Rome 3:19 - Takarata pɛ Sɔ Mbombe Mbon

¹⁹ Ɔ ingɔ nde, hio wen *mbonga pɛ Moïse fɛt zɔk hio wi ndɔng ka dung ha si mbonga. Mɛgi, wi ndang bo nɛ ma wen hazu ngangi nɛ tɛ wa ha li Sɔ na. Hio wi mɔ nzan fɛt lɛma nɛ kita pɛ Sɔ.

Rome 3:19 ပူးပေါင်းရင်းမြစ်များ

Jean 15:25

Ma, mɔ hɔa mɛgi, tuka nde, wen ɛngɛ ha zang takarata *mbonga pɛ mbwa, alɛmsiri tɛ: ‹Mbwa sɛna mi nɛgbelea.›

Jean 8:9

Ka mbwa zea wen ɛngɛ, mbwa angara pena ndang ndang, hio koto wi pena nɛ bosia. Jésus bhɔna gbatɛ hinɛ bhoko ɛngɛ ka yola ha li wa.

Rome 1:20

Hio wi lɛm zɔk Sɔ nɛ li mbwa na, ma, angiri ha ngimɔ ka wɛnɛ dea nɛ nzan kanɛ sising, mbwa lɛma ing ngatɛ pɛa ka dung kpoo nɛ kpoo, nɛ dungɔ pɛa tuka Sɔ, nɛ wal hio mɔ fɛt ka wɛnɛ dea. Mɛgi, hio wi bo fin nɛ ma wen ka mbwa betɔ hazu ngangi nɛ tɛ mbwa na.

Rome 3:2

Ey, mbwa kpaa dedemɔ ang nɛ wal fɛt. Hazu, ha bosia, Sɔ gdea hio wen pɛa ha kɔ mbwa, hio zuife.

Rome 3:23

Wi fɛt dea gdangamɔ, mɛgi, mbwa lɛm fin nɛ *lɛkɛ-lɛkɛmɔ pɛ Sɔ na.

Rome 3:4

Way! Yo bo mɛgi na. Ɔ aing nde, Sɔ bhɔna ha tɔa tɛwen, ngase ka hio wi fɛt ha tɔa dalo. Yo gbesi tuka ɛ ngɛraka ha takarata pɛ Sɔ: «Hio wi being nde, mɛ nɛ nzeng nɛ wal wen nu mɛ. Nɛ ha li kita mɛ began zu hio wan-fundi mɛ.»

Rome 3:9

Mɛng? Ɔ, hio *zuife, ɔ nɛ dedea pen hio olo kandɔ nde? Way! Yo bo mɛgi na. Mi tɔa kari nde, hio zuife nɛ hio olo kandɔ, mbwa fɛt nê bala ha si gdangamɔ gbesi.

1 Korente 1:29

Hazu ɛngi, ma wi ndang ka besutɛ ha li Sɔ bona.

Galasi 3:10

Ma, ka bo nê pɛ wi ndɔng ka gde tazu mbwa ha dea mɔ lɛm nɛ mbonga, fomi pɛ Sɔ baa mbwa kari. Hazu takarata pɛ Sɔ tɔa: «Fomi aba wi ɛngɛ ka bo ha dea mɔ lɛm nɛ hio wen ha zang takarata mbonga pɛ Moïse wɛɛ na.»

Galasi 4:21

Ɛnɛ ngoy mɛ bhɔn ha si *mbonga na nde? Mɛgi, ɛnɛ akifiri wen ha anamɔ ɛngɛ: Ɛnɛ zea mɔ ka mbonga tɔa nde?

Galasi 4:5

A tɛa hazu yangi ɔ ka dung tuka bala ha si mbonga, tuka nde, Sɔ aba ɔ tuka hio bem pɛa.

Galasi 5:18

Ma, ka yo nê Nzɔy-Sɔtɛ ha ngbɔsi ɛnɛ, ɛnɛ bo fin ha si *mbonga na.