Rome 3:2 - Takarata pɛ Sɔ Mbombe Mbon

² Ey, mbwa kpaa dedemɔ ang nɛ wal fɛt. Hazu, ha bosia, Sɔ gdea hio wen pɛa ha kɔ mbwa, hio zuife.

Rome 3:2 ပူးပေါင်းရင်းမြစ်များ

Jean 5:39

Ɛnɛ yambi takarata pɛ Sɔ hazu ɛnɛ takiri nde, ɛnɛ ha kpaa *tunɔ kpoo ha zanga. Ma, bo nê takarata pɛ Sɔ ha kɛ wen tɛ mi, na nde?

Deamɔ 7:38

Yo nê Moïse fin, ka dungɔ hinɛ kandɔ Israel ha kpɛnu, ka mbwa wesara may ha nanga ngari Sinai. Wɛnɛ dungɔ ha soko hio ngbabafa ɔ nɛ telenge ka wolamɔ ha wɛnɛ ha zu ngari ɛngɛ. Nɛ wal telenge Sɔ tɔa ha wɛnɛ hio wen ndɔng ka ha tunɔ ha wi nde, wɛnɛ atɔ yo ha ɔ fin.

Rome 1:2

Nɛ wal hio nzɔy takarata, ka hio *wan-tɔkuliwen bangɛriki, Sɔ bagɔn nu sɔngsi bhee mɛ gbasi Dede Wen ɛngɛ.

Rome 2:18

Mɛ ingɔ mɔ ka Sɔ ngoy nde, ɛ ade yo. Nɛ mbonga osa ha mɛ wal mɛ gba soko dedemɔ nɛ gdangamɔ.

Rome 3:1

Ka mɔ dung tuka ɛngi, hio zuife dung nɛ nge mɔ ge, ka hio olo kandɔ tɛ kpa na, ge nde? Mbwa kpaa ma dedemɔ nɛ wal gɔna sɔru, nde?

Rome 3:3

Kpasawen, hio ma zuife tɛ dung nɛ mboazu ha li Sɔ na. Ma, ɛngi bedol Sɔ mɛ bhɔn nɛ mboazu nde?

Rome 9:4

Mbwa nê hio kandɔ pɛ Israel, ka Sɔ weka tuka hio bem pɛa. A osa *lɛkɛ-lɛkɛmɔ pɛa ha mbwa, a nɔa *mbon hinɛ mbwa, a haa *mbonga pɛa ha mbwa, a osa ha mbwa wal mɛ lukisi wɛnɛ, nɛ a gɔna nu nɛdɔka ha mbwa.

1 Korente 9:17

Ka bo se nde, mi nɛ pɔm tɛ aweki mɛ de tom ɛngɛ, ki mi lɛma mɛ kpa mɔ-kɛ mi. Ma, yo bo nê mi ha weki mɛ de toma na. Mi de kanɛ tom ka Sɔ gdea ha kɔ mi.

2 Korente 5:19

Kpasawen, Sɔ bhɔngara mɔ ha soko wa hinɛ hio wi mɔ nzan nɛ wal Christ. A tɔl gdangamɔ pɛ mbwa na. Nɛ wɛnɛ tomsa ɔ mɛ bul wen bhɔngaramɔ ɛngɛ.

Galasi 2:7

Kpasawen, mbwa nɛ pɛ mbwa tɛ zɔka nde, tuka ka Sɔ baha nɛ tom ha Pierre mɛ bul Dede Wen ha kandɔ zuife, Sɔ haa tom ha mi mɛ bul yo ha hio olo kandɔ gbesi.

1 Timothée 6:20

Timothée, mɛ pam mɔ ka Sɔ gdea ha kɔ mɛ, nɛdedea. Mɛ kafi hio ngbundu wolamɔ ka sungiri Sɔ, nɛ hio zanga wen ka ɛ sa nɛ tum nde, ingɔmɔ.

Hebro 5:12

Yo tɛ bo nê ngimɔ nde, ɛnɛ nɛ pɛ ɛnɛ tɛ adung nê hio wan-osimɔ. Ma, ɛnɛ kpala tɛ dung nê wi ka ɛ lɛma fin osi hio bosi osamɔ hazu Christ ha mbwa. Ɛnɛ dung tuka hio nzɔri bem ka bhɔna ha nɔa li bele, nɛ ɛnɛ tɛ lɛm ka yɔnga nga yɔngamɔ na.

1 Pierre 4:11

Wi ka kpaa ngatɛ mɛ de nɛ tom bulo wen, dea nde, wɛnɛ abul nɛ wen ka tɛ nɛ wal pɛ Sɔ. Nɛ wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa nɛ wal ngatɛ pɛ Sɔ. Mɛgi ɛnɛ de mɔ ndɔng fɛt tuka nde, hio wi alukisi Sɔ nɛ wal Jésus-Christ, ka dung nɛ *lɛkɛ-lɛkɛmɔ, nɛ ziomɔ kpoo nɛ kpoo. Amen.

Gbasamɔ 19:10

Nɛ mi teka ha si nanga wa hazu lukisi wɛnɛ. Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ fɛt, ka pam tɛwen ka Jésus kɛ wena. Mɛ alukisi nɛ Sɔ!» Yo nê tɛwen ka Jésus kɛ wena, ka ha ngatɛ ha hio wi mɛ tɔ kuliwen pɛ Sɔ.

Gbasamɔ 22:6

Hapata, *telenge ɛngɛ tɔa ha mi: «Wen ndɔng nê kpasa tɛwen. Nɛ *Kongawan Sɔ ka Sɔtɛ pɛa gde wen ha nu hio *wan-tɔkuliwen, wɛnɛ tomsa telenge pɛa hazu osi ha hio wan-tom pɛa mɔ ka behɔ nɛhasa.»