Rome 5:17 - Takarata pɛ Sɔ Mbombe Mbon

¹⁷ Kpasawen, nɛ wal wi ndang, nɛ wal gdangamɔ pɛa ndang, fio ha gana zu hio wi fɛt. Ma, nɛ wal wi ndang, Jésus-Christ, ɔ ha kpaa dedemɔ pentɛ pet. Yo tɔ nde, Sɔ ha dea dede sila ha tɛ ɔ nɛkpasa, nɛ wɛnɛ gdea ɔ nzeng ha li wa. Mɛgi, ɔ began zu gdangamɔ nɛ fio fɛt nɛ wal Jésus-Christ.

Rome 5:17 ပူးပေါင်းရင်းမြစ်များ

Matthieu 25:34

Nɛ mi, *Kongawan, betɔ ha wi ndɔng ha wekɔ mi: ‹Sɔ, Bafa mi, wola dede wen ha zu ɛnɛ. Mɛgi ɛnɛ tɛ tɛ kpa dede mɔ pɛ *Kongakandɔ pɛ Sɔ, ka wɛnɛ bhɔngara bingiri hazu ɛnɛ ha ngimɔ ka wɛnɛ dea nɛ nzan.

Jean 10:10

Wanzu tɛ sɔna hazu zu mɔ, nɛ gbɛ, nɛ bhondisi. Ma, pɔm, mi tɛa tuka nde, hio wi akpa tunɔ, nɛ tunɔ ka lɛma wɛɛ.

Rome 5:12

Yo gbesi tuka ɛngɛ: Gdangamɔ lea zang nzan nɛ wal ma wei ndang ka dea gdangamɔ. Ling wei ɛngɛ nde, Adam. Nɛ gdangamɔa daka fio tɛ pi ha soko hio wi, hazu mbwa fɛt dea gdangamɔ.

Rome 5:15

Gdangamɔ ka Adam dea, nɛ dedemɔ ka Sɔ dea nɛ gangtɛ, zio mɔ ndɔng bwa nɛtɛ-nɛtɛ. Kpasawen, nɛ wal wi ndang ka dea gdangamɔ, hio dɔka wi fea. Ma, nɛ wal wi ndang, Jésus-Christ, Sɔ ha dea *dede sila ha tɛ hio dɔka wi nɛ gangtɛ. Nɛ dede sila ɛngɛ, yo nɛ zioa pen mɔ fɛt.

Rome 5:20

Sɔ baha mbonga ha Moïse tuka nde, dea gdangamɔ pɛ hio wi ayɛbhi. Ma, ha bhandi ka gdangamɔ yɛbha ang, Sɔ dea dede sila ha tɛ hio wi haki pen mɔ sɔngsi fin.

Rome 6:14

Lɛma nde, gdangamɔ adung fin nɛ wan hazu ɛnɛ na, hazu ɛnɛ dung ha si dede sila pɛ Sɔ, bo fin ha si *mbonga na.

Rome 6:23

Kpasawen, mɔ-kɛ *wan-de gdangamɔ, yo nê fio. Ma, dede haamɔ ka Sɔ ha nɛ gangtɛ, yo nê tunɔ kpoo ha dea sɔy hinɛ Jésus-Christ, *Kongawan pɛ ɔ.

Rome 8:39

ngase hio mɔ ha kuso ngɔn, ngase hio mɔ ha si nu fɛt lɛm kɛtini soko ɔ hinɛ ngoy pɛ Sɔ na. A gbasa ngoy ɛngɛ nɛ wal *Kongawan pɛ ɔ, Jésus-Christ.

1 Korente 15:49

Tuka ɔ baa tɛ nɛ wi ɛngɛ ka tɛa nɛ wal nu, ɔ beba fin tɛ nɛ wi ɛngɛ ka tɛa nɛ wal ngɔn gbesi.

1 Korente 4:8

Pɛ ɛnɛ, ɛnɛ ha takara nde, ɛnɛ kpaa mɔ fɛt kari. Nɛ nde, ɛnɛ tɛ bo nê hio gasa wan-kpamɔ. Nɛ fin nde, ɛnɛ tɛ bo nê hio *kongapora lak ɔ gde. Ey, mi ngoya nde, ɛnɛ atɛ hio kpasa kongapora, ka ɔ adung kongapora hinɛ ɛnɛ gbesi.

