Rome 5:18 - Takarata pɛ Sɔ Mbombe Mbon

¹⁸ Gdangamɔ pɛ wi ndang dea nde, hio wi fɛt adung ha si kita pɛ Sɔ. Gbesi tuka ɛngi, nzeng deamɔ pɛ wi ndang, Jésus-Christ, dea nde, hio wi fɛt adung nzeng ha li Sɔ, nɛ mbwa adung nɛ zutunɔ.

Rome 5:18 ပူးပေါင်းရင်းမြစ်များ

Jean 1:7

Wɛnɛ tɛa ha bulo wen saamɔ ɛngɛ ha hio wi tuka nde, mbwa amɛkiri yo nɛ wal wen nu wa.

Jean 12:32

Nɛ ka ɛ guo mi gde ha ngɔn kari, mi bedak hio wi fɛt tɛnɛ ha pɔm.»

Jean 3:26

Mɛgi mbwa nɛa ha pɛ Jean nɛ mbwa tɔa ha wɛnɛ: «Wan-osimɔ, wi kɛ ka mɛ tɔa wen pɛa ha ɔ, ka dungɔ hinɛ mɛ ha kuli Jourdain, a tɛ bo ha gdumso hio wi ha li. Hio dɔka wi zuro may nɛ ha pɛa.»

Deamɔ 13:39

Ma, wi ndang ndang fɛt ka mɛkara Jésus, Sɔ dea nde, mbwa apen sɛɛ ha li kita pɛa kari.

Rome 3:25

Sɔ haa Jésus nɛ sadaka. Nɛ wal fio pɛa, Jésus kpea sɛmbɔ pɛ hio wi ka mɛkiri wɛnɛ. Yo nê ɛngi, ka Sɔ osa nde, wɛnɛ nɛ nzeng. Ha ngimɔ sɔngsi wɛnɛ baa sila wa nɛ kɔ, nɛ wɛnɛ tɛ gɔn kita ha zu hio *wan-de gdangamɔ na. Ma, ha ngimɔ sising, wɛnɛ gbasa wal ka wɛnɛ gde nɛ wi nzeng ha li wa. Ɛngi osi nɛkpasa nde, Sɔ nɛ nzeng, nɛ hio wi ka mɛkiri Jésus, wɛnɛ gde mbwa nzeng ha li wa.

Rome 4:25

Sɔ haa wal nde, Jésus afe gɔn nɛ zu gdangamɔ ka ɔ dea. Nɛ a guo wɛnɛ ha soko hio fiowi tuka nde, ɔ akpa wal mɛ dung nzeng ha li wa.

Rome 5:12

Yo gbesi tuka ɛngɛ: Gdangamɔ lea zang nzan nɛ wal ma wei ndang ka dea gdangamɔ. Ling wei ɛngɛ nde, Adam. Nɛ gdangamɔa daka fio tɛ pi ha soko hio wi, hazu mbwa fɛt dea gdangamɔ.

Rome 5:15

Gdangamɔ ka Adam dea, nɛ dedemɔ ka Sɔ dea nɛ gangtɛ, zio mɔ ndɔng bwa nɛtɛ-nɛtɛ. Kpasawen, nɛ wal wi ndang ka dea gdangamɔ, hio dɔka wi fea. Ma, nɛ wal wi ndang, Jésus-Christ, Sɔ ha dea *dede sila ha tɛ hio dɔka wi nɛ gangtɛ. Nɛ dede sila ɛngɛ, yo nɛ zioa pen mɔ fɛt.

Rome 5:19

Hio wi fɛt tɛ bo nê hio *wan-de gdangamɔ hazu ndanga wi ɛngɛ ka kafa nu Sɔ. Gbesi tuka ɛngi, hio dɔka wi tɛ bo nê *nzeng wi ha li Sɔ hazu ndanga wi ɛngɛ ka zea nu Sɔ.

Rome 6:14

Lɛma nde, gdangamɔ adung fin nɛ wan hazu ɛnɛ na, hazu ɛnɛ dung ha si dede sila pɛ Sɔ, bo fin ha si *mbonga na.

1 Korente 15:22

Hio wi fɛt befe hazu mbwa fɛt nê sɔy pɛ Adam. Gbesi tuka ɛngi, wi fɛt ka de sɔy hinɛ Christ bekpa fin tunɔ nɛ mbinga.

Hebro 2:9

Ma, mɔ ka ɔ zɔka, yo nê ɛngɛ: Sɔ bagde Jésus ha si hio telenge ma bengimɔ, nɛ a haa wɛnɛ lɛkɛ-lɛkɛmɔ nɛ lukosomɔ, hazu wɛnɛ kpaa yimtɛ fio. Ey, Sɔ ngoya nɛ wal *dede sila pɛa nde, wɛnɛ afe gɔn nɛ zu hio wi fɛt.

2 Pierre 1:1

Yo nê mi, Simon-Pierre, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ fin *wan-nɛtom pɛa. Sɔ pɛ ɔ, nɛ *Wan-kpasisi ɔ, Jésus-Christ nɛ nzeng. Yo nê hazu ɛngi, ka ɔ hinɛ ɛnɛ fɛt gbesi, kpaa dede wal mɛ mɛkiri wɛnɛ.

1 Jean 2:20

Pɛ ɛnɛ, Christ haa *Nzɔy-Sɔtɛ ha ɛnɛ kari. Mɛgi, ɛnɛ fɛt, ɛnɛ ingɔ tɛwen.