Rome 3:9 - Takarata pɛ Sɔ Mbombe Mbon

⁹ Mɛng? Ɔ, hio *zuife, ɔ nɛ dedea pen hio olo kandɔ nde? Way! Yo bo mɛgi na. Mi tɔa kari nde, hio zuife nɛ hio olo kandɔ, mbwa fɛt nê bala ha si gdangamɔ gbesi.

Rome 3:9 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 7:39

Nɛ ka Farizien ɛngɛ ka saa Jésus, zɔka mɛgi, a takara ha sila wa nde, ka bo se nde, wi ɛngɛ abo nê *wan-tɔkuliwen, a ingɔ nde, bhoko ɛngɛ ka baa tɛ wa, nê bhoko-de mɔ nɛ tum.

Rome 1:18

Kpasawen, Sɔ gbasa long nde, wɛnɛ nɛ ngambi ka gutɛ ha ngɔn, sungiri nɛ wi fɛt hazu mbwa kafa wɛnɛ, nɛ hazu mbwa ha dea kalbho-kalbho mɔ. Nɛ hio kalbho-kalbho deamɔ pɛ mbwa de nde, ɛ azɔk tɛwen pɛ Sɔ nɛ saa na.

Rome 11:32

Kpasawen, Sɔ gdea wal ha hio wi fɛt mɛ kafi nu wa tuka nde, wɛnɛ ade kobhe tɛ mbwa fɛt.

Rome 11:7

Ɛngi tɔ nde ge? Yo tɔ nde, mɔ ka kandɔ Israel dungɔ ha kioa, mbwa tɛ kpa yo na. Yo sɔna nê ɛ ndɔng ha soko mbwa ka Sɔ weka, ha kpa yo. Ka bo nê pɛ hio oloa, sila mbwa tɛ bo nɛ ngaya.

Rome 2:1

Mɛ ka gɔn kita ha zu hio ma mɛ, ngase mɛ dung mɛng, mɛ bo nɛ ma wen hazu ngangi nɛ tɛ mɛ na. Hazu mɛ fɛt, mɛ ha dea ndangtɛ gdangamɔ tuka mbwa. Mɛgi, ka mɛ gɔn kita ha zu mbwa, mɛ gɔn nɛ kita ha zu mɛ nɛ pɛ mɛ tɛ.

Rome 3:1

Ka mɔ dung tuka ɛngi, hio zuife dung nɛ nge mɔ ge, ka hio olo kandɔ tɛ kpa na, ge nde? Mbwa kpaa ma dedemɔ nɛ wal gɔna sɔru, nde?

Rome 3:19

Ɔ ingɔ nde, hio wen *mbonga pɛ Moïse fɛt zɔk hio wi ndɔng ka dung ha si mbonga. Mɛgi, wi ndang bo nɛ ma wen hazu ngangi nɛ tɛ wa ha li Sɔ na. Hio wi mɔ nzan fɛt lɛma nɛ kita pɛ Sɔ.

Rome 3:5

Hio ma wi ha tɔa nde, ka deamɔ pɛ mbwa bo nzeng na, yo nê ma dedemɔ, hazu ɛngi osi long nde, deamɔ pɛ Sɔ nɛ nzeng. Mɛgi, mbwa bhɔna ha tɔa nde, ka Sɔ bendulsi mbwa ha li kita pɛa, wɛnɛ bo fin nɛ nzeng na.

Rome 6:15

Ɔ bo fin ha si *mbonga na, ɔ dung ha si *dede sila pɛ Sɔ. Mana ɛngi ngoy mɛ tɔ nde, ɔ ade gdangamɔ, nde? Way! Yo bo mɛgi na.

Rome 7:14

Ɔ ingɔ nɛdedea nde, *mbonga tɛ nɛ wal *Nzɔy-Sɔtɛ. Ma, mi nê wi mɔ multɛ sɔna. Mi dung tuka tɛ bala ha si gdangamɔ.

1 Korente 10:19

Mi ngoy tɔ nde ge? Mana gbele sɔ nê ma mɔ nde? Mana sari sadaka pɛa nê ma mɔ nde?

1 Korente 14:15

Mɛgi, mi bede mɛng nde? Mi begɔ Sɔ nɛ wal Nzɔy-Sɔtɛ, nɛ mi begɔ fin nɛ ingɔmɔ pɔm. Mi bebe gima nɛ wal Nzɔy-Sɔtɛ, nɛ mi bebe fin nɛ ingɔmɔ pɔm.

1 Korente 4:7

Yo nê nge wi ka gdea mɛ nɛ gasaa pen hio mbinga, o nde? Mɔ ka dung ha kɔ mɛ, bo nê Sɔ haa yo ha mɛ nɛgbelea, na nde? Mɛgi, hazu ge mɛ ha suotɛ hazua ge nde? Hazu ge mɛ zɔka yo tuka mɔ ka mɛ tɛ kpa nɛgbelea na, ge nde?

Galasi 3:10

Ma, ka bo nê pɛ wi ndɔng ka gde tazu mbwa ha dea mɔ lɛm nɛ mbonga, fomi pɛ Sɔ baa mbwa kari. Hazu takarata pɛ Sɔ tɔa: «Fomi aba wi ɛngɛ ka bo ha dea mɔ lɛm nɛ hio wen ha zang takarata mbonga pɛ Moïse wɛɛ na.»

Galasi 3:22

Ma, takarata pɛ Sɔ tɔa nde, hio wi mɔ nzan fɛt nê bala ha si gdangamɔ. Mɔ dung mɛgi tuka nde, hio wi ka mɛkiri Jésus-Christ, mbwa akpa dedemɔ ka Sɔ gɔna nua, nɛ wal mɛkaramɔ pɛ mbwa.

Filipe 1:18

Ma, yo bede ge? Mana takaramɔ pɛ mbwa nɛ gdangaa mana nɛ dedea, mbwa bulo wen tɛ Christ kari, nɛ mi de totɛ hazua. Nɛ mi bebhɔn ha dea totɛ.