Rome 3:20 - Takarata pɛ Sɔ Mbombe Mbon

²⁰ Nɛ wal dea mɔ lɛm nɛ wen mbonga, ma wi ndang lɛm dung nzeng ha li Sɔ na. Mbonga ha sɔna nɛ wal ha hio wi mɛ ing nde, mbwa fɛt ha dea gdangamɔ.

Rome 3:20 ပူးပေါင်းရင်းမြစ်များ

Deamɔ 13:39

Ma, wi ndang ndang fɛt ka mɛkara Jésus, Sɔ dea nde, mbwa apen sɛɛ ha li kita pɛa kari.

Rome 2:13

Wi ka ze mbonga nɛ zala sɔna, Sɔ lɛm gde wia nzeng ha li wa na. Ma, yo nê wi ndɔng ka de mɔ lɛm nɛ wen mbonga, ka Sɔ begde mbwa nzeng ha li wa.

Rome 3:28

Hazu ɔ ingɔ nde, Sɔ gde wi nzeng ha li wa hazu wia mɛkara Jésus, bo hazu wia dea mɔ lɛm nɛ mbonga na.

Rome 4:13

Sɔ bagɔn nu ha Abraham nɛ hio bezang pɛa sɔngsi nde, a beha mbwa nzan tuka mɔ likɔ. Sɔ gɔna nu ɛngɛ bo hazu Abraham pama *mbonga na. Ma, a gɔna nu ɛngɛ hazu Abraham tɛ bo nê *nzeng wi ha li wa nɛ wal mɛkaramɔ pɛa.

Rome 4:15

Hio wi ha kimbolo mɛ pam mbonga pɛ Moïse gan, yo nê ɛngi ka mbwa lɛm nɛ ngambi pɛ Sɔ. Yo sɔna ha bhandi ka mbonga bo ang na, ka hio wi lɛm tukili yo na.

Rome 5:13

Mɛgi gdangamɔ dungɔ ha nzan sɔngsi ing nde, Sɔ aha *mbonga ha Moïse. Ma, Sɔ tɛ tɔl gdangamɔ ha ngimɔ ɛngi na, hazu ha ngimɔ ɛngi mbonga tɛ bo ka na.

Rome 5:20

Sɔ baha mbonga ha Moïse tuka nde, dea gdangamɔ pɛ hio wi ayɛbhi. Ma, ha bhandi ka gdangamɔ yɛbha ang, Sɔ dea dede sila ha tɛ hio wi haki pen mɔ sɔngsi fin.

Rome 7:11

Hazu nɛ wal wen mbonga, gdangamɔ kpaa wal mɛ osili mi. Nɛ gdangamɔ kuo wen mbonga hazu gbɛ nɛ mi.

Rome 9:32

Hazu ge? Hazu mbwa tɛ ki wal mɛ dung nzeng ha li Sɔ nɛ wal mɛkaramɔ na, ma, mbwa ngoya mɛ de mɛgi nɛ wal dea dedemɔ. Mbwa kɔa nanga ha tɛ ta teksi wi,

1 Korente 15:56

Fio kpa ngatɛ mɛ gbɛ hio wi nɛ wal gdangamɔ ka mbwa de. Nɛ gdangamɔ kpa ngatɛ nɛ wal *mbonga.

Galasi 2:16

Tangere ɔ ingɔ nde, yo sɔna nɛ wal mɛkara Jésus-Christ ka Sɔ gde wi nzeng ha li wa, yo bo nɛ wal dea mɔ lɛm nɛ *mbonga pɛ Moïse na. Mɛgi, ɔ fin, ɔ mɛkara Jésus-Christ tuka nde, Sɔ agde ɔ nzeng ha li wa bo hazu ɔ dea mɔ lɛm nɛ mbonga na, ma, hazu ɔ mɛkara Christ. Kpasawen, ma wi ndang lɛm dung nzeng ha li Sɔ nɛ wal dea mɔ lɛm nɛ mbonga na.

Galasi 2:19

Ey, ha li mbonga mi dung tuka fiowi, yo zɔk fin mi na. Mbonga nɛ pɛa tɛ dea mɛgi tuka nde, mi adung nɛ zutunɔ hazu Sɔ. Mi fea gbesi hinɛ Christ ha getakate.

Galasi 5:4

Ɛnɛ ka ngoy dung nzeng ha li Sɔ nɛ wal deamɔ lɛm nɛ mbonga, ɛnɛ gɔna soko hinɛ Christ kari. Mɛgi, Sɔ lɛm de *dede sila ha tɛ ɛnɛ fin na.

Hebro 7:19

Kpasawen, mbonga pɛ Moïse tɛ lɛmsiri ma mɔ ndang na. Ma, sising, ma mɔ hɔa ka dung nɛ dedea pen mɔ sɔngsi. Ɔ lɛma gde tazu ɔ ang hazu yo gbosasa wal mɛ tiki nɛ sanga-sanga hapɛtɛ Sɔ.