Filipe 3:9

nɛ dung tɛ ndang hinɛ wɛnɛ. Mi bo nzeng ha li Sɔ hazu mi ha pama mbonga na, ma, mi tɛ bo nzeng hazu mi mɛkara Christ. Yo nɛ wal mɛkara Christ, ka Sɔ gde wi nzeng ha li wa.

1 Timothée 1:14

Kongawan pɛ ɔ, Jésus-Christ, dea *dede sila ha tɛ mi pentɛ: A haa mi mɛkaramɔ nɛ ngoy ka tɛ nɛ wal dea sɔy hinɛ wɛnɛ.

2 Timothée 2:12

Ka ɔ ba sila ɔ ha zang yeksamɔ, ɔ bedung nê kongapora hinɛ wɛnɛ fin. Ka ɔ kafa wɛnɛ, a bekafi ɔ fin.

Jacques 2:5

Hio ya mi ka mi ngoya gdang, ɛnɛ ze nɛdedea: Sɔ weka hio fabha wi mɔ nzan nde, mbwa adung nê wan-kpamɔ nɛ wal mɛkara Jésus-Christ, nɛ nde, mbwa akpa Kongakandɔ pɛa, ka wɛnɛ bagɔn nua mɛ ha nɛ likɔ ha hio wi ka ngoy wɛnɛ.

1 Pierre 2:9

Ma, pɛ ɛnɛ, ɛnɛ nê kandɔ ka Sɔ weka. Ɛnɛ nê hio konga wan-hasadaka. Ɛnɛ nê nzɔy kandɔ, ka Sɔ gdea nɛtɛ hazu wa nɛ pɛa tɛ. Wɛnɛ saa ɛnɛ gbo ha tutum hazu lesisi ɛnɛ ha zang gasa saamɔ pɛa tuka nde, ɛnɛ aba kasi hio gasa mɔ ka wɛnɛ dea.

Gbasamɔ 1:6

A weka ɔ gde kongakandɔ pɛa, nɛ a gdea ɔ fin hio wan-hasadaka ka de tom ha Sɔ, Bafa wa. *Lɛkɛ-lɛkɛmɔ nɛ ziomɔ ha kɔ wa kpoo nɛ kpoo! Amen.

Gbasamɔ 20:4

Hapata, mi zɔka hio solowan. Hio wi ka dungɔnu ha zua, kpaa ziomɔ mɛ gɔn kita. Mi zɔka fin sɔtɛ hio wi ndɔng ka ɛ bagdɛngiri gɛl mbwa, hazu mbwa bapam tɛwen ka Jésus kɛ wena, nɛ hazu mbwa babul wen pɛ Sɔ. Mbwa tɛ lukisi ngase ngɔnzu, ngase zizi tɛ wa na, nɛ mbwa bakafi mɛ kpa dafu ling ngɔnzu ha sɔngsi mbwa mana ha kɔ mbwa. Mbwa fɛt guotɛ nɛ tunɔ, nɛ mbwa tɛ bo nê hio *kongapora hinɛ Christ lɛm bɛlɛ tomay ndang.

Gbasamɔ 20:6

Totɛ ha hio wi ndɔng ka begutɛ ha bosi guotɛ ɛngɛ, mbwa bedung nê hio nzɔy wi pɛ Sɔ. Zebwa fio bo nɛ ziomɔ hazu mbwa na. Mbwa bedung nê hio wan-hasadaka pɛ Sɔ nɛ pɛ Christ, nɛ mbwa bedung nê kongapora hinɛ Christ ha hio bɛlɛ ndɔng tomay ndang.

Gbasamɔ 22:5

Zɛ bo fin na, nɛ hio wi bo fin nɛ hɛl yolo lamba mana yolo swe na, hazu Kongawan Sɔ nɛ tɛ wa beba ha zu mbwa tuka saamɔ. Nɛ mbwa bedung kongapora kpoo nɛ kpoo.

Gbasamɔ 3:21

«Wi fɛt ka began zu mɔ, mi beha mbwa wal nde, mbwa atɛ tɛ dungnu hinɛ mi ha solowan pɔm. Tuka mi fin, mi gana zu mɔ, nɛ mi ha dungɔnu hinɛ Bafa mi ha solowan pɛa.