pɛ mbwa tɛ nê bala ha si wɔ dea mɔ ka begdangsi mbwa. Hazu wi ndang ndang fɛt nê bala ha si mɔ ka gan zu wa.