Rome 4:21 - Takarata pɛ Sɔ Mbombe Mbon

²¹ A dungɔ nɛ nɔa nging ha gdea tazu wa ha tɛ Sɔ nde, Sɔ lɛma lɛmsiri gɔnanu pɛa.

Rome 4:21 ပူးပေါင်းရင်းမြစ်များ

Matthieu 19:26

Jésus gɛra mbwa gdoo, nɛ tɔa ha mbwa: «Mɔ ɛngɛ gana hio wi, ma, Sɔ lɛma de mɔ fɛt.»

Dede Wen hazu Jésus-Christ ka Luc ngɛraka 1:1

Dede Théophile, hio ma wi zɔka mɔ ka Sɔ dea ha soko ɔ angara ha kudoma. Mɛgi mbwa dea tom mɛ bul *Dede Wen hazu Jésus-Christ, nɛ mbwa tɔa kasia fɛt ha ɔ. Nɛ dɔka wi kimbolo mɛ ngɛriki kasia ha takarata.

Dede Wen hazu Jésus-Christ ka Luc ngɛraka 1:37

Hazu ma mɔ ndang gan Sɔ na.»

Dede Wen hazu Jésus-Christ ka Luc ngɛraka 1:45

Totɛ ha mɛ ka mɛkara nde, wen ka Kongawan tɔa ha mɛ belɛm wɛɛ.»

Rome 14:4

Pɛ mɛ, mɛ zɔk tɛ mɛ tuka o hazu gɔn kita ha zu wan-tom pɛ ma mbing wi, o nde? Ngase wɛnɛ bhɔna ha yola ha ngɔn, ngase wɛnɛ teka ha nu, yo zɔk nɛ wan pɛa sɔna. Ma, wɛnɛ bebhɔn ha yola ha ngɔn hazu yo nê *Kongawan ka dung nɛ ngatɛ mɛ yolsi wɛnɛ ha ngɔn.

Rome 14:5

Hio ma wi takiri nde, ha li Sɔ, hio ma swe ang ka dung nɛ zioa pen hio oloa. Ma, hio ma wi takiri pɛ mbwa nde, hio swe fɛt gbesi, yo pen may na. Mɛgi, dea nde, wi ndang ndang aing nɛdedea mɔ ka wɛnɛ takiri hazua.

Rome 8:38

Hazu mi ingɔ nɛdedea nde, ngase fio, ngase tunɔ, ngase hio *telenge, ngase hio sɔtɛ gan zu mɔ, ngase hio mɔ ngimɔ ɛngɛ sising, ngasɛ hio mɔ ngimɔ ka betɛ bin, ngase hio nga sɔtɛ,

2 Korente 9:8

Sɔ lɛma ha ɛnɛ hio tili dedemɔ fɛt nɛdɔka tuka nde, mɔ pɛ ɛnɛ alɛm swe fɛt ha wal fɛt, nɛ mɔ pɛ ɛnɛ angbɔl hazu de nɛ ngay ha wal fɛt.

2 Timothée 1:12

Yo nê hazu ɛngi, ka mi ha kpaa nɛ yeksamɔ ndɔng. Ma, mi de foy na, hazu mi ingɔ wi kɛ ka mi gde tazu mi ha tɛ wa. Nɛ mi ingɔ nɛdedea nde, wɛnɛ nɛ ngatɛ mɛ pam mɔ ka wɛnɛ gdea ha kɔ mi, kanɛ swe ka wɛnɛ bepe nɛ.

Hebro 11:13

Hio wi ndɔng fɛt badung ka ha mɛkara Sɔ tee kanɛ mbwa fea. Pɛ mbwa, mbwa tɛ kpa hio mɔ ka Sɔ bagɔn nua na. Ma, mbwa zɔka yo nɛ yɛa, nɛ mbwa dea totɛa. Mbwa batɔ se long nde, mbwa ka nê hio gɔn-gɛnɛ wi nɛ hio tombɔ ha zu nu ɛngɛ.

Hebro 11:19

Abraham ingɔ nde, Sɔ nɛ ngatɛ mɛ tunsi Isaac ha fio. Mɛgi, yo dungɔ tuka nde, Isaac fea fe nɛ a guotɛ fin.