Rome 5:8 - Takarata pɛ Sɔ Mbombe Mbon

⁸ Ma, Christ fea gɔn nɛ zu ɔ ha ngimɔ ka ɔ bhɔna ka nê hio wan-de gdangamɔ. Nɛ wal ɛngi Sɔ gbasa ha ɔ nde, a ngoya ɔ gdang.

Rome 5:8 ပူးပေါင်းရင်းမြစ်များ

Jean 15:13

Ma gasa ngoy ka pen pɛ wi kɛ ka fe gɔn zu hio ya wa bona.

Jean 3:16

Hazu Sɔ ngoya nzan gdang, mɛgi a haa ndanga bewei pɛa, tuka nde, wi ndang ndang fɛt ka mɛkiri wɛnɛ afe na, ma, a bedung nɛ tunɔ kpoo.

Rome 3:5

Hio ma wi ha tɔa nde, ka deamɔ pɛ mbwa bo nzeng na, yo nê ma dedemɔ, hazu ɛngi osi long nde, deamɔ pɛ Sɔ nɛ nzeng. Mɛgi, mbwa bhɔna ha tɔa nde, ka Sɔ bendulsi mbwa ha li kita pɛa, wɛnɛ bo fin nɛ nzeng na.

Rome 4:25

Sɔ haa wal nde, Jésus afe gɔn nɛ zu gdangamɔ ka ɔ dea. Nɛ a guo wɛnɛ ha soko hio fiowi tuka nde, ɔ akpa wal mɛ dung nzeng ha li wa.

Rome 5:20

Sɔ baha mbonga ha Moïse tuka nde, dea gdangamɔ pɛ hio wi ayɛbhi. Ma, ha bhandi ka gdangamɔ yɛbha ang, Sɔ dea dede sila ha tɛ hio wi haki pen mɔ sɔngsi fin.

Rome 5:6

Sɔngsi, ha ngimɔ ka ɔ tɛ kpa ka ngatɛ na, Christ tɛa tɛ fe gɔn zu ɔ, hio *wan-de gdangamɔ, ha ngimɔ ka Sɔ baweki.

Rome 5:7

Ngase ka ma wi dung nzeng, yo nɛ ngaya mɛ kpa wi ka mɛkiri mɛ fe gɔn nɛ zu wi ɛngɛ. Mana, ma wi lɛma ba da mɛ fe gɔn nɛ zu ma dede wi.

Rome 8:32

Sɔ tɛ kafi nde, ngbak Bewei pɛa afe gɔn zu ɔ, na. A haa Bewei pɛa ha ɔ, yo osi long nde, a beha ɔ fin hio mbing mɔ fɛt.

Rome 8:39

ngase hio mɔ ha kuso ngɔn, ngase hio mɔ ha si nu fɛt lɛm kɛtini soko ɔ hinɛ ngoy pɛ Sɔ na. A gbasa ngoy ɛngɛ nɛ wal *Kongawan pɛ ɔ, Jésus-Christ.

Galasi 2:20

Sising, mi bo fin nɛ zutunɔ na, ma, yo tɛ bo nê Christ ka dung nɛ zutunɔ ha tɛ mi. Ngimɔ fɛt ka mi bhɔn nɛ zutunɔ ha nzan ɛngɛ, mi ha mɛkara *Bewei pɛ Sɔ, ka ngoya mi nɛ ka fea gɔn zu mi.

Efeze 2:7

Sɔ dea dedemɔ ha tɛ ɔ mɛgi nɛ wal Jésus-Christ hazu osi ha hio wi ha ngimɔ ka betɛ bin nde, wɛnɛ nê gasa wan-de dede sila pentɛ pet.

Efeze 5:2

Ha zang deamɔ pɛ ɛnɛ fɛt, lɛma nde, ɛnɛ abhɔn ka ha ngoya hio ma ɛnɛ. Ɛnɛ de mɔ gbesi tuka Christ ka ngoya ɔ, nɛ ka fea gɔn zu ɔ. Fio pɛa dung tuka dede sadaka ka pɛla dung nɛ kuloa siing, nɛ ka ha totɛ ha Sɔ.

1 Timothée 1:16

Ma, yo nê ɛngi, ka Jésus-Christ dea kobhe tɛ mi hazu osi long nde, wɛnɛ baa sila wa nɛ mi, gasa wan-de gdangamɔ pen fɛt. Mɛgi, nɛ wal mi, hio wi being nde, mbwa fɛt lɛma mɛkiri wɛnɛ, nɛ mbwa fɛt lɛma kpa *tunɔ kpoo.

Hebro 8:3

Sɔ gdea hio gasa wan-hasadaka fɛt ha tom haa hio haamɔ nɛ hio sadaka ha wɛnɛ. Mɛgi lɛma nde, gasa wan-hasadaka pɛ ɔ fin akpa ma mɔ mɛ ha ha Sɔ.

1 Pierre 3:18

Hazu Christ fea ze ndang hireng gɔn zu *sɛmbɔ pɛ hio wi. Wɛnɛ ka dung nê nzeng wi, fea gɔn zu ɔ, hio *kalbho-kalbho wi hazu ku ɔ nɛnɛ ha pɛ Sɔ. Hio wi gbɛa tɛ wa, ma, Sɔ tunso wɛnɛ nɛ mbinga nɛ wal *Nzɔy-Sɔtɛ.

1 Jean 3:16

Jésus-Christ tɛa tɛ fe gɔn zu ɔ. Yo nê ɛngi, ka ɔ ingɔ tɛ kpasa ngoy. Mɛgi, lɛma nde, ɔ fin afe gɔn zu hio ya ɔ